हिब्रू 13:7 - ह्योल्मो7 ख्याया़ला तोहङस्यो किन्ज्योकी लुहङ तेर्के लोबेनया़ला टेहम्बा साल्दोङ। खुङया़गी राहङगी मिहलीला पेहक्योगी या़हबु ल़ेहया़की तेहन्दाला ख्यागी नोम्साङ ताङदोङ ओहले खुङगी यिह-छ्य़े पेहक्यो ल़ेहमुराङ ख्याया़गीॱआङ पेहतोङ। အခန်းကိုကြည့်ပါ။ |
हिब्रू 13:7
27 ပူးပေါင်းရင်းမြစ်များ
यिहॱनाङ पावल दाङ बारनाबासकी आप छ्य़ेदी मासीन, “थाम्ज्यी म़ेदी तोहङले किन्ज्योगी या़हबु लेहङगु राहङ फे़बेया़ला स्येॱराङ कोहच्ये येहकें, यिहॱनाङ राहङ फे़बेया़गी सेन्ज्ये थुराङ जे मेहनाङ दु। नाहमॱआङ स्यिज्ये म़ेहबागी मिहली ज़ाङबु ज्योर्च्येला राहङ फे़बेया़गीराङ का़ नाङसीन। ओ़ह सोङबे ता़ह ङ्यिह लेहमेन क्यिहपागी मिहया़साला डोएँ।
मिहया़ थो़ला ओहङगेन्गी ङ्याहम्छे म़ेदी लेहमेन ङ्याहम्छे ख्या थो़ला ओहङदी म़ेह। यिहॱनाङ किन्ज्योनी यिह-छ्य़े सी़हएँदी येहबा, मिहरोगी ख्याया़ला ख्यागी स्युकगी ना मी़हखुएँ ङ्याहम्छेला छ्यि च्य़ू नाङज्ये म़ेह, यिहॱनाङ ख्याया़गी ना़ ख़ूज्यु म़ेदी ङ्याहम्छे ङ्याम्बु-ङ्याम्बुराङ ओहलेगी थार ख़ूएँगी लाहमॱआङ मिहरोगी तेन नाङगे। दि ल़ेहमु पेहती ख्यागी ओ़ह ङ्याहम्छेया़ ना़ ख़ूज्ये येह।
ओ़ह सोङबे दिगी तेहन्दाला ङ्यिहगीॱआङ किन्ज्योला नाहम माॱनाङ थुज्यी-छ्ये़ फुल्गे, च्यिबेमाना ङ्यिहगी ख्या फ़ेबे-म़ेहमेया़ला किन्ज्योगी लुहङ स्येकेमु ख्या फ़ेबे-म़ेहमेया़गी दि लुहङ ङ्यिहती मिहम्बा यिहॱनाङ दि लुहङ किन्ज्योदीॱराङ यिहम्बा म़ेदी ची़सीन। यिहन्ज्येॱआङ दि तेहम्बाराङ किन्ज्योदीॱराङ लुहङ यिहन्गे। ता़ह यिह छ्य़ेगे ख्या फ़ेबे-म़ेहमेया़गी पाहरक्यीला दि लुहङगी छ्या़ले जे नाङगेराङ येहबा।
लुहङ तेर्केन्की काबाप ज़्योरक्यो मिहगी किन्ज्यो लाहमलेॱराङ लुहङ तेर्च्यु। स्याहप्तो स्युहएँ मिहगी किन्ज्योगी ओङ लाहमले स्याहप्तो स्युहज्यु। ओ़ह ल़ेहमु पेहती ल़ेह थाम्ज्यीला येशू मास्यीका लाहमले किन्ज्योलाॱराङ ज़िज्यिद ओहङज्यु। मिह-रो़हलाॱराङ ज़िज्यिद दाङ ओङ नाहम्स्यी किन्दु ओहङज्यु! आमेन।
ओहले ङाहगी ज्यू़-ठिया़ दाङ ओ़ह खाला ज़्य़ू नाङगेनया़ला थोङसीन, खुङया़ला ठिम ताङगेन्गी ओङ नाङदी येहकें। येशूगी पाङबु तेहक्यो सोङबे ओहले किन्ज्योगी सुङ प्रा साल्ग्यो सोङबे मिहगी लाहक्पाले पेहती स्यि कोहक्यो मिहगी नाम्स्यीया़ॱआङ ङाहगी थोङसीन। खुङया़गी ओ़ह सेम्ज्येन दाङ खोगी कुला छ्येपा माहफुल येहकें ओहले राहङगी प्राला दाङ लाहक्पाला ओ़ह सेम्ज्येनदी पार माहक्याहप येहकें। खुङ येहपाराङ सोम्बो लो़हदी लाहङसीन ओहले लोह तोङरा च्यी़ थु मास्यीका ङ्याम्बु ओङ छ्य़ेसीन।
ကြော်ငြာတွေ