हिब्रू 12:5 - ह्योल्‍मो

⁵ किन्‍ज्‍योगी ख्‍याला राहङ पेहजाया़ॱराङ सुङदी लोप्‍ताम क्‍याहप नाङग्‍यो येहकें च्‍यि ख्‍यागी टेहम्‍बा च्‍येहपा? “ए ङाहगी पेहजा, चो़वोगी ख्‍येला टिहला ज़्‍या़ नाङज्‍ये छोल्‍गेमु या़हबु ङ्यिहन्‍दी पेह ओहले मिहरोगी ख्‍येला काप्‍क्‍येन नाङगेमु सेम मा़हस्‍यीपा पेहती तेह,

हिब्रू 12:5 ပူးပေါင်းရင်းမြစ်များ

लूका 24:6

येशू देला म़ेह, मिहरोनी टोहङग्‍योलेगी सोम्‍बो ज़्‍याङ नाङदी येह! गालीलला ज़्‍य़ू नाङगेमु येशूगी ख्‍याला च्‍यि सुङ नाङग्‍यो येहकें ओ़हदी टेहम्‍बा साल्‍दोङ,

लूका 24:8

ओहजेला पी़हमी-पेहजाया़गी येशूगी सुङ नाङग्‍योकी स्‍याहलया़ टेहम्‍बा साल्‍सीन।

१ कोरिन्‍थी 11:32

चो़वोगी ओहराङला ठिम ताङ नाङगे ती़हजीला दि जाम्‍बुलीङगी मिहया़ ङ्याम्‍बुराङ क्‍येन माह फो़ज्‍यु म़ेदी मिहरोगी ओहराङला टिहला ज़्‍या़ नाङगे।

गलाती 6:9

या़हबु ल़ेह पेहच्‍येकी तेहन्‍दाला ओहराङ नाहमॱआङ थाङ छ्येच्‍ये मेहयोहङगे च्‍यिबेमाना का़हलेॱआङ ओहराङ खोदा माहछ्येपा पेहती या़हबु ल़ेहया़ पेहतीराङ तेहसीन माना ती़हजी लेप फान्‍ज्‍योनी ओहराङगी राहङगी कामेया़ रु-ङ्युहङज्‍ये येह।

१ तिमोथी 1:20

खुङया़ नाहङला हुमेनियस दाङ अलेक्‍जेन्‍डर यिहम्‍बा। किन्‍ज्‍योला ङ्याप्‍च्‍यु पेहकेन क्‍युर्च्‍यु म़ेदी ङाहगी खुङया़ला ती़ह गो-छ्येवागी लाहक्‍पाला चि क्‍याहप्‍ती येह।

हिब्रू 12:7

राहङ आबागीराङ ख्‍याया़ला टिहला ज़्‍या़ज्‍ये छोल्‍ग्‍यो यिहम्‍बा माएँ ने़दी ख्‍याया़ तुहक्‍पु ना़दोङ। किन्‍ज्‍योगी ख्‍याया़ला राहङगी पेहजाला ल़ेहमुराङ जेती छ्याप्‍स्‍यीया़ जे नाङगे। च्‍यिबेमाना आबागी टिहला मा़हज्‍याबा का़हन्‍दी पेहजा येहबा ले?

हिब्रू 13:22

आदा-नो़ह दाङ आज्‍यी-नुहमुया़, ङाहगी लोप्‍ताम क्‍याहप्‍क्‍योगी केच्‍याया़ या़हबु पेहती ङ्यिहन्‍दी पेह म़ेदी ङाह ख्‍याया़ला ओहर-छ्य़े स्‍युहउ येह, च्‍यिबेमाना ङाहगी ख्‍याया़ला दि यिहगी ङ्युहङसे़ च्‍यी़राङ प्री़हदी येहबा।

याकूब 1:12

तुहक्‍पु-काहबुगी ती़हजीलाॱआङ ना़दे थिर पेहती तेहकें मिह काहजे सोनाम-साक्‍पु। च्‍यिबेमाना किन्‍ज्‍योगी मिहरोला चेवा पेहकेनया़ला मिहलीगी च्‍याहगा तेर्के सुङदे ताहम्‍ज्‍या ज़्‍या़ नाङदी येह। ओ़ह च्‍याहगादी सु, तुहक्‍पुगी ती़हजीलाॱआङ थिर पेहती तेह ख़ूएँ खोगी ज्‍योर्च्‍ये येह।

ज्‍याल्‍गा 3:19

का़हन्‍दीला ङाहगी चेवा पेहकें ओ़हदीला ङाहगी बार्ताॱआङ लाङगे ओहले च्‍युरॱआङ च्‍युर्कें। ओ़ह सोङबे सेम काहसो पेहतोङ ओहले तिहक्‍पा पाङदी स्‍या़बा डुप्‍तोङ।