हिब्रू 11:4 - ह्योल्‍मो

⁴ तेहपा लाहमलेॱराङ हाबिलगी किन्‍ज्‍योला कयिनगी म़ेदी जेन या़हस्‍यो मार्च्‍ये फुल्‍सीन। हाबिलगी फुल्‍ग्‍योगी मार्च्‍येला किन्‍ज्‍योगी थु काहसो जे नाङसीन ओहले तेहपा लाहमलेॱराङ खो मिह टाहङबु सी़ह ख़ूसीन। खो स्‍यिदी डोनाॱआङ तेहपा लाहमले ताहन्‍दा खो ओहराङ ङ्याम्‍बु ताम माएँराङ येह।

हिब्रू 11:4 ပူးပေါင်းရင်းမြစ်များ

मत्ती 23:35

दिगी पेहती क्‍येन म़ेहबागी हाबिल यिहन्‍ज्‍यु छ्योखाङ दाङ छ्योखाङगी यिल्‍दोला येहकेन्‍गी छ्योसोमगी पाहरक्‍यीला सेक्‍यो बेरेक्‍याहकी पुह जकरिया थुगी ङ्य़ेहबा ख्‍याया़ थो़ला फो़ज्‍ये येह।

लूका 11:51

यिहम्‍बा, ङाहगी ख्‍याला माएँ, हाबिलला सेकें यिहन्‍ज्‍यु छ्योखाङ दाङ छ्योसोम पाहरक्‍यीला जकरियाला सेक्‍यो थुगी ङ्य़ेहबादी दि मिहदोलेगी लेहन्‍ज्‍ये येह’।”

तीतस 1:16

खुङया़गी किन्‍ज्‍योला ङोह स्‍य़ेगे म़ेदीनी माएँ यिहॱनाङ खुङया़गी पेहक्‍यो ल़ेहया़गीदी किन्‍ज्‍योला मा-लोक पेहक्‍यो म़ेदी तेन्‍गे। खुङया़नी नाम्‍दो लाहङज्‍ये ल़ेहमु ओहङगे ओहले किन्‍ज्‍योगी काया़ मी़हची़एँदी ओहङगे ओहले खुङ का़हन्‍दीॱआङ या़हबु ल़ेहया़ पेहच्‍येला मी़हसीहएँ।

हिब्रू 11:2

ताहङबोगी मिहया़गीॱआङ यिह-छ्य़े पेहक्‍यो सोङबे किन्‍ज्‍यो खुङया़ ङ्याम्‍बु थु काहसो जे नाङसीन।

हिब्रू 12:1

ओहराङ देजे माहङा मिह पाङबुया़गी पाहरक्‍यीला येहकें सोङबे ओहराङ डोएँगी लाहमला का़ज्‍ये छोल्‍गेन्‍गी से़हया़ ओहले ओहराङला कोहल च्‍य़ूगेन्‍गी तिहक्‍पाया़ला ओहराङगी क्‍युर कोहएँ ओहले ओहराङ थाक-ताङदी किन्‍ज्‍योगी ते़ च्‍यू़ नाङग्‍योगी ग्‍या़ ङो़ले छ्योङ कोहएँ।

हिब्रू 12:24

ख्‍या दाङ किन्‍ज्‍योगी पाहरक्‍यीला साम्‍बा ताहम्‍ज्‍या ज़्‍या़ज्‍येला लाहम्‍बा जे नाङगे येशूसाला ख्‍या ओहङदी येह। हाबिलगी ठा़ म़ेदी जेन या़हबु से़हदी ताहम्‍ज्‍या ज़्‍या़ नाङगे येशूकी कु-ठा़ला ओहङदी येह।

हिब्रू 5:1

गो-छ्येवा पूजाहारी मिह नाहङलेगीॱराङ दाम्‍ग्‍यो ओहङगे, ओहले मिहया़गी छ्यो़ले तिहक्‍पाकी तेहन्‍दाला किन्‍ज्‍योला डेल्‍बा दाङ मार्च्‍ये फुल्‍ज्‍येला खुङला दाम्‍गे।

हिब्रू 9:22

तेहम्‍बाराङ सुङरापला तासीमाना ठा़गी ना थाम्‍ज्‍यीराङ से़हया़ला चाङमा ज़ोएँ, ओहले ठा़ माहस्‍याहल थु तिहक्‍पा ता़ह मी़हखुएँ।

२ पत्रुस 2:8

(ओहले खो ओ़ह ल़ेहमु मिहया़गी पाहरक्‍यीला तेहकेमु, ओहले ङ्यिहमा-टाहङमाराङ खुङया़गी पेहक्‍योगी ल़ेह चोक्‍पाया़ थोङगेमु ओहले थे़गेमु, खो राहङगी टाहङबु सेम ज्‍यिबुराङ छाबा-छुबे काहल्‍सीन।)

यहूदा 1:11

खुङया़ला क्‍येवा क्‍येमु! च्‍यिबेमाना खुङ कयिनकी लाहमला स्‍युहसीन, खेप्‍साङ लेहन्‍ज्‍येकी तेहन्‍दाला बालामगी पेहक्‍योगी ल़ेह चोक्‍पाकी लाहम ज़ुङदी येह, ओहले कोरहगी ल़ेहमुराङ खुङया़गी टा़ह पेहसीन ओहले खुङया़ ओ़ह ल़ेहमुराङ पेहती तोङदी डोएँ।