हिब्रू 1:6 - ह्योल्मो6 किन्ज्योगी राहङदी तोहङस्यो क्येक्योदीला जाम्बुलीङला नोम फेप नाङगेमु मिहरोगी येहपाराङ सुङ नाङसीन, “किन्ज्योकी रेबेॱराङ स्यिहङगामकी स्याहप्च्यीया़गी मिह-रो़हलाॱराङ छ्येपा फुल्ज्यु।” အခန်းကိုကြည့်ပါ။ |
हिब्रू 1:6
17 ပူးပေါင်းရင်းမြစ်များ
मास्यीकाला यिह-छ्य़े पेहकेंन छेन्छोकया़दी ज़ुबु यिहम्बा, ओहले ओ़ह ज़ुबुगी गो़दी मास्यीकाॱराङ यिहम्बा। ओ़ह छो़बाया़ला मिहली साम्बा नाङगेन्दीॱआङ मिह-रो़हराङ यिहम्बा। मिहरो थाम्ज्यीराङ से़हया़ला गो-छ्येस्यो थेन ख़ूज्यु म़ेदी स्यिक्योया़ नाहङले सोम्बो ज़्याङ नाङगेन्दी तोहङस्यो मिह-रो़हराङ यिहम्बा।
किन्ज्योगी का़हन्दीॱआङ स्यिहङगामकी स्याहप्च्यीया़ला दि ल़ेहमु सुङ माहनाङ, “ख्ये ङाहती स़ेबु यिहम्बा, तिहरीङ ङाहगी ख्येला क्येदी येहबा।” येहपाराङ च्यि का़हन्दीॱआङ स्यिहङगामकी स्याहप्च्यीगी तेहन्दाला दि ल़ेहमु सुङ नाङदी येहबा ले, “ङाह खोगी याहप ओहङज्ये येह, खो ङाहती स़ेबु ओहङज्ये येह।”
ओहले यिह-छ्य़ेबु पाङबु दाङ टोहङग्योलेगी सोम्बो ज़्याङ नाङगेया़ला तोहङस्यो ज़्याङ नाङगे जाम्बुलीङकी क्याहल्बुया़गी क्याहल्बु, येशू मास्यीका लाहमलेॱआङ ख्याया़ला काटीन दाङ स्य़िहदे ओहङज्यु। ओहराङला चेवा जे नाङगे येशू मास्यीकागी मिहरो राहङगी ठा़ लाहमले ओहराङला तिहक्पालेगी खा फे़ नाङदी येह।
ကြော်ငြာတွေ