हिब्रू 11:6 - ह्योल्‍मो

⁶ तेहपा माहबेबा पेहती सुज्‍यीगीॱआङ किन्‍ज्‍योकी थु काहसो ज़ो मी़हखुएँ च्‍यिबेमाना किन्‍ज्‍योसाला डोएँ मिहया़गी “किन्‍ज्‍यो येहॱराङ येहबा ओहले किन्‍ज्‍योला छोल्‍गेया़ला मिहरोगी च्‍याहगा नाङज्‍ये येह” म़ेदी यिह-छ्य़े पेह कोहएँ।

हिब्रू 11:6 ပူးပေါင်းရင်းမြစ်များ

मत्ती 11:26

यिहम्‍बा किन्‍ज्‍यो याहप, च्‍यिबेमाना राहङला दि ल़ेहमुराङ जे नाङज्‍येला राहङगी थुला ठुङसीन।

मत्ती 5:12

ओहजेला ख्‍याया़ क़ेहनाङ पेहतोङ, काहसो पेहतोङ च्‍यिबेमाना ख्‍याया़गी तेहन्‍दाला स्‍यिहङगामला च्‍याहगा छ्यिम्‍बुज्‍यी ज़्‍या़दी येहबा। तोहङमा तोहङमागी लुहङतेम्‍बाया़लाॱआङ मिहया़गी दि रोहवा पेहतीराङ तुहक्‍पु तेर्ते येहकें” म़ेदी येशूगी सुङ नाङसीन।

मत्ती 6:16

“ख्‍याया़ ङ्युङने तेहकेमु यिहन्‍दो तेन्‍गेन मिहया़गी ल़ेहमु छेन्‍दा नोङदी माहतेह। च्‍यिबेमाना मिहया़ला ङ्युङने तेहती येह म़ेदी तेन्‍ज्‍येला खुङ राहङगी छेन्‍दा नोङदी तेहकें। तेहम्‍बाराङ ङाह ख्‍याया़ला माएँ, खुङया़गी राहङगी च्‍याहगा ज्‍योर सिहन्‍दी येह।

मत्ती 6:33

यिहॱनाङ तोहङले किन्‍ज्‍योगी क्‍याहल्‍सी छोल्‍दोङ ओहले किन्‍ज्‍योगी काया़ डुप्‍तोङ ओहले किन्‍ज्‍योगी दि थाम्‍ज्‍यीराङ ख्‍याया़ला पा़हदी नाङज्‍ये येह।

मत्ती 6:5

“ख्‍याया़ सोल्‍वाङ ताप्‍केमु यिहन्‍दो तेन्‍गे मिहया़गी ल़ेहमु पेहती सोल्‍वाङ माहताप। खुङया़नी लेहमेन मिहया़गी थोङज्‍यु म़ेदी छो़खाङ दाङ लाहमगी सहर-सुहरया़ला लाहङदी सोल्‍वाङ ताप्‍च्‍ये सेम पेहकें। तेहम्‍बाराङ, ङाह ख्‍याया़ला माएँ, खुङया़गी ज्‍योर कोहएँगी राहङगी च्‍याहगा ज्‍योर सिहन्‍दी येह।

मर्कूस 16:17

ओहले यिह-छ्य़े पेहकेनया़ ङ्याम्‍बु दि ल़ेहमु ताक्‍छेन ओहङज्‍ये येह– खुङया़गी ङाहगी मिहनला ल्‍हेन्‍डीया़ तेन्‍ज्‍ये येह ओहले ताम साम्‍बा साम्‍बाया़ माज्‍ये येह।

लूका 12:31

तोहङस्‍यो ख्‍यागी किन्‍ज्‍योगी क्‍याहल्‍सी छोल्‍दोङ ओहले किन्‍ज्‍योगी दि थाम्‍ज्‍यीराङ कोहकेन्‍गी से़हया़ ख्‍याया़ला नाङज्‍ये येह।”

लूका 6:35

“आहन्‍डा मिहम्‍बा, ख्‍येगी राहङगी टाहॱलाङ चेवा पेहतोङ, ओहले खुङया़ला या़हबु पेहतोङ, लो लेहन्‍गेन्‍गी रेहवा माहबेबा पेहती पेहलेन तेर्तोङ। दि रोहवा पेहसीमाना ख्‍येला च्‍याहगा छ्यिम्‍बुच्‍यी ज्‍योर्च्‍ये येह, ख्‍ये वाङज्‍या छ्यिम्‍बु जेती ज़्‍य़ू नाङगेन किन्‍ज्‍योगी छार्क्‍यीन ओहङज्‍ये येह। किन्‍ज्‍योगी गिन म़ेहबा दाङ मिह ङ्येहम्‍बालाॱआङ थुज्‍यी ज़ी़ नाङगे।

यूहन्‍ना 14:6

ओहले येशूगी खोला सुङ नाङसीन, “लाहम, तेहन्‍दाम दाङ मिहली ङाहराङ यिहन। ङाह लाहमले पेहती मिहम्‍बानी सुज्‍यीॱआङ याहप्‍च्‍येन आबासाला लेप मी़हखुएँ।

यूहन्‍ना 8:24

ङाहगी ख्‍याया़ला मासीन, ‘ख्‍याया़ राहङगी तिहक्‍पाला स्‍यिज्‍ये येह’ च्‍यिबेमाना ‘ङाह ओ़हदीॱराङ यिहन’ म़ेदी ख्‍याया़गी यिह मे़हछ्येसीमाना ख्‍या राहङगी तिहक्‍पाला स्‍यिज्‍ये येह।”

रोमी 10:14

यिहॱनाङ मास्‍यीकाला यिह मा़हछ्येबा पेहती काह-ठि पेहती मिहरोला क्‍याप्‍च्‍ये? मिहरोगी तेहन्‍दाला मा़हथेबा पेहती काह-ठि पेहती मिहरोला यिह छ्य़ेज्‍ये? मिहरोगी तेहन्‍दाला सुज्‍यीगी माहस्‍येपाला काह-ठि पेहती मिहरोगी तेहन्‍दाला थे़ज्‍ये?

गलाती 5:6

स्‍या-ताक पेहॱनाङ, मेहबेॱनाङ मास्‍यीका येशूला तेहपा पेहकें मिहया़की पाहरक्‍यीला सुॱआङ ख्‍येपार मेहयोहङगे। यिहॱनाङ कोहकेन्‍की स़ेह नि च्‍यिमी च्‍यी़राङ येह ओह– चेवा लाहमले ल़ेह पेहकेन तेहपा यिहम्‍बा।

हिब्रू 11:26

मिश्र क्‍याहल-खापगी थाम्‍ज्‍यी क्‍युह-नोहर ज्‍योर्केन म़ेदीनी बरु थार्पा नाङगेन मास्‍यीकाकी तेहन्‍दाला मिहगी ङेन्‍ज्‍येन पेहक्‍योदी ना़गेन्‍दीॱराङ चा़ छ्यिम्‍बु क्‍युह-नोहर यिहम्‍बा म़ेदी खोला ऩेसीन। च्‍यिबेमाना किन्‍ज्‍योगी नाङगेन च्‍याहगा ङो़ले खोगी त़ेदी तेहक्‍यो येहकें।

हिब्रू 3:12

आदा-नो़ह दाङ आज्‍यी-नुहमुया़, जेम्‍बु पेह। ख्‍या सुज्‍यीॱआङ ङ्येहम्‍बा दाङ यिह मे़हछ्येएँ सेम्‍बागी ख्‍याला सोम्‍बो किन्‍ज्‍योलेगी था़-रिहङबु माहख्‍येर्ज्‍यु।

हिब्रू 4:2

च्‍यिबेमाना ङ्यिहलाॱआङ खुङला ल़ेहमुराङ या़हबु लेहङगु स्‍य़ेक्‍यो यिहम्‍बा। यिहॱनाङ थे़क्‍यो सुङगी खुङया़ला च्‍यिॱआङ फेन मा़हथो, च्‍यिबेमाना थे़गे मिहया़गी या़हबु लेहङगुला तेहपा पेहती लोक माहबे।

हिब्रू 4:6

लाहला मिहया़ स्‍य़ूहज्‍येला तोहरोङॱआङ खादीॱराङ येह, ओहले तोहङ तोहङले सु सुगी या़हबु लेहङगु थे़बा खुङगी या़हबु लेहङगुला मा़हचीबा सोङबे खुङ किन्‍ज्‍योगी थाङ सो नाङगेन्‍गी ग्‍या़ला स्‍युह माहङ्युहङ।

हिब्रू 7:19

च्‍यिबेमाना मोशागी तेरक्‍यो छ्य़े-ठिमगी सुलाॱआङ याहङ-ताहक्‍पा ज़ो मा़हखु। यिहॱनाङ ता़ह किन्‍ज्‍योगी ओहराङला ओ़ह म़ेदीॱआङ या़हबु रेहवा नाङदी येह, ओ़ह लाहमले पेहती ओहराङ किन्‍ज्‍यो पोहला लेप ख़ूएँ।

हिब्रू 7:25

ओ़ह सोङबे मिहरोला यिह छ्य़ेदी किन्‍ज्‍यो पोहला ओहङगेया़ला मिहरोगी ताहन्‍दा दाङ नाहम माॱनाङ थार्पा थोप च्‍य़ू थुप्‍कें। च्‍यिबेमाना खुङया़गी तेहन्‍दाला किन्‍ज्‍यो ङ्याम्‍बु सोल्‍वाङ ताप नाङज्‍येला मिहरो नाहम्‍स्‍यी किन्‍दु ज़्‍य़ू नाङगे।

२ पत्रुस 1:10

ओ़ह सोङबे आदा-नो़ह दाङ आज्‍यी-नुहमुया़, किन्‍ज्‍योगी ख्‍याया़ला क़े क्‍याहप नाङग्‍यो दाङ दाम नाङग्‍यो केच्‍याला थिउ-निउ पेहच्‍ये छोल्‍दोङ। ख्‍याया़गी दि ल़ेहमु पेहसीनमाना ख्‍या नाहमॱआङ रिहल्‍ज्‍ये म़ेह।

२ पत्रुस 1:5

ओ़ह सोङबेॱराङ ला़ खाजेबा ख्‍याया़गी तेहपाला या़हबु तामया़ पा़हज्‍ये छोल्‍दोङ। या़हबु तामया़ला येहन्‍देन पा़हदोङ,

२ पत्रुस 3:14

ओ़ह सोङबे ए च्‍याहम्‍बु रो़हया़, ख्‍या दि तामया़ला कू़हदी तेहकेन्‍गी मिहया़ यिहन्‍गे सोङबे, किन्‍ज्‍योगी ज़ी़लुला राहङ चाङमा पेहती, च्‍यिॱआङ क्‍येन म़ेहबा पेहती ओहले स्‍य़िहदे पेहती तेहच्‍येला ला़ खाजे स्‍युक पेहतोङ।

ज्‍याल्‍गा 21:8

यिहॱनाङ ज्‍यी़गेया़, यिह मे़ह-छ्ये़गेया़, नाम्‍दो लाहङज्‍ये ल़ेहमु ल़ेह पेहकेनया़, मिह सेकेनया़, छ्येउ-छ्येंमु पेहकेनया़, ङ्येहन क्‍याहप्‍केनया़, कुला छ्येपा फुल्‍गेया़ ओहले स्‍योप क्‍याहप्‍केनया़ थाम्‍ज्‍यी मेह दाङ मेहबुङगी छो नाहङला डोज्‍ये येह। दि ङ्यिपा स्‍यिवा यिहम्‍बा।”