हिब्रू 3:1 - ह्योल्मो1 ओ़ह सोङबे किन्ज्योगी क़े क्याहप नाङग्यो नाम्पार-ताहक्पा आदा-नो़ह दाङ आज्यी-नुहमुया़, ङ्यिहगी ल़ेह-पेन दाङ गो-छ्येवा पूजाहारी म़ेदी ची़नाङ पेहक्यो येशू ङो़ले सेम ताङदोङ। အခန်းကိုကြည့်ပါ။ |
हिब्रू 3:1
63 ပူးပေါင်းရင်းမြစ်များ
ओ़ह ल़ेहमुराङ काहजे याहल्गाया़ छ्या़दी काहल्ग्यो ल़ेहमुराङ काहजे यहूदीया़गीॱआङ किन्ज्योला क्युर ज़्या़दी काहल्सीन। यिहॱनाङ ख्या लेहमेन क्यिहपाकी मिहया़ती रिहगी जैतून तोहङबो यिहन यिहॱनाङ ता़ह ख्या ओ़ह छ्या़दी काहल्ग्यो याहल्गाया़की छापला कलमी काहल्दी येह। ता़ह ख्यागी ओ़ह या़हबु जैतून तोहङबोकी चार्ङ्यीलेगी सेदो दाङ मिहली ज्योर्च्ये येह।
कोरिन्थी लुहङबाला येहकेन्की किन्ज्योकी छेन्छोकला ङ्यिह दि यिहगी प्रुहएँॱराङ येह। मास्यीका येशूला नाम्पार-ताहक्पा काहल्ग्यो दाङ खुङया़ ङ्याम्बु-ङ्याम्बुराङ ग्या़ थाम्ज्यीला मास्यीकाकी नाम्पार-ताहक्पा मिह डोज्येकी तेहन्दाला क़े क्याहप नाङग्योया़ थाम्ज्यी, का़हन्दी का़हन्दीगी चो़वो येशू मास्यीकाकी छेनला क्याप्केन, ओ़ह चो़वो येशू मास्यीकाॱराङ ओहराङ दाङ खुङया़की चो़वो यिहम्बा:
ओ़ह तिहङ-रिहङबुकी केच्या च्यि यिहम्बा मासीमाना, लेहमेन क्यिहपाकी मिहया़गीॱआङ या़हबु लेहङगु लाहमले इस्राएलीया़गी ल़ेहमुराङ किन्ज्योकी मेलामया़ ज्योर ख़ूएँ काहल्सीन। लेहमेन क्यिहपाकी मिहया़ॱआङ ज़ुबु च्यी़गी ओङबुया़ यिहन ओहले मास्यीका येशू लाहमले किन्ज्योगी ज़्या़ नाङग्योकी ताहम्ज्या पी़मागी हकदार काहल्दी येह।
ओ़ह सोङबे किन्ज्योगी का़हन्दी मिहलीगी तेहन्दाला ख्या फ़ेबे-म़ेहमेया़ला क़े क्याहप नाङग्यो यिहम्बा, ओ़ह मिहलीला ते़बे राहङगी मिहजी ताङज्येला सी़हएँगी मिहया़ ज़ो नाङज्यु ओहले राहङ फ़ेबे-म़ेहमेया़गी सेमला या़हबु ऩेक्योगी थाम्ज्यीराङ से़हया़ दाङ तेहपागी छ्या़लेया़ किन्ज्योकी ओङगी जेतीॱराङ तेहन्दा डुप च्य़ू नाङज्यु।
यिह छ्य़ेबा ताहक्पुया़ला खुङ योक्पुया़गी, यिह-छ्य़ेला आदा-नो़हया़ॱराङ यिहन म़ेदी ङ्युहङसे़ चा़ माहबे। बरु खुङया़गी ताहक्पुया़ला जेन माहङबु स्याहप्तो स्युहज्यु, च्यिबेमाना खुङया़गी स्याहप्तो स्युहक्यो लाहमले खेप्साङ ज्योर्केया़ यिह छ्य़ेबा दाङ ज्यिबुराङ च्याहम्बु रो़हया़ यिहम्बा। दि थाम्ज्यी पेहॱराङ कोहएँगी ल़ेहया़ ची़ज्येला लोप्तोङ ओहले ओहर-छ्य़े स्यी़हदोङ।
किन्ज्योगी ताहम्ज्या ज़्या़ नाङग्यो नाहम्स्यी किन्दु लिहकेन्गी मेलामया़ मास्यीका लाहमले क़े क्याहप नाङग्यो मिहया़गी ज्योर ख़ूज्यु म़ेदी दि साम्बा ताहम्ज्या ङ्याम्बु लाहम्बा जे नाङगेन्दी मास्यीकाॱराङ यिहम्बा। तोहङस्यो ताहम्ज्याकी ती़हजीला मिहया़गी पेहक्यो तिहक्पालेगी खुङया़ला खा फे़ नाङज्येला मास्यीका टोहङ नाङसीन।
यिहॱनाङ ख्याया़नी दाम्ग्योगी मिहया़, क्याहल्बुला स्याहप्तो स्युहएँगी पूजाहारी, नाम्पार-ताहक्पा क्यिहपाया़, किन्ज्योगी राहङदीराङ मिहया़ यिहम्बा। मिहरोगी ख्याया़ला ना़-जुबेलेगी याहम्जेन छ्येवा जेती क्या-साङेला नोम फेन नाङसीन च्यिबेमाना ख्याया़गी किन्ज्योकी याहम्जेन छ्येवागी छ्या़लेया़ मिहया़ला स्युक छ्यिम्बु पेहती स्ये ख़ूज्यु म़ेदी यिहम्बा।
थाम्ज्यी काटीनकी किन्ज्योगी मास्यीकाला यिह-छ्य़े नाङदी राहङदी नाहमॱआङ मिहसीहन्गेन्गी ज़िज्यिद नाङज्येला ख्याया़ला क़े क्याहप नाङदी येह। ख्यागी ङ्यिहमा तोबाज्यी तुहक्पु खुर फान्ज्यो मिहरोगीॱराङ ख्याया़ला येहपाराङ साम्बा ज़ो नाङज्ये येह, ओहले ख्यागी सेम थिक-चिला ज़्या़दी ओङज्या छ्यिम्बु ज़ो नाङज्ये येह ओहले ब्राम सान्दी तिङग्यो ग्या़ला ज़्या़ नाङज्ये येह।
ကြော်ငြာတွေ