हिब्रू 5:6 - ह्योल्‍मो

⁶ ओहले लेहमेन ग्‍या़ला किन्‍ज्‍योगी दि ल़ेहमु सुङ नाङदी येह, “ख्‍ये मल्‍कीसेदेक ल़ेहमुराङ नाहम्‍स्‍यी किन्‍दु पूजाहारी यिहन।”

हिब्रू 5:6 ပူးပေါင်းရင်းမြစ်များ

हिब्रू 5:10

ओहले किन्‍ज्‍योगीॱराङ मिहरोला मल्‍कीसेदेक ल़ेहमु गो-छ्येवा पूजाहारीकी ज़्‍य़ू-ठिला ज़्‍या़ नाङसीन।

हिब्रू 6:20

ओहराङगी तेहन्‍दाला येशू ओहराङ म़ेदी तोहङलेराङ ओ़ह ग्‍या़ला फेप्‍ती ज़्‍य़ू नाङदी येह। मल्‍कीसेदेक पूजाहारी ल़ेहमुराङ मिहरो नाहम-माना लिहकेन्‍गी गो-छ्येवा पूजाहारी काहल्‍दी येह।

हिब्रू 7:11

पूजाहारीगी पद ज्‍योर्च्‍येलाती लेवी क्‍यिहपाकी छार्क्‍यीनॱराङ ओहङ कोहएँ म़ेदी छ्य़े-ठिमगी सुङ नाङगे। यिहॱनाङ दि पूजाहारीया़गीदी मिहया़ला याहङ-ताहक्‍पा ज़ो मी़हखुएँ सोङबे हारूनगी छार्क्‍यीन ङो़ले मिहम्‍बा पेहती मल्‍कीसेदेक ल़ेहमुराङ लेहमेन पूजाहारी च्‍यी़ फेप कोहच्‍ये येहकें।

हिब्रू 7:15

ता़ह मल्‍कीसेदेक ल़ेहमुराङ लेहमेन पूजाहारी फेप नाङ फान्‍ज्‍यो दि केच्‍याया़ ओहराङगी छ्यिसाल-नाहङसाल पेहती ह्‍अ कोहच्‍ये येह।

हिब्रू 7:17

च्‍यिबेमाना छ्य़ेला दि ल़ेहमु प्री़हदे येहबा, “मल्‍कीसेदेक ल़ेहमुराङ ख्‍ये नाहम-माना लिहकेन्‍गी पूजाहारी ओहङज्‍ये येह।”

हिब्रू 7:21

यिहॱनाङ किन्‍ज्‍योगी ना क्‍याल्‍दीराङ येशूला पूजाहारी ज़ो नाङसीन, ओहले मिहरोगी तेहन्‍दाला किन्‍ज्‍योगी छ्य़ेला दि ल़ेहमु सुङ नाङदी येहबा, “चो़वो छ्येवागी ना क्‍याल नाङदी येह, ओहले मिहरोगी थु नाहमॱआङ ग्‍युर्च्‍ये म़ेह, ‘ख्‍ये नाहम-मानागी तेहन्‍दाला पूजाहारी ओहङज्‍ये येह’।”

हिब्रू 7:3

मल्‍कीसेदेककी आबा, आमा दाङ चावाया़गी तेहन्‍दाला च्‍यिॱआङ स्‍येच्‍ये म़ेह। ओहले खोगी क्‍ये़कार ङ्यिहमा दाङ स्‍यिवाकी तेहन्‍दालाॱआङ च्‍यिॱआङ क्‍यी़ह म़ेह। किन्‍ज्‍योगी स़ेबु ल़ेहमुराङ खोॱआङ नाहम्‍स्‍यी किन्‍दु लिहकेन्‍गी पूजाहारी यिहम्‍बा।

हिब्रू 7:8

मिहया़ ङ्याम्‍बु बो च्‍युला बो च्‍यी़ फी़ तुहएँगी पूजाहारीया़ स्‍यिदी डोएँ यिहॱनाङ छ्य़ेगी मल्‍कीसेदेकती सोम्‍बोराङ ज़्‍य़ू नाङदी येह म़ेदी सुङ नाङगे।