हिब्रू 2:10 - ह्योल्मो10 ना थाम्ज्यीराङ किन्ज्योदीॱराङ यिहम्बा, रेबेॱराङ से़हया़ किन्ज्योगीॱराङ ज़ो नाङग्यो यिहम्बा। मिहरोगीॱराङ माहङबुराङ छार्क्यीनया़ला ज़िज्यिदला नोम फेप नाङज्येला खुङया़ला थार्पा नाङगेन्गी येशूला तुहक्पुया़ लाहमले याहङ-ताहक्पा ज़ो नाङसीन। အခန်းကိုကြည့်ပါ။ |
हिब्रू 2:10
46 ပူးပေါင်းရင်းမြစ်များ
यिहॱनाङ ओहराङगी तेहन्दालानी किन्ज्यो याहप च्यी़राङ ज़्य़ू नाङदी येहबा। मिहरोगीॱराङ थाम्ज्यीराङ से़हया़ ज़ो नाङसीन। ङ्यिह किन्ज्योगी तेहन्दालाराङ थार्के। ङ्यिहती च्यिमे च्यी़राङ चो़वो येशू मास्यीका ज़्य़ू नाङदी येहबा। मिहरो लाहमलेॱराङ थाम्ज्यी से़हया़ छ्या़सीन। मिहरो लाहमलेॱराङ ङ्यिह थार्के यिहम्बा।
खुङया़ला दि केच्या ङोह स्य़े च्य़ूक्यो येहकें च्यिबेमाना खुङया़गी राहङगी तेहन्दाला मिहम्बा, यिहॱनाङ ख्याया़ला स्याहप्तो स्यी़ह-तेहक्यो येहकें। दि केच्या स्यिहङगामले माहर ताङ नाङग्योकी नाम्पार-ताहक्पा थु लाहमले ख्याया़ला स्येक्योगी या़हबु लेहङगुया़ प्रा साल्गेनया़गीॱराङ ताहन्दा ख्याया़ला स्येती येहबा। स्यिहङगामकी स्याहप्च्यीया़ॱआङ दि से़हया़ ताज्येला ज्यिबुराङ सेम पेहती येहबा।
थाम्ज्यी काटीनकी किन्ज्योगी मास्यीकाला यिह-छ्य़े नाङदी राहङदी नाहमॱआङ मिहसीहन्गेन्गी ज़िज्यिद नाङज्येला ख्याया़ला क़े क्याहप नाङदी येह। ख्यागी ङ्यिहमा तोबाज्यी तुहक्पु खुर फान्ज्यो मिहरोगीॱराङ ख्याया़ला येहपाराङ साम्बा ज़ो नाङज्ये येह, ओहले ख्यागी सेम थिक-चिला ज़्या़दी ओङज्या छ्यिम्बु ज़ो नाङज्ये येह ओहले ब्राम सान्दी तिङग्यो ग्या़ला ज़्या़ नाङज्ये येह।
ओ़ह तिङले ङाहगी तासीन ओहले सुगीॱआङ टाहङजी क्याहपॱराङ मी़हखुएँ मिह मिह-माहङ छ्यिम्बुच्यी थोङसीन। खुङ रेबेॱराङ क्यिहपा, छाङ, मिहया़ ओहले लेहमेन लेहमेन ताम माएँ मिहया़लेगी ओहङग्यो येहकें। खुङ काप्च्या कार्पु केहन्दी लाहक्पाला खजूर तोहङबोकी याहल्गा थो़दी ज़्य़ू-ठि दाङ ल़ूह स्ये़बुकी दिनला लाहङदी तेहक्यो येहकें।
ကြော်ငြာတွေ