हिब्रू 11:10 - ह्योल्‍मो

¹⁰ च्‍यिबेमाना खोगी नाहम्‍स्‍यी किन्‍दु लिहकें ब्रामला ज़ोक्‍योकी क्‍याहसाला कू़हदी तेहक्‍यो येहकें ओहले ओ़ह क्‍याहसाला ज़ो तेन्‍दी ज़ो नाङगेन्‍दी किन्‍ज्‍योॱराङ यिहम्‍बा।

हिब्रू 11:10 ပူးပေါင်းရင်းမြစ်များ

यूहन्‍ना 14:2

ङाहती याहपकी ज़िम्‍गाङला तेहसा ग्‍या़ माहङबुराङ येह, ओहले ङाह ख्‍याया़की तेहन्‍दाला ग्‍या़ ठाबे पेहच्‍येला डोॱराङ येह। मिहन्‍नानी ङाहगी ख्‍याया़ला दि रोहवा ताम माज्‍येराङ म़ेहबा येहकें।

२ कोरिन्‍थी 5:1

ओहराङला क्‍यी़हराङ येहबा, ताहन्‍दा ओहराङगी दि स्‍या दाङ रेहकोगी ज़ुबु तोङदी डोनाॱआङ स्‍यिहङगामला नाहम्‍स्‍यी किन्‍दुॱराङ लिहकेन्‍गी किन्‍ज्‍योगी ज़ो नाङग्‍योकी खाङबा येहबा, ओ़ह लाहक्‍पागी ज़ोक्‍यो खाङबा मिहन।

फिलिप्‍पी 3:20

यिहॱनाङ ओहराङनी स्‍यिहङगामकी नागरिकता ज़्‍योरक्‍योगी मिह यिहम्‍बा। थार्पा नाङगेन ओहराङगी चो़वो येशू मास्‍यीका स्‍यिहङगामले फेप नाङगे म़ेदी ओहराङ क़ूह तेहकेंॱराङ येहबा।

हिब्रू 11:16

यिहॱनाङ खुङया़गीनी दि म़ेदीॱआङ या़हबु स्‍यिहङगामला येहकेन क्‍याहल-खापदी चा़ पेहक्‍यो येहकें। ओ़ह सोङबे किन्‍ज्‍योगी राहङला “ङाह ख्‍याया़गी किन्‍ज्‍यो यिहम्‍बा” म़ेदी सुङ नाङज्‍येला मिहरोगी ङोहजा जे माहनाङ च्‍यिबेमाना मिहरोगी खुङया़गी तेहन्‍दाला क्‍याहसा च्‍यी़ ठाबे ज़ो नाङदी येह।

हिब्रू 12:22

यिहॱनाङ ख्‍याया़नी सियोन लाह दाङ सोम्‍बो ज़्‍य़ू नाङगेन किन्‍ज्‍योकी क्‍याहसा ओहले स्‍यिहङगामकी यरूशलेमला ओहङदी येह। ओहले ख्‍या, टाहङमाराङ क्‍याहप मी़हखुएँ स्‍यिहङगामकी स्‍याहप्‍च्‍यीया़ खाम्‍साङबु पेहती जोम्‍ग्‍यो ग्‍या़ला ओहङदी येह।

हिब्रू 12:28

ओ़ह सोङबे युङॱराङ मी़हखुएँगी क्‍याहल-खाप ओहराङगी ज़्‍योरक्‍यो सोङबे किन्‍ज्‍योला थुज्‍यी-छ्ये़ फुल्‍दोङ ओहले मिहरोला थु ङ्ये़हएँगी छ्याप्‍स्‍यी पेहती क्‍याप्‍तोङ ओहले किन्‍ज्‍योकी ज्‍यिक्‍पा खुर्ती मिहरोला छ्येपा फुल्‍दोङ।

हिब्रू 13:14

च्‍यिबेमाना दि जाम्‍बुलीङला नाहम्‍माॱनाङ लिहकें ओहराङगी तेहन्‍दाला क्‍याहसा म़ेह। ओहराङनी तिङले ओहङगेन क्‍याहसाकी लाहम कू़हदी तेहकें।

हिब्रू 3:4

च्‍यिबेमाना खाङबा थाम्‍ज्‍यी सुज्‍यीगीनी ज़ोक्‍यो ओहङगे। यिहॱनाङ रेबेॱराङ से़हया़ ज़ो नाङगेन्‍दीनी किन्‍ज्‍योॱराङ यिहम्‍बा।

ज्‍याल्‍गा 21:2

ओहले ङाहगी नाम्‍पार-ताहक्‍पा यरूशलेम क्‍याहसा किन्‍ज्‍योलेगी स्‍यिहङगाम यिहन्‍ज्‍यु माहर फेप्‍केराङ जेक्‍यो थोङसीन। ओ़ह क्‍याहसा नि माहक्‍पा साम्‍बा ङ्याम्‍बु थुज्‍येला ज़ाप्‍ते ठाबे पेह ज़्‍या़क्‍योगी नामा साम्‍बा ल़ेहमुराङ येहकें। ओ़हदी साम्‍बा यरूशलेम यिहम्‍बा।