Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




हिब्रू 11:8 - ह्योल्‍मो

8 किन्‍ज्‍योगी अब्राहामला क़े क्‍याहप नाङदी राहङगी ताहम्‍ज्‍या ज़्‍या़ नाङग्‍योकी क्‍याहल-खापला सोङ म़ेदी सुङ नाङसीन। अब्राहाम राहङ का़हला डो कोहएँ यिहम्‍बा म़ेदी खोला क्‍यी़ह म़ेहबा येहकें यिहॱनाङ खोगी किन्‍ज्‍योला तेहपा पेहती राहङ क्‍याहल-खाप क्‍युर ज़्‍या़दी थेन्‍दी काहल्‍सीन। ओ़ह ग्‍या़दी खोगी फास्‍यी ल़ेहमु पेहती तिङला ज्‍योरॱटाङ ज्‍योर्च्‍ये येहकें।

အခန်းကိုကြည့်ပါ။ ကော်ပီ




हिब्रू 11:8
32 ပူးပေါင်းရင်းမြစ်များ  

ओ़ह तिङले योसेफगी आमा दाङ पुहला ख्‍येर्ती इस्राएल क्‍याहल-खापला लो़ह काहल्‍सीन।


मास्‍यीका लाहमले किन्‍ज्‍योगी ङ्यिहला काटीन दाङ ल़ेह-पेनगी छ्या़ले नाङसीन। लेहमेन क्‍यिहपागी मिह थाम्‍ज्‍यीगी तेहपा पेहती मिहरोगी सुङ नाङग्‍योकी स्‍याहल ङ्यिहन्‍ज्‍यु म़ेदी मिहरोगी तेहन्‍दाला किन्‍ज्‍योगी छ्या़लेला कुल नाङसीन।


यिहॱनाङ खुङ थाम्‍ज्‍यीगी या़हबु लेहङगु ची़दे म़ेह, च्‍यिबेमाना यशैयागी दि ल़ेहमु सुङगे, “ओ़ चो़वो, ङ्यिहगी स्‍येक्‍योगी ताम सुगी गा यिह छ्य़ेक्‍यो येहबा ले?”


ख्‍या तोहङले तिहक्‍पाकी योक्‍पु काहल्‍दी येहकें यिहॱनाङ ताहन्‍दा ख्‍यागी यिह यिहन्‍ज्‍युराङ किन्‍ज्‍योगी लोप नाङग्‍यो लोप्‍च्‍युङया़ ची़गे काहल्‍सीन। दिगी तेहन्‍दाला किन्‍ज्‍योला थुज्‍यी-छ्ये़ फुल्‍गे।


किन्‍ज्‍योगी येहन्‍देनला टाह पेहती लोहङडी पेहकेनया़ दाङ ठादोगी स्‍यिहताङ ङाहर्क्‍याल पेहती तुहक्‍पु तेर्केया़ला ङ्यिह तोङ च्‍य़ूगे, ओहले ना थाम्‍ज्‍यीगी साम्‍लुया़ला ताहमला ज़्‍या़दी मास्‍यीकाकी काया़ ङ्यिहन्‍गेन्‍दी ज़ोएँ।


तेहपा लाहमलेॱराङ खुङया़गी क्‍याहल-खाप थाम्‍ज्‍यी क्‍याहल्‍सीन ओहले सुलाॱआङ ङ्येम्‍बा-ङ्य़ेहरी माहबेबा पेहती ओङ छ्य़ेसीन। किन्‍ज्‍योगी ज़्‍या़ नाङग्‍योकी ताहम्‍ज्‍याॱआङ खुङया़गी ज्‍योर्सीन। ओहले तेहपा लाहमलेॱराङ खुङया़गी सिङग्‍यी-ता़या़गी खा छ्येबे तेह च्‍य़ूसीन।


किन्‍ज्‍योगी मास्‍यीकाला छाङबु ज़ो छार फान्‍ज्‍यो मिहरोला ची़गे मिह थाम्‍ज्‍यीगी तेहन्‍दाला मिहरो था़ म़ेहबा मिहलीकी छ्येस्‍यो काहल्‍सीन।


ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।


ओ़ह ल़ेहमुराङ पेहती पी़हमी-पेहजाया़, ख्‍याया़ॱआङ राहङ ख्‍योवागी ओङ चो़ला तेहतोङ, ओहले दि ल़ेहमु पेहती खुङया़गी किन्‍ज्‍योगी सुङला मी़हचीॱनाङ राहङगी पी़हमीकी डोलु-तेहलु पेहती ताम छिका च्‍यी़ॱआङ मा़हमेबा पेहती खुङया़गी सेम ग्‍युर ख़ूज्‍ये येह।


च्‍यिबेमाना ता़ह ठिम ताङगेन्‍गी ती़हजी पोहला लेप सिहन्‍दी येह। किन्‍ज्‍योगी ठिम ताङ नाङगेमु तोहङस्‍यो राहङ मिहया़ नाहङलेॱराङ छ़ू नाङज्‍ये येह। किन्‍ज्‍योगी ओहराङलानी ठिम ताङ नाङगे मासीमानानी जेन किन्‍ज्‍योकी या़हबु लेहङगुला मी़हचीगेन मिहया़ला काहन्‍डुमु ठिम ताङ नाङवा?


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ