हिब्रू 10:34 - ह्योल्मो34 चोन-खाङला छ्यिक्योया़ला ख्यागी निङज्यी पेहसीन। राहङ ङ्याम्बु येहकेन्की थाम्ज्यी क्युह नोहरया़ मिहया़गी फ्रो़दी ख्येर्केमुॱआङ ख्यागी सेम काहसो पेहती ना़दीराङ तेहसीन। च्यिबेमाना नाहम्स्यी किन्दु लिहकेन्गी ओ़ह म़ेदीॱआङ छ्यिम्बु क्युह-नोहर राहङ ङ्याम्बुराङ येह माएँ ताम ख्याया़ला क्यी़ह येहकें। အခန်းကိုကြည့်ပါ။ |
हिब्रू 10:34
28 ပူးပေါင်းရင်းမြစ်များ
ख्याया़ला नाहम-माना ङाहगी सेम नाहङला ज़्या़दी येह। दि ल़ेहमु पेहच्येला ङाहला ठाबे ऩेसीन च्यिबेमाना ताहन्दा ङाह चोन-खाङ नाहङला येहकेंमु ओहले चोन-खाङ म़ेदी फिला येहकेमुॱआङ ख्याया़गी ङाहला या़हबु लेहङगु स्येकेन्गी ल़ेहला ओहले दिला सी़दे ज़्या़ज्येला किन्ज्योगी नाङग्यो दि थाम्ज्यी काटीनला ख्याया़ ङाह ङ्याम्बुराङ पी़मा काहल्दी येह।
किन्ज्योगी ताहम्ज्या ज़्या़ नाङग्यो नाहम्स्यी किन्दु लिहकेन्गी मेलामया़ मास्यीका लाहमले क़े क्याहप नाङग्यो मिहया़गी ज्योर ख़ूज्यु म़ेदी दि साम्बा ताहम्ज्या ङ्याम्बु लाहम्बा जे नाङगेन्दी मास्यीकाॱराङ यिहम्बा। तोहङस्यो ताहम्ज्याकी ती़हजीला मिहया़गी पेहक्यो तिहक्पालेगी खुङया़ला खा फे़ नाङज्येला मास्यीका टोहङ नाङसीन।
ए ङाहगी च्याहम्बु रो़हया़, ताहन्दानी ओहराङ किन्ज्योगी छार्क्यीनया़राङ यिहम्बा यिहॱनाङ तिङलेनी ओहराङ च्यि ओहङगे यिहम्बा, ओ़हगी तेहन्दाला किन्ज्योगी ओहराङला ह्अ कोह च्य़ू नाङदी म़ेह। यिहॱनाङ मास्यीका फेप नाङ फान्ज्यो ओहराङॱआङ मिहरो ल़ेहमुराङ डोज्ये येह च्यिबेमाना मिहरो काहन्डुमु येहबा, ओहराङगी मिहरोला ओ़ह ल़ेहमुराङ थोङज्ये येह।
ကြော်ငြာတွေ