हिब्रू 3:2 - ह्योल्‍मो

² मोशा किन्‍ज्‍योगी ज़िम्‍गाङला स्‍याहप्‍तो स्‍य़ूहज्‍येला यिह-छ्य़ेबु येहकें ल़ेहमुराङ येशू राहङला कुल नाङगे छ्या़लेला किन्‍ज्‍योगी तेहन्‍दाला यिह-छ्य़ेबु येहकें।

हिब्रू 3:2 ပူးပေါင်းရင်းမြစ်များ

यूहन्‍ना 15:10

ङाहगी ङाहती याहपती काया़ ङ्यिहन्‍दी ङाह याहपगी चेवाला तेहक्‍यो ल़ेहमु ख्‍यागीॱआङ ङाहती काया़ ङ्यिहन्‍सीन माना ख्‍या ङाहती चेवाला तेहच्‍ये येह।

यूहन्‍ना 17:4

राहङगी ङाहला चि क्‍याहप नाङग्‍योकी छ्या़लेन तेहन्‍दा डुप च्‍य़ूदी ङाहगी राहङगी छेन दि जाम्‍बुलीङला छ्यिम्‍बु जे़दी येह।

यूहन्‍ना 7:18

का़हन्‍दीगी राहङ ङो़ले ताम माएँ, ओ़हदीगी राहङदीराङ चा़ छ्यिम्‍बु छोल्‍गे, माॱनाङ का़हन्‍दीगी राहङला ताङ नाङग्‍योदीला चा़ पेहच्‍ये छोल्‍गे, ओ़हदी तेहम्‍बा यिहन, ओहले खोला च्‍यिॱआङ क्‍येन म़ेह।

यूहन्‍ना 8:29

ङाहला ताङ नाङगेन्‍दी ङाह ङ्याम्‍बुराङ ज़्‍य़ू नाङदी येह, मिहरोगी ङाहला च्‍यी़राङ क्‍युर ज़्‍या़ नाङदी म़ेह च्‍यिबेमाना ङाह नाहम पेहनाॱआङ मिहरोला थु ङ्य़ेबु ओहङगेन्‍गी ल़ेहया़ च्‍यी़राङ पेहकें।”

एफिसी 2:22

ख्‍या मास्‍यीका ङ्याम्‍बु च्‍यी़राङ डी़दी ज़्‍याङगेनॱराङ पेहक्‍योकी ज़िम्‍गाङला नाम्‍पार-ताहक्‍पा थु लाहमले किन्‍ज्‍यो ओ़ह ज़िम्‍गाङला ज़्‍य़ू नाङज्‍ये येह।

१ तिमोथी 1:12

ङाहगी ल़ेहला ङाहला स्‍युक नाङगेन ओहराङगी चो़वो येशू मास्‍यीकाला ङाह थुज्‍यी-छ्ये़ फुल्‍गे। मिहरोगी ङाहला यिह-छ्य़ेबु ज़ी़ नाङदे राहङगी छ्या़लेला च्‍य़ू नाङसीन।

१ तिमोथी 3:15

का़हलेॱआङ ङाह ओहङज्‍येला यिहन थो़सीमाना किन्‍ज्‍योगी क्‍याहल्‍सीला ओहराङगी डोलु-तेहलु काह-ठि ओहङ कोहकें माएँ ताम दि यिहगी लाहमले ङोह स्‍ये़दोङ। किन्‍ज्‍योगी क्‍याहल्‍सीदी सोम्‍बो ज़्‍य़ू नाङगेन किन्‍ज्‍योकी छेन्‍छोक यिहम्‍बा। दि किन्‍ज्‍योकी क्‍याहल-खाङ, तेहन्‍दामकी काप्‍स्‍यी दाङ ब्राम यिहम्‍बा।

हिब्रू 2:17

ओ़ह सोङबे राहङगी नो़हया़ काहन्‍डुमु येहबा येशू राहङॱआङ थाम्‍ज्‍यी से़हया़ला ओ़ह ल़ेहमुराङ डो कोहसीन, ओहले मिहया़गी तिहक्‍पा ता़ह च्‍य़ू नाङज्‍येला येशू किन्‍ज्‍योगी छ्या़लेला यिह-छ्य़ेबु दाङ च्‍याहम्‍बु पूजाहारी छ्यिम्‍बु काहल्‍सीन।