हिब्रू 13:16 - ह्योल्‍मो

¹⁶ च्‍यी़गी च्‍यी़ला या़हबु ल़ेह दाङ रो़हराम पेहच्‍येला टेहम्‍बा माहच्‍येह। च्‍यिबेमाना किन्‍ज्‍योला थु ङ्ये़एँगी मार्च्‍ये दिराङ यिहम्‍बा।

हिब्रू 13:16 ပူးပေါင်းရင်းမြစ်များ

लूका 18:22

दि सेन्‍दी येशूगी खोला सुङ नाङसीन, “ओ़ह ल़ेहमु यिहन्‍सीमाना, ख्‍येगी येहपाराङॱआङ पेह कोहएँगी ल़ेह च्‍यी़ येहबा। ख्‍ये राहङगी का़ह येहकेन्‍दी क्‍युह थाम्‍ज्‍यीराङ चोङदी प्राङबुया़ला के़ह तेर, ओहले ख्‍येला स्‍यिहङगामकी क्‍युह ज्‍योर्च्‍ये येह ओहले ङाहगी तिङदा तिङ स्‍यो।”

ल़ेह-पेन 10:38

किन्‍ज्‍योगी नासरतगी येशूला राहङगी नाम्‍पार-ताहक्‍पा थु दाङ स्‍युक नाङसीन। ओहले किन्‍ज्‍यो येशू ङ्याम्‍बु ज़्‍य़ू नाङग्‍यो सोङबे येशूगी छ्या़ले या़हबुया़ जे नाङसीन। ओहले ती़ह स्‍युहक्‍यो मिहया़ला टा़ह च्‍य़ू नाङगेराङ थाम्‍ज्‍यी ग्‍या़या़ला फेप नाङसीन।

ल़ेह-पेन 9:36

योप्‍पा माएँ क्‍याहसाला ताबीता माएँगी चो़वो छ्येवाला यिह-छ्य़े पेहक्‍यो नुहमु च्‍यी़ येहकें। ताबीता माक्‍योदी डोरकास यिहम्‍बा। ओ़ह माक्‍योगी तेहन्‍दादी “रेहउ” यिहम्‍बा। ओहले मोह नाहम माॱनाङ लेहमेन मिहया़ला या़हबु पेहको येहकें ओहले प्राङबुया़ला रो़हराम पेहको येहकें।

रोमी 12:13

किन्‍ज्‍योगी दाम नाङग्‍योकी मिहया़ला कोम्‍बु डोएँमु रो़ह पेहतोङ, ओहले खाङबाला ओहङग्‍यो टोहम्‍बोया़ला ता़हनाङ-ताहम्‍जी पेहतोङ।

गलाती 6:10

ओ़ह सोङबे लोहङ येहताङलाॱराङ ओहराङगी मिहया़ला या़हबु पेह कोहएँ ओहले खास पेहतीती मास्‍यीकाला यिह-छ्य़े पेहक्‍योकी खाङबा मे़हमेया़ला या़हबु पेह कोहएँ।

गलाती 6:6

ओहले किन्‍ज्‍योगी सुङदेन ज्‍योर्केन्‍दीगी किन्‍ज्‍योगी सुङदेन लोप्‍कें लोबेन ङ्याम्‍बु राहङ ङ्याम्‍बु येहकेन्‍की थाम्‍ज्‍यीराङ या़हस्‍यो से़हया़ कोह कोहकें।

एफिसी 4:28

कुमेन क्‍याहप्‍केन्‍गी ता़ह यिहन्‍ज्‍यु कुमेन माह-क्‍याहप्‍च्‍यु खोगी टाहङबु पेहती राहङ लाहक्‍पागीॱराङ कादुप च्‍येती ल़ेह तुहक्‍पु पेहच्‍यु, ओहले खोगी कोम्‍बु काहल्‍ग्‍योया़ला तेर ख़ूज्‍ये येह।

फिलिप्‍पी 4:14

यिहॱनाङ ङाहगी तुहक्‍पु ङ्युहङगेमु ख्‍याया़गी रो़हराम पेहती ख्‍यागी ज्‍यिबुराङ या़हबु पेहसीन।

फिलिप्‍पी 4:18

ङाहगी ज्‍योर कोहएँ म़ेदी माहङबु ज्‍योर्ती येह। ख्‍यागी इपाफ्रोडिटसकी लाहक्‍पाला ताङग्‍यो डेल्‍बाया़ ज्‍योर्ती ङाह दाङस्‍यी काहल्‍दी येह। दि डेल्‍बा तेर्ती ख्‍यागी किन्‍ज्‍योला थु काहसो ज़ोएँगी छ्येपा फुल्‍सीन, दि डेल्‍बा किन्‍ज्‍योला टिहमा स्‍यिहम्‍बु खाएँगी स्‍युक्‍पा फुल्‍ग्‍यो ल़ेहमुराङ काहल्‍सीन।

१ थेसलोनिकी 5:15

दि ताम टेहम्‍बा ज़्‍यो़, का़हलेॱआङ ख्‍याया़ला सुज्‍यीगीॱआङ चोक्‍पा पेहसीन म़ेदी खोलाॱआङ चोक्‍पा माहबे यिहॱनाङ च्‍यी़गी च्‍यी़ला ओहले मिह थाम्‍ज्‍यी ङ्याम्‍बु या़हबु पेहकेन्‍गी सेम ज़्‍या़दोङ।

२ थेसलोनिकी 3:13

आदा-नो़ह दाङ आज्‍यी-नुहमुया़, ख्‍या या़हबु ल़ेह पेहच्‍येला नाहम-आङ थाङ मा़हछ्ये।

१ तिमोथी 6:18

खुङया़गी या़हबु ल़ेहया़ पेहच्‍यु, ल़ेह या़हबुया़ला छ्युक्‍पु डो ख़ूज्‍यु, ओहले सेम ज़ाङबु ओहङ ख़ूज्‍यु ओहले लेहमेन मिहया़ला तेर ख़ूज्‍यु।

फिलेमोन 1:6

ख्‍येगी तेहपाकी छोक्‍पागी ओहराङ मास्‍यीकाला येहकेंमु ओहराङला ओहङगेन्‍गी ना थाम्‍ज्‍यी या़हबु तामया़ सेम तिहङ यिहन्‍ज्‍युराङ ङोह स्‍य़े ख़ूएँगी ओङ नाङज्‍यु म़ेदी सोल्‍वाङ ताप्‍को येह।

हिब्रू 6:10

किन्‍ज्‍योकी मिहया़ला ख्‍याया़गी रो़हराम पेहसीन ओहले ताहन्‍दाॱआङ पेहकेनॱराङ येह। किन्‍ज्‍योगी सुॱलाङ ङ्येम्‍बा-ङ्य़ेहरी जे मेहनाङगे। ख्‍याया़गी पेहक्‍यो दि रो़हराम दाङ निङज्‍यीला किन्‍ज्‍योगी नाहमॱआङ थु नाल नाङज्‍ये म़ेह।

३ यूहन्‍ना 1:11

ए ङाहगी च्‍याहम्‍बु नो़ह, चोक्‍पा तामया़ला पे ताॱराङ माहता, यिहॱनाङ या़हबु तामया़ला पे त़ेदोङ। का़हन्‍दीगी या़हबु पेहकें, ओ़ह किन्‍ज्‍योदी यिहम्‍बा, ओहले का़हन्‍दीगी चोक्‍पा पेहकें, खोगी किन्‍ज्‍योला ङोह स्‍य़ेक्‍यो मेहयोहङगे।