हिब्रू 5:14 - ह्योल्‍मो

¹⁴ यिहॱनाङ मुहर कोहएँगी साहप्‍च्‍याया़नी छार सिहन्‍ग्‍यो मिहया़गी तेहन्‍दाला यिहम्‍बा। च्‍यिबेमाना या़हबु चोक्‍पा च्‍यि यिहम्‍बा म़ेदी खा फे़ ख़ूएँगी नावा खुङला क़े सिहन्‍ग्‍यो ओहङगे।

हिब्रू 5:14 ပူးပေါင်းရင်းမြစ်များ

मत्ती 5:48

ओ़ह सोङबे स्‍यिहङगामला ज़्‍य़ू नाङगेन्‍गी ख्‍याया़गी किन्‍ज्‍यो च्‍यिॱआङ क्‍येन म़ेहबा जेती ज़्‍य़ू नाङग्‍यो ल़ेहमुराङ ख्‍याया़ॱआङ ओ़ह ल़ेहमुराङ पेहती तेह कोहएँ” म़ेदी येशूगी सुङ नाङसीन।

रोमी 14:1

यिह-छ्य़ेला सान्‍दी माहकाहल्‍बा मिहया़ला लोक पेहतोङ, यिहॱनाङ खोती नोम्‍साङला फातुर च़ूदी ठुक्‍पा क्‍याहप्‍केन्‍गी ल़ेहती माहबे।

१ कोरिन्‍थी 2:6

यिह-छ्य़ेला चार्ङ्यी तिहङ रिहङबु सू़ह सिहन्‍ग्‍योया़ ङ्याम्‍बु ङ्यिह रिहक्‍स्‍यीकी तामया़ प्रा साल्‍गे, यिहॱनाङ दि काल्‍बाकी रिहक्‍स्‍यी मिहम्‍बा। दि काल्‍बाला ओङ छ्येएँया़की रिहक्‍स्‍यीॱआङ मिहम्‍बा। दिया़नी ङ्यिहमा च्‍यी़ तोङदी डोज्‍ये येह।

एफिसी 1:18

ङाह दिगी तेहन्‍दालाॱआङ सोल्‍वाङ ताप्‍को येह, ख्‍याया़की सेमकी मी़ क्‍या-साङे डोज्‍यु, ओहले का़हन्‍दी रे़हवाकी तेहन्‍दाला मिहरोगी ख्‍याया़ला क़े क्‍याहप नाङग्‍यो यिहम्‍बा, ओहले मास्‍यीकाकी नाम्‍पार-ताहक्‍पा मिहया़ला मिहरोकी ज़िज्‍यिद क्‍युहगी ओङ च्‍यि यिहम्‍बा, ओ़ह ख्‍याया़गी ङोह स्‍य़े ख़ूज्‍यु।

एफिसी 4:13

दि काबापया़ लाहमले ओहराङ यिह छ्य़ेलुला डी़दी तेह ख़ूज्‍ये येह ओहले किन्‍ज्‍योकी स़ेबुकी रिहक्‍स्‍यीला ओहराङ याहरक्‍यी पेहती डो ख़ूएँ ओहले ङ्यिहमा च्‍यी़ ओहराङ छाङबु मिह डोज्‍ये येह ओहले मास्‍यीकाकी छाङबु छ़े क्‍याहप नाङग्‍योकी ग्‍या़ थु लेप ख़ूज्‍ये येह।

फिलिप्‍पी 3:15

ओहराङ यिह-छ्य़ेला सान्‍दी काहल सिहन्‍ग्‍योया़गीती दि ल़ेहमुराङ सेम थो़ कोहएँ, ओहले लाहलाती लेहमेनॱराङ नोम्‍साङया़ येहसीमाना किन्‍ज्‍योगीॱराङ ख्‍याया़ला प्रा साल नाङज्‍ये येह।

१ थेसलोनिकी 5:21

ताम थाम्‍ज्‍यी या़हबु पेहती ङ्याहम च्‍येतोङ, ओहले का़हन्‍दी ताम या़हबु येहबा ओ़ह ताम या़हबु पेहती ची़दोङ।

१ तिमोथी 4:7

किन्‍ज्‍योला मे़हक्‍याप्‍के दाङ तेहन्‍दा म़ेहबागी तोहङमा तोहङमागी पेतामया़ ङो़ले था़-रिहङबुराङ तेह। बरु किन्‍ज्‍योला क्‍याप्‍ती राहङगी मिहजी या़हबु ताङज्‍येला च्‍याहङदार पेहतोङ।

हिब्रू 6:1

ओ़ह सोङबे ओहराङ मास्‍यीकाकी गो़ तोहङस्‍यो लुहङया़ला च्‍यी़राङ माहतेहपा पेहती ता़हनी ओहराङ मास्‍यीकाकी तिहङ रिहङबु दाङ रिहक्‍स्‍यीकी लुहङया़ ङो़ले याहरक्‍यी पेहती डो कोहएँ। स्‍यिवा ङो़ले ख्‍येर्केन ल़ेहया़ लाहमले स्‍या़बा दाङ किन्‍ज्‍यो थो़ला तेहपा पेहकें तामगी ब्राम येहपाराङ माहतिङ।

याकूब 3:2

च्‍यिबेमाना ओहराङ थाम्‍ज्‍यीगी जोल्‍गे। का़हन्‍दी मिहगी ताम माएँमु मेहजोल्‍गे खो तेहम्‍बाराङ याहङ-ताहक्‍पा मिह यिहम्‍बा। ओ़ह ल़ेहमु मिहगीराङ राहङ ज़ुबुला टिहला ज़्‍या़ ख़ूएँ।