हिब्रू 13:9 - ह्योल्मो9 यिहन्जेराङ याहम्जेम्बाकी लोप्च्युङया़गी ख्याया़ला तेहन्दामकी लाहमलेगी चोक्पा लाहम ङो़ले माह-ठिच्यु। च्यिबेमाना साहएँ दाङ थुङगे ठिमगी मिहम्बा, यिहॱनाङ किन्ज्योगी काटीनगीॱराङ सेम सान्दी काहल्ग्योदी या़हबु यिहम्बा। दि ल़ेहमु पे-ठिम ची़दी नाहमॱआङ सुज्यीलाॱआङ फेन्दोप काहल्दी म़ेह। အခန်းကိုကြည့်ပါ။ |
हिब्रू 13:9
35 ပူးပေါင်းရင်းမြစ်များ
ता़हनी ङाहगी ख्या फे़बेया़ला किन्ज्योगी छ्या़ला च्योल्गो येहबा। किन्ज्योगी ओहराङला थुज्यी ज़ी़ नाङगेन माएँगी सुङ सेमला ज़ुङदी टेहम्बा माहच्येहप्पा पेहती तेहतोङ। ओ़ह सुङगी पेहतीराङ किन्ज्योगी ख्या फे़बेया़ला यिह-छ्य़ेला स्युक क्ये च्य़ू नाङज्ये येह ओहले राहङगी मिहया़ला मेलाम थोप्केन्गी मिहया़ ज़ो नाङज्ये येह।
लाहला ङ्यिहमा चा़ छ्यिम्बु यिहन म़ेदी ची़गे मिहगी चो़वोला ची़नाङ पेहती खोगी ची़क्यो यिहम्बा। ओहले ना थाम्ज्यी साहएँ मिहगी चो़वोगी तेहन्दालाराङ साहक्यो यिहम्बा च्यिबेमाना खोगी किन्ज्योला थुज्यी-छ्ये़ फुल्दी साहएँ। ओहले मेहसाहएँ मिहगीॱआङ किन्ज्योला ची़नाङ पेहती मेहसाहएँ ओहले खोगी किन्ज्योला थुज्यी फुल्गे।
आदा-नो़ह दाङ आज्यी-नुहमुया़, सुज्यीगी तिहक्पाकी ल़ेहया़ पेह तेहक्यो च्य़ेह सिहन्सीमाना नाम्पार-ताहक्पा थु लाहमले राहङगी डोलु-तेहलु पेहकेन मिहया़गी स्यिहवा पेहती खोला लोप्ताम क्याहप्ती लाहम या़हबुला ख्योङ कोहएँ। ओहले ख्या राहङगी तेहन्दालाॱआङ या़हबु जेम्बु पेहतोङ मिहन्सीमानानी ख्याया़ॱआङ ङ्याहम्छेला छ्यिच्ये येह।
ख्या फे़बे मे़हमेया़की चेवाकी डेनला दि मिहया़ ङ्योहक्तोङया़ यिहम्बा। खुङ लेहमेन मिहया़ला ताॱराङ मा़हतेबा पेहती राहङगी फोवा च्यी़राङ क्योङज्ये छोल्गे। खुङनी ल्हा़बागी क्या़दी ख्येर्केन नाम मेहक्याहप्केन्गी मुक्पा ल़ेहमु यिहम्बा। खुङ सेर्का दावाकी सेदो मे़हयाहगेन्गी तोहङबो ल़ेहमु यिहम्बा, ओ़ह चार्ङ्यी यिहन्ज्युराङ पो़ सिहन्ग्यो ओहङगे ओहले लेहमा ङ्यी़ स्यि सिहन्ग्यो ओहङगे।
ए च्याहम्बु रो़हया़, ओहराङ थाम्ज्यीगी ज्योरक्योकी थार्पाकी तेहन्दाला ख्या फ़ेबे-म़ेहमेया़ला दि यिहगी प्रुहज्येला ङाहला ज्यिबुराङ या़हबु ने़क्यो येहकें यिहॱनाङ ताहन्दा ओ़हगी छापला किन्ज्योकी स़ेबु-स़ेमुया़ला नाहम्स्यी किन्दुकी तेहन्दाला चि क्याहप नाङग्योकी तेहपाला सी़दे ज़्या़दोङ म़ेदी मा कोहच्ये ल़ेहमु च्यी़ गा ङाहगी सेमला ऩेसीन।
ကြော်ငြာတွေ