हिब्रू 5:2 - ह्योल्‍मो

² ओहले खोगी च्‍यिॱआङ क्‍यी़ह म़ेहबा दाङ लाहम जोल्‍ग्‍योया़ला स्‍यिहवा पेहती लोप्‍ताम क्‍याहप ख़ूएँ च्‍यिबेमाना खो राहङॱआङ मा-फाम्‍बु ओहङगे।

हिब्रू 5:2 ပူးပေါင်းရင်းမြစ်များ

लूका 22:32

यिहॱनाङ ख्‍येगी तेहपा माहतोर्च्‍यु म़ेदी ङाहगी सोल्‍वाङ ताप्‍ते येह। ख्‍ये येहपाराङ ङाह ङो़ले लो़ह फान्‍ज्‍यो ख्‍येती नो़हया़ला तेहपाला स्‍युक छ्यिम्‍बु जे़दोङ” म़ेदी येशूगी सुङ नाङसीन।

२ कोरिन्‍थी 11:30

ङाहगी छ्य़ेन्‍दो तेनॱराङ कोहसीमाना ङाह राहङला मा-फाम्‍बु तेन्‍गेन्‍गी तामया़ला छ्य़ेन्‍दो तेन्‍गे।

२ कोरिन्‍थी 12:5

ओ़ह मिहगी तेहन्‍दाला ङाह छ्य़ेन्‍दो तेन्‍गे, यिहॱनाङ ङाह राहङगी तेहन्‍दाला ङाहती मा फाम्‍बुया़ म़ेदी लेहमेन तामला छ्य़ेन्‍दो तेन्‍ज्‍ये म़ेह।

गलाती 4:13

ख्‍याया़ला क्‍यी़हराङ येह, थाम्‍ज्‍यी म़ेदी तोहङले ख्‍यासाला या़हबु लेहङगु स्‍येकेमु ङाह नेहपा येहकें।

एफिसी 4:18

खुङया़गी नावा ना़-जुबे काहल्‍दी येह। खुङगी किन्‍ज्‍योला ङोह स्‍ये़ज्‍ये माहछोल्‍बा सोङबे खुङ किन्‍ज्‍योलेगी था़-रिहङबु काहल्‍दी येह। ओ़ह सोङबे खुङया़गी सेम सान्‍दी काहल्‍सीन ओहले ङोह मे़हस्‍येगे काहल्‍सीन। ओहले खुङया़गी नावा ना़-जुबेगी काहङदी येह।

१ तिमोथी 1:13

यिहन्‍ज्‍येनी ङाहगी तोहङले चो़वो येशूला ङ्याप्‍च्‍यु पेहसीन, तुहक्‍पु तेर्सीन ओहले स्‍ये़हन्‍डील पेहसीन। ओ़ह ती़हजीला ङाहगी चो़वो येशूला यिह मा़हछ्येबा येहकें ओहले दि थाम्‍ज्‍यी तामया़ ङाहगी ङोह मा़हस्‍येबा पेहती पेहक्‍यो सोङबे किन्‍ज्‍योगी ङाहला थुज्‍यी ज़ी़ नाङसीन।

हिब्रू 12:13

काङबा कुच्‍या काहल्‍ग्‍योया़ काङबा मा़हठोज्‍यु यिहॱनाङ खुङ टा़ह ख़ूज्‍यु म़ेदीमाॱराङ ख्‍या डोएँगी लाहमया़ थेका जे़दोङ।

हिब्रू 2:17

ओ़ह सोङबे राहङगी नो़हया़ काहन्‍डुमु येहबा येशू राहङॱआङ थाम्‍ज्‍यी से़हया़ला ओ़ह ल़ेहमुराङ डो कोहसीन, ओहले मिहया़गी तिहक्‍पा ता़ह च्‍य़ू नाङज्‍येला येशू किन्‍ज्‍योगी छ्या़लेला यिह-छ्य़ेबु दाङ च्‍याहम्‍बु पूजाहारी छ्यिम्‍बु काहल्‍सीन।

हिब्रू 2:18

च्‍यिबेमाना मिहरो राहङगीॱआङ छेताला छ्यिक्‍यो ती़हजीला तुहक्‍पु खुर नाङसीन ओ़ह सोङबे ङ्याहम्‍छेला छ्यिकेया़ला मिहरोगी रो़हराम जे नाङ थुप्‍कें।

हिब्रू 4:15

च्‍यिबेमाना ओहराङ मा-फाम्‍बु डोएँमु ओहराङगी गो-छ्येवा पूजाहारीगी ओहराङला सेम सो च्‍य़ू नाङ ख़ूएँ। ओहराङ ल़ेहमुराङ मिहरोॱआङ थाम्‍ज्‍यीराङ से़हया़ला ङ्याहम्‍छेला छ्यि नाङसीन, यिहॱनाङ मिहरोगी तिहक्‍पा च्‍यिॱआङ जे माहनाङ।

हिब्रू 7:28

च्‍यिबेमाना छ्य़े-ठिमगी मा-फाम्‍बु मिहया़ला गो-छ्येवा पूजाहारी ज़ो नाङसीन, यिहॱनाङ छ्य़े-ठिम म़ेदी तिङले किन्‍ज्‍योगी ना क्‍याल्‍दी ज़्‍या़ नाङग्‍योकी तोहदामगी नाहम-मानाकी तेहन्‍दाला स़ेबुला याहङ-ताहक्‍पा दाङ गो-छ्येवा पूजाहारी ज़ो नाङसीन।

हिब्रू 9:7

यिहॱनाङ नाहङ ङो़ले येहकेन्‍की चा़ छ्येस्‍यो नाम्‍पार-ताहक्‍पा ग्‍या़लादी लोहला लेहमा च्‍यी़ गो-छ्येवा पूजाहारी च्‍यी़राङ डो ङ्युहङगो येहकें ओ़हदीॱआङ ठा़ माहख्‍येर्पा पेहती डो मिहङ्युहङ येहकें। ओ़ह ठा़दी खो राहङगी पेहक्‍योगी तिहक्‍पा दाङ मिहया़गी ङोह मा़हस्‍येबा पेहती पेहक्‍यो तिहक्‍पाकी तेहन्‍दाला फुल्‍गो येहकें।

याकूब 5:19

ङाहगी आदा-नो़ह दाङ आज्‍यी-नुहमुया़, ख्‍याया़ नाहङला सुज्‍यी तेहन्‍दामगी लाहमले क्‍यो़दी काहल्‍सीन माना खोला लो़दी ख्‍येर्स्‍यो।

१ पत्रुस 2:25

च्‍यिबेमाना ख्‍या ल़ूहया़ ल़ेहमुराङ पेहती आला ख्‍याम्‍दी येहकें, यिहॱनाङ ता़ह ख्‍याया़गी नाम्‍स्‍यीला कोहरोवा जे नाङगे दाङ सुङ नाङगे साला ख्‍याया़ लो़ह ओहङदी येह।