गलाती 6:7 - ह्योल्‍मो

⁷ राहङगी राहङला गो़ कोर मा़हच्‍यु, सुगीॱआङ किन्‍ज्‍योला स्‍ये़हन्‍डील पेह मी़हखुएँ, च्‍यिबेमाना मिहगी राहङ स्‍यिहङला च्‍यि कामे क्‍याहप्‍के खोगी ओ़हदीॱराङ टू़हगे यिहम्‍बा।

गलाती 6:7 ပူးပေါင်းရင်းမြစ်များ

लूका 16:25

ओहले अब्राहामगी मासीन, ‘पुह, ख्‍येला टेहम्‍बा म़ेहबा? काहल्‍ग्‍योगी छेला ख्‍येगी क्‍यिपु ज्‍योर्सीन, लाजरसकीनी तुहक्‍पु च्‍यी़राङ तुहक्‍पु खुर्सीन! ओहले ताहन्‍दानी लाजरसगी देला क्‍यिपु दाङ काहसो ज्‍योर्ती येह ओहले ख्‍येगीदी ओ़हला तुहक्‍पु ङ्युहङदी येहबा।

लूका 21:8

ओहले येशूगी सुङ नाङसीन, “जेम्‍बु पेहतोङ, सुज्‍यीगीॱआङ ख्‍याला गो़ कोर माहङ्युहङज्‍यु च्‍यिबेमाना मिह माहङबुगीराङ ङाहगी मिहन तेन्‍दी, ‘ङाहराङ थार्पा थोप च्‍य़ूगेन्‍गी मास्‍यीका यिहम्‍बा।’ ओहले, ‘काल्‍बा तोङगेन ती़हजी ता़हनी लेप्‍च्‍येराङ पेहसीन’ म़ेदी मा ओहङज्‍ये येह। खुङगी तिङ ङ्यादी माहन्‍डो।

१ कोरिन्‍थी 15:33

ख्‍या तेहन्‍दाम म़ेहबागी तामया़ला यिहम्‍बा म़ेदी माहतेह। चोक्‍पा मिहया़ ङ्याम्‍बु च्‍याम्‍गेमु या़हबु मिहया़ॱआङ नोहङगे।

१ कोरिन्‍थी 3:18

सुज्‍यीगीॱआङ राहङगी राहङला चिहन माह-क्‍याहप्‍च्‍यु! ख्‍या पाहरक्‍यीला सुज्‍यीगी दि काल्‍बाला ङाहराङ ख्‍येम्‍बा-ताहक्‍पु यिहन म़ेदी नेसीनमाना खो उल्‍दुम्‍बा डोज्‍यु। ओहले च्‍यी़राङ खो ख्‍येम्‍बा-ताहक्‍पु डो ख़ूज्‍ये येह।

१ कोरिन्‍थी 6:9

टाहङबु म़ेहबाकी मिहया़ स्‍यिहङगामकी क्‍याहल्‍सीला स्‍युह ङ्युहङज्‍ये म़ेह माएँ ताम च्‍यि ख्‍याया़ला क्‍यी़ह म़ेहबा? राहङगी राहङला चिहन माहक्‍याहप। देक्षागी बान्‍डन ल़ेह पेहकेनया़, कुला छ्येपा फुल्‍गेया़, छ्येउ-छ्येंमु पेहकेनया़, मिहगी ख्‍योवा दाङ पी़हमी थो़ला देक्षागी सेम च्‍याङगेनया़, ख्‍योवा पेहजा नाहङदोङ पा़हमा पेहकेनया़,

२ कोरिन्‍थी 9:6

यिहॱनाङ ताम छ्येस्‍योदी दिराङ यिहम्‍बा, ङ्ये़हमु ताप्‍केन्‍दीगी ङ्ये़हमुराङ तुहएँ, ओहले माहङबु पेहती ताप्‍केन्‍दीगी माहङबुराङ तुहएँ।

गलाती 6:3

का़हलेॱआङ सुज्‍यीगी राहङगी राहङला ङाहराङ यिहन म़ेदी ठासक तेन्‍गे यिहॱनाङ यिहन्‍ज्‍येदी खो च्‍यिॱआङ मिहम्‍बा यिहन्‍सीमानानी खो राहङगी राहङलाराङ गो़ कोर च्‍य़ूगे।

एफिसी 5:6

सुज्‍यीगी ख्‍याया़ला चिहन क्‍याहप्‍ती गो़ कोर मा़हखुज्‍यु। दि ल़ेहमु केच्‍याया़गी पेहतीराङ मिहङ्यीहन्‍गे मिहया़गी थो़ला किन्‍ज्‍योकी थुयाल बाप्‍के।

२ थेसलोनिकी 2:3

यिहॱनाङ ख्‍याला सुज्‍यीगीॱआङ काह-ठि पेहतीॱआङ गो़ कोर मा़हखुज्‍यु। किन्‍ज्‍योला टाह पेहती छ्यिम्‍बु ठ़ूस्‍यी सिहङदा माहकाहल थु ओहले तोङ कोहएँ पे यिहॱना़: छ्य़े-ठिम गोम्‍गे मिह माहयोहङ थु चो़वोकी ङ्यिहमा लेप्‍च्‍ये म़ेह।

याकूब 1:22

किन्‍ज्‍योगी सुङला ख्‍यागी ची़दोङ, ङ्यिहन्‍दी च्‍यी़राङ पेहसीनमाना ख्‍यागी राहङगी राहङला गो़ कोर च्‍य़ूगे।

याकूब 1:26

का़हलेॱआङ सुज्‍यीगी राहङगी राहङला ङाह मिह टाहङबु यिहन म़ेदी ने़गे यिहॱनाङ खोगी राहङ च्‍येलेला टिहला मे़हज़्‍यासी माना खोगी राहङला गो़ कोर च्‍य़ूगे ओहले खोगी छ्य़े पेहक्‍योदी थोरो फुङे डोएँ।

१ यूहन्‍ना 1:8

का़हलेॱआङ ओहराङगी राहङला तिहक्‍पा च्‍यिॱआङ म़ेह म़ेदी मासीमाना राहङगी राहङला गो़ कोर च्‍य़ूगे, ओहले ओहराङ ङ्याम्‍बु तेहन्‍दाम मेहयोहङगे।

१ यूहन्‍ना 3:7

ए ङाहगी च्‍याहम्‍बु पेहजाया़, सुज्‍यीगीॱआङ ख्‍याला चिहन क्‍याहप माहङ्युहङज्‍यु। मास्‍यीका टाहङबु येहकें ल़ेहमुराङ काहदी मिहगी राहङगी डोलु-तेहलुया़ टाहङबु पेहकें, खो मिह टाहङबु यिहम्‍बा

यहूदा 1:18

“तिङमा ती़हजीया़ला स्‍या़ क्‍याहप्‍केया़ ओहङज्‍ये येह। खुङगी किन्‍ज्‍योला ची़ज्‍ये म़ेह ओहले राहङगी सेमला ने़जेबा पेहती डोज्‍ये येह” म़ेदी खुङया़गी माक्‍यो येहकें।