हिब्रू 4:16 - ह्योल्‍मो

¹⁶ ओ़ह सोङबे ओहराङ स्‍युक छ्यिम्‍बु पेहती किन्‍ज्‍योकी काटीनकी ज़्‍य़ू-ठि पोहला डो। ओहराङला कोम्‍बु डोएँमु ओ़हला ओहराङगी किन्‍ज्‍योकी थुज्‍यी दाङ काटीन ज्‍योर्च्‍ये येह।

हिब्रू 4:16 ပူးပေါင်းရင်းမြစ်များ

एफिसी 2:18

च्‍यिबेमाना मिहरो लाहमलेॱराङ यहूदी दाङ लेहमेन क्‍यिहपा ओहराङ थाम्‍ज्‍यीगी च्‍यिमे च्‍यी़राङ नाम्‍पार-ताहक्‍पा थु ज्‍योर्ती याहप साला डो ख़ूएँ काहल्‍दी येह।

एफिसी 3:12

मास्‍यीकाला क्‍याप्‍ती ओहले मिहरोला तेहपा पेहतीराङ ओहराङगी किन्‍ज्‍योगी दिनला डोज्‍येला स्‍युक दाङ आ़र ज्‍योर्ती येह।

हिब्रू 13:6

ओ़ह सोङबे ङ्यिह थाक-ताङदी माएँ, “चो़वोगीॱराङ ङाहला रो़हराम जे नाङगे। ङाह नाहमॱआङ ज्‍यी़ज्‍ये म़ेह। मिहगी ङाहला च्‍यि पेह ख़ूएँ?”

हिब्रू 3:6

यिहॱनाङ मास्‍यीकाती किन्‍ज्‍योगी ज़िम्‍गाङला यिह-छ्य़ेबु स़ेबु येहकें। ओहराङगी रेहवाला ओहराङगी तिङ थुराङ स्‍युक छ्यिम्‍बु दाङ म़ेहबा पेहसीनमाना ओहराङ किन्‍ज्‍योगी ज़िम्‍गाङ यिहम्‍बा।

हिब्रू 7:19

च्‍यिबेमाना मोशागी तेरक्‍यो छ्य़े-ठिमगी सुलाॱआङ याहङ-ताहक्‍पा ज़ो मा़हखु। यिहॱनाङ ता़ह किन्‍ज्‍योगी ओहराङला ओ़ह म़ेदीॱआङ या़हबु रेहवा नाङदी येह, ओ़ह लाहमले पेहती ओहराङ किन्‍ज्‍यो पोहला लेप ख़ूएँ।

हिब्रू 7:25

ओ़ह सोङबे मिहरोला यिह छ्य़ेदी किन्‍ज्‍यो पोहला ओहङगेया़ला मिहरोगी ताहन्‍दा दाङ नाहम माॱनाङ थार्पा थोप च्‍य़ू थुप्‍कें। च्‍यिबेमाना खुङया़गी तेहन्‍दाला किन्‍ज्‍यो ङ्याम्‍बु सोल्‍वाङ ताप नाङज्‍येला मिहरो नाहम्‍स्‍यी किन्‍दु ज़्‍य़ू नाङगे।

हिब्रू 9:5

किन्‍ज्‍योॱराङ ओ़ह ग्‍या़ला ज़्‍य़ू नाङदी येह म़ेदी तेन नाङज्‍येला ओ़ह काहम थो़ला येहसेर क्‍याहप्‍केन स्‍यिहङगामकी स्‍याहप्‍च्‍यीगी स्‍योक्‍पाया़ तिहक्‍पा ता़ह च्‍य़ूगेन्‍गी ग्‍या़या़ थो़ला क्‍याहङदी येहकें। यिहॱनाङ ताहन्‍दादी ओ़ह रेबेॱराङ से़हया़ ऱेह-ऱेह पेहती स्‍य़े मी़हखुएँ।

१ पत्रुस 2:10

तोहङलेनी ख्‍याया़ किन्‍ज्‍योकी मिहया़ मिहम्‍बा यिहन्‍गे, यिहॱनाङ ताहन्‍दानी ख्‍याया़ किन्‍ज्‍योगी मिहया़ काहल्‍दी येह। तोहङले ख्‍याया़गी किन्‍ज्‍योकी थुज्‍यी ज्‍योर्ती म़ेहबा येहकें, यिहॱनाङ ताहन्‍दा ख्‍याया़गी किन्‍ज्‍योकी थुज्‍यी ज्‍योर्ती येह।