हिब्रू 5:13 - ह्योल्‍मो

¹³ ओहमा च्‍यी़राङ थुङदी थार्के मिहती टाहङदेनकी सुङला खो पक्‍का काहल्‍ग्‍यो मेहयोहङगे, च्‍यिबेमाना खो पेहजाॱराङ ओहङगे।

हिब्रू 5:13 ပူးပေါင်းရင်းမြစ်များ

मत्ती 11:25

ओहजेला येशूगी सुङ नाङसीन, “ओ़ किन्‍ज्‍यो याहप स्‍यिहङगाम दाङ जाम्‍बुलीङगी ताहक्‍पु, ङाहगी राहङला थुज्‍यी-छ्ये़ फुल्‍गे च्‍यिबेमाना रिहक्‍स्‍यी छ्यिम्‍बु दाङ टिहम्‍बु मिहया़ ङो़ले पे़हदी ज़्‍या़ नाङग्‍योकी स्‍याहल राहङगी च्‍यिॱआङ मे़हस्‍येएँगी मिहया़ला ङोह स्‍य़े च्‍य़ू नाङसीन।

मर्कूस 10:15

तेहम्‍बाराङ ङाह ख्‍याला माएँ, किन्‍ज्‍योगी क्‍याहल्‍सीला फेमा पेहजाया़गी ल़ेहमुराङ पेहती ख़े-माहलेहन थु सुॱआङ ओ़ह नाहङला स्‍य़ूह ङ्युहङज्‍ये म़ेह।”

रोमी 2:20

ओहले ख्‍येगी उल्‍दुम्‍बाया़ला लोप्‍ताम क्‍याहप ख़ूएँ ओहले च्‍यिॱआङ मे़हस्‍येगेनया़ला लोप्‍च्‍युङ तेर ख़ूएँ, च्‍यिबेमाना ख्‍येगी छ्य़े-ठिम लाहमले थाम्‍ज्‍यी येहन्‍देन दाङ तेहन्‍दाम ङोह स्‍य़े सिहन्‍दी येह।

१ कोरिन्‍थी 13:11

ङाह फेमा येहकेंमु ङाहगी पेहजागी ल़ेहमुराङ पेहती ताम माउ येहकें, पेहजागी ल़ेहमुराङ सेम येहकें, पेहजागी ल़ेहमुराङ पेहती ङोह स्‍ये़उ येहकें, यिहॱनाङ ता़ह ङाह स्‍यारा काहल्‍दी येह ओ़ह सोङबे ङाहगी पेहजागी ल़ेहमु च्‍येपाया़ क्‍युर्सीन।

१ कोरिन्‍थी 14:20

आदा-नो़ह दाङ आज्‍यी-नुहमुया़, ख्‍याया़ नोम्‍साङ ताङलुला पेहजाया़ ल़ेहमु माहबे। ताम चोक्‍पाया़गी तेहन्‍दाला पेहजाया़ ल़ेहमु, च्‍यिॱआङ क्‍यी़ह म़ेहबा ल़ेहमु पेहती तेहतोङ, यिहॱनाङ नोम्‍साङ ताङलुला ख्‍या मिह छ्यिम्‍बु ल़ेहमु ओहङ कोहएँ।

१ कोरिन्‍थी 3:1

आदा-नो़ह दाङ आज्‍यी-नुहमुया़, ख्‍या ङ्याम्‍बु ताम माएँमु यिहक्‍तेन मिहया़ ङ्याम्‍बु ल़ेहमु पेहती ङाहगी ताम मा मा़हखु, यिहॱनाङ जाम्‍बुलीङकी मिह, मास्‍यीकाला येहकेन्‍गी ल़ेनु पेहजाया़ ङ्याम्‍बु ताम माक्‍यो ल़ेहमु पेहती ङाहगी ताम मा ख़ूसीन।

२ कोरिन्‍थी 3:9

च्‍यिबेमाना मिहला क्‍येन ताएँगी छ्य़े-ठिम ज़िज्‍यिद छ्यिम्‍बु येहकें मासीमाना, मिहला टाहङबु सी़ह च्‍य़ूगेन्‍गी ताहम्‍ज्‍यानी तोहरोङ ज़िज्‍यिद छ्यिम्‍बु ओहङगे।

एफिसी 4:14

ओ़ह सोङबे ओहराङ पेहजाया़ ल़ेहमु ओहङज्‍ये मेहयोहङगे। चिहन क्‍याहप्‍के मिहया़की लोप्‍च्‍युङ दाङ छलगी ओहराङ छ्यु पाहलाप दाङ ल्‍हा़बागी फार छुर याप्‍क्‍योकी छ्यु-टुह ल़ेहमु ओहङज्‍ये म़ेह।

२ तिमोथी 3:16

दि थाम्‍ज्‍यी नाम्‍पार-ताहक्‍पा सुङराप किन्‍ज्‍योगी थु लाहमले नाङग्‍यो यिहम्‍बा, ओहले दि सुङराप मिहया़ला लोप्‍च्‍येला, लोप्‍ताम क्‍याहप्‍च्‍येला, च्‍ये़ज्‍येला, टाहङदेनकी लाहमला च्‍याहङदार पेह च्‍य़ूज्‍येला, ज्‍यिबुराङ फेन थोएँ यिहम्‍बा।

१ पत्रुस 2:2

थेरेरे क्‍येक्‍योगी पेहजा ओहमा थुङज्‍ये म़ेदी ङुहक्‍यो ल़ेहमुराङ ख्‍याया़ॱआङ किन्‍ज्‍योकी तेहन्‍दामगी सुङया़ ङोह स्‍येच्‍येला सेम ताङदोङ दि लाहमलेॱराङ ख्‍यागी ज्‍योरक्‍योकी थार्पाला ख्‍या जेन-जेन याहरक्‍यी पेहती डो ख़ूज्‍ये येह।

२ यूहन्‍ना 1:11

च्‍यिबेमाना ओ़ह ल़ेहमु मिहया़ला टास्‍यी-देले माक्‍योदी खोगी पेहकेन्‍गी ल़ेह चोक्‍पाया़ला ख्‍याया़गी रो़ह पेहक्‍यो यिहम्‍बा।