हिब्रू 2:2 - ह्योल्‍मो

² ताहङबो स्‍यिहङगामकी स्‍याहप्‍च्‍यीया़गी ओहराङ चावाया़ला स्‍य़ेक्‍यो किन्‍ज्‍योकी लुहङ तेहम्‍बा-तेहन्‍सुम सी़हसीन ओहले ओ़ह लुहङ मी़हचीएँ दाङ मिहङ्यीहन्‍गेनया़ला फो़ कोहएँगी ङ्य़ेहबा फो़सीन।

हिब्रू 2:2 ပူးပေါင်းရင်းမြစ်များ

ल़ेह-पेन 7:53

स्‍यिहङगामकी स्‍याहप्‍च्‍यीया़गी नाङग्‍योकी छ्य़े-ठिम राहङ फे़बेया़गी ज्‍योर्सीन, यिहॱनाङ ओ़ह छ्य़े-ठिम राहङ फे़बेया़गी ची़ माहनाङ!”

गलाती 3:19

ओ़हठी यिहन्‍सीमानानी ता़ह छ्य़े-ठिम च्‍यिबे कोहसीन ले? तिहक्‍पा ङोह स्‍य़े ख़ूज्‍यु म़ेदी छ्य़े-ठिम नाङग्‍यो यिहम्‍बा ओ़ह सोङबे तोहदाम ज़्‍या़ नाङग्‍योकी अब्राहामकी छार्क्‍यीन माहफेप थु दि छ्य़े-ठिम कोहपु काहल्‍ग्‍यो यिहम्‍बा। छ्य़े-ठिम स्‍यिहङगामकी स्‍याहप्‍च्‍यीया़ लाहमले मोशागी मिहया़ला नाङसीन।

हिब्रू 1:1

काहल्‍ग्‍योगी ती़हजीला ओहराङ आख्‍ये मे़हमेया़ ङ्याम्‍बु लुहङतेम्‍बाया़ लाहमले माहङबुराङ ओहले लेहमेन लेहमेन छ्याप्‍स्‍यीया़ जेती किन्‍ज्‍योगी स्‍याहल सुङ नाङसीन।

हिब्रू 10:28

मोशाकी छ्य़े-ठिम गोम्‍गे मिहला मेहन्‍दा ङ्यी़ सुम पाङबु ज़्‍या़दी निङ मा़हच्‍येहबा पेहती खोला से कोहएँ।

हिब्रू 10:35

ओ़ह सोङबे सेम मा-फाम्‍बु माहबे। ख्‍येला दिती च्‍याहगा छ्यिम्‍बु ज्‍योर्च्‍ये येह।

हिब्रू 11:26

मिश्र क्‍याहल-खापगी थाम्‍ज्‍यी क्‍युह-नोहर ज्‍योर्केन म़ेदीनी बरु थार्पा नाङगेन मास्‍यीकाकी तेहन्‍दाला मिहगी ङेन्‍ज्‍येन पेहक्‍योदी ना़गेन्‍दीॱराङ चा़ छ्यिम्‍बु क्‍युह-नोहर यिहम्‍बा म़ेदी खोला ऩेसीन। च्‍यिबेमाना किन्‍ज्‍योगी नाङगेन च्‍याहगा ङो़ले खोगी त़ेदी तेहक्‍यो येहकें।

हिब्रू 11:6

तेहपा माहबेबा पेहती सुज्‍यीगीॱआङ किन्‍ज्‍योकी थु काहसो ज़ो मी़हखुएँ च्‍यिबेमाना किन्‍ज्‍योसाला डोएँ मिहया़गी “किन्‍ज्‍यो येहॱराङ येहबा ओहले किन्‍ज्‍योला छोल्‍गेया़ला मिहरोगी च्‍याहगा नाङज्‍ये येह” म़ेदी यिह-छ्य़े पेह कोहएँ।

हिब्रू 12:25

जेम्‍बु पेह, ख्‍या ङ्याम्‍बु स्‍याहल सुङ नाङगे सुङ-क़ेला मा-लोक माहबे। च्‍यिबेमाना दि जाम्‍बुलीङला ज्‍यी़-ङोर नाङगेन्‍दीला मा-लोक पेहकेनया़ थार मा़हखु मासीमाना स्‍यिहङगामले माहर ज्‍यी़-ङोर नाङगेन्‍दीला मा-लोक पेहसीमाना ओहराङ काह-ठि पेहती थार ख़ूज्‍ये ले?

२ पत्रुस 1:19

ङ्यिह ङ्याम्‍बु येहकेन्‍गी लुहङतेम्‍बाया़गी सुङ जेन थिउ-निउ काहल्‍दी येह। क्‍या र्‍हाबा-र्‍हिबे माहकाहल थु ओहले ख्‍याया़गी सेमला ङाटुकी कार्मा माहस्‍यार थु ना़-जुबेला ती़हदी तेहक्‍योकी लोला ल़ेहमु ख्‍याया़गी ओ़ह सुङया़ला सेम ताङसीन माना ख्‍यागी या़हबु पेहच्‍ये येह।

यहूदा 1:5

ख्‍याया़गी दि थाम्‍ज्‍यी लेहमा च्‍यी़ ङोह स्‍य़ेदीॱराङ येहकें यिहॱनाङ ताहन्‍दा ङाह ख्‍याया़ला टेहम्‍बा साल च्‍य़ूएँ चो़वोगी राहङगी मिहया़ला मिश्र क्‍याहल-खापले तेन्‍दी नोम फेप्‍सीन। यिहॱनाङ यिह मे़हछ्य़ेगेया़ला मिहरोगी तोङ च्‍य़ू नाङसीन।