गलाती 4:9 - ह्योल्‍मो

⁹ यिहॱनाङ ता़हनी ख्‍यागी किन्‍ज्‍योला ङोह स्‍य़ेदी येहबा पे यिहॱना़: किन्‍ज्‍योगीॱराङ ख्‍याला ङोह ख्‍येन्‍दी येहबा ओ़ह सोङबे ख्‍या च्‍यिबे येहपाराङ ओङ म़ेहबा दाङ तेहन्‍दा म़ेहबा स्‍यिती काम्‍बु तामया़गी तिङदा तिङ डोएँ? ख्‍या येहपाराङ च्‍यिबे ओ़ह से़हया़गी योक्‍पु डोज्‍ये सेम्‍बा पेहकें?

गलाती 4:9 ပူးပေါင်းရင်းမြစ်များ

मत्ती 11:27

ङाहगी किन्‍ज्‍यो याहपगी ङाहला थाम्‍ज्‍यीराङ से़हया़ चि क्‍याहप नाङदी येह। किन्‍ज्‍यो याहपगी मिहम्‍बा लेहमेन सुगीॱआङ स़ेबुला ङोह मे़हस्‍येएँ ओहले स़ेबुगी मिहम्‍बा लेहमेन सुगीॱआङ किन्‍ज्‍यो याहपला ङोह मे़हस्‍येएँ। यिहॱनाङ स़ेबुगी ङोहस्‍यी ताङ तेर नाङग्‍योया़गीदी किन्‍ज्‍यो याहपला ङोह स्‍य़ेएँ।

लूका 5:38

“साम्‍बा कुहन्‍डुमकी-निङगु नि क्‍याल्‍बा साम्‍बालाराङ ल़ू कोहएँ

यूहन्‍ना 10:14

या़हबु कोहरोवा ङाहराङ यिहन। याहपकी ङाहला ओहले ङाहगी याहपला ङोह स्‍य़ेएँ ल़ेहमुराङ, ङाह राहङगी ल़ूहया़ला ङोह स्‍य़ेगे ओहले ल़ूहया़गीॱआङ ङाहला ङोह स्‍य़ेगे। ङाह ल़ूहया़की तेहन्‍दाला राहङ ज़ुबुराङ तेर्च्‍येला ठाबे येह।

यूहन्‍ना 10:27

ङाहती ल़ूहया़गी ङाहगी ताम ङ्यिहन्‍गे। ङाह खुङया़ला ङोह स्‍य़ेएँ ओहले खुङया़ ङाहती तिङदा तिङ ओहङगे।

यूहन्‍ना 17:3

राहङ च्‍यिमे च्‍यी़राङ तेहन्‍दामकी किन्‍ज्‍यो ओहले राहङगी ताङ नाङग्‍योकी येशू मास्‍यीकाला ङोह स्‍य़ेगेन्‍दीॱराङ था़ म़ेहबा मिहली ज़ाङबु यिहम्‍बा।

रोमी 8:29

किन्‍ज्‍योगी राहङगी मिहया़ला तोहङलेराङ ङोह ख्‍येन नाङसीन ओहले राहङगी स़ेबु ल़ेहमुराङ डोज्‍येला दाम नाङसीन च्‍यिबेमाना मिहरोगी स़ेबु आदा-नो़ह दाङ आज्‍यी-नुहमुया़ नाहङला थाम्‍ज्‍यी म़ेदी छ्येस्‍यो ओहङ ख़ूज्‍यु।

रोमी 8:3

तिहक्‍पागी पेहताङगी काहङग्‍यो ज़ुबुगी मिहला ज्‍यिबुराङ मा-फाम्‍बु ज़ोक्‍यो सोङबे छ्य़े-ठिमगी पेह मी़हखुएँ ल़ेह किन्‍ज्‍योगी जे नाङसीन। काह-ठि पेहती माना, मिहरोगी राहङगी स़ेबु च्‍यिमे च्‍यी़ला दि जाम्‍बुलीङला ताङ नाङसीन। ओहले स़ेबु तिहक्‍च्‍येम्‍बा मिह ल़ेहमुराङ जेती मिहगी कुसो नोम्‍दी ठुङ नाङसीन ओहले मिह थाम्‍ज्‍यीगी पेहक्‍यो तिहक्‍पाकी तेहन्‍दाला किन्‍ज्‍योगी स़ेबुला क्‍याहङस्‍यीङला मार्च्‍ये फुल नाङसीन। दि ल़ेहमु जेती स़ेबुगी कुसो लाहमले किन्‍ज्‍योगी तिहक्‍पाकी ओङला दुल नाङसीन।

१ कोरिन्‍थी 13:12

ताहन्‍दा ओहराङ मेहलोङला ल़ेहमुराङ टाक्‍पु पेहती मेहथोङगे, यिहॱनाङ ओ़ह ती़हजीला छ्यिसाल-नाहङसाल पेहती थोङज्‍ये येह। ताहन्‍दा ङाह ङ्युहङसे़ च्‍यी़राङ ह्‍अ कोहएँ, ओ़ह ती़हजीलादी किन्‍ज्‍योगी ङाहगी तेहन्‍दाला थाम्‍ज्‍यीराङ केच्‍याया़ ङोह ख्‍येन्‍गे ल़ेहमुराङ ङाहगीॱआङ ङोह स्‍ये़ज्‍ये येह।

१ कोरिन्‍थी 15:34

जेम्‍बु पेह, ता़ह यिहन्‍ज्‍यु तिहक्‍पा माहबे। च्‍यिबेमाना काहजे मिहया़लानी किन्‍ज्‍योगी तेहन्‍दाला क्‍यी़हराङ म़ेह। ख्‍याया़ला ङोह छाज्‍यु म़ेदी ङाहगी दि माक्‍यो यिहम्‍बा।

१ कोरिन्‍थी 8:3

यिहॱनाङ का़हन्‍दीगी किन्‍ज्‍योला चेवा पेहकें खोला किन्‍ज्‍योगी ङोह ख्‍येन्‍गे।

२ कोरिन्‍थी 11:20

च्‍यिबेमाना सु मिह च्‍यी़गी ख्‍याया़ला योक्‍पु ज़ोॱनाङ, ख्‍या ङ्याम्‍बु येहकेन्‍गी थाम्‍ज्‍यीराङ से़हया़ फ्रो़नाङ, ख्‍या लाहमले खेप्‍साङ लेहनॱनाङ, ख्‍या थो़ला ओङ छ्ये़नाॱआङ, ख्‍याती डाम्‍बाला थाल्‍ज्‍या क्‍याहपॱनाङ ख्‍याया़नी थाम्‍ज्‍यीराङ ना़गु दु।

२ कोरिन्‍थी 4:6

“ना़-जुबेला क्‍या-साङेगी येहपा छ्याज्‍यु” म़ेदी सुङ नाङगेन्‍गी किन्‍ज्‍योॱराङ, ताहन्‍दा ओहराङगी सेम नाहङला येहपा छ्या़दे येहबा, ओ़ह लाहमले पेहती किन्‍ज्‍योगी ज़िज्‍यिदकी येहन्‍देनगी क्‍या-साङे मास्‍यीकागी स्‍याहल्‍दोङला येहपा छ्या़ ख़ूज्‍यु।

गलाती 3:3

ख्‍या च्‍यिबे दि ल़ेहमु उल्‍दुम्‍बा काहल्‍ग्‍यो यिहम्‍बा? ख्‍यागी राहङगी मिहली किन्‍ज्‍योकी थु लाहमले छ़ूदी च्‍यि ताहन्‍दादी राहङ ज़ुबुकी स्‍युकगीॱराङ छाङबु पेहच्‍ये छोल्‍गे?

गलाती 4:3

मास्‍यीका फेप नाङगे म़ेदी तोहङले ओहराङॱआङ ओ़ह ल़ेहमुराङ येहकें ओहले जाम्‍बुलीङला ओङ छ्य़ेगे नाम्‍स्‍यीया़गी ओङ चो़ला ज्‍युल्‍दी तेहती येहकें।

एफिसी 1:17

ओहराङ चो़वो येशू मास्‍यीकाकी किन्‍ज्‍यो, ज़िज्‍यिदकी याहपगी ख्‍याया़ला मिहरोगी तेहन्‍दाला येहन्‍देनला रिहक्‍स्‍यी दाङ ङोह स्‍य़े ख़ूएँगी थु नाङज्‍यु म़ेदी ङाह नाहम्‍माॱनाङ सोल्‍वाङ ताप्‍को येह।

२ तिमोथी 2:19

यिहॱनाङ, किन्‍ज्‍यो राहङगी तिङ नाङग्‍योकी मिहरोकी ब्राम नाहम-माना सान्‍दीॱराङ ओहङज्‍ये येह। ओ़ह ब्रामला दि ल़ेहमु सुङदी पार क्‍याहप नाङदी येह, “चो़वोगी राहङगी क्‍यिपाया़ला ङोह ख्‍येन नाङगे,” ओहले “चो़वोकी छेन लेहन्‍गेया़गी ना थाम्‍ज्‍यीगी ल़ेह चोक्‍पाया़ ङो़ले था़-रिहङबुराङ तेहच्‍यु।”

हिब्रू 7:18

च्‍यिबेमाना ओ़ह तोहङस्‍यो कादी मा-फाम्‍बु दाङ फेन मे़हथोएँ काहल्‍ग्‍यो सोङबे किन्‍ज्‍योगी ओ़ह का च्‍ये नाङसीन।

२ पत्रुस 2:20

यिहॱनाङ का़हलेॱआङ खुङया़गी ओहराङगी चो़वो दाङ थार्पा नाङगेन येशू मास्‍यीकाला ङोह स्‍य़ेदीॱआङ जाम्‍बुलीङकी चोक्‍पा लाहमला छ्यि च्‍य़ूगे ल़ेहया़लेगी स्‍योर सिहन्‍दी तिङले येहपाराङ तिहक्‍पाला छ्यिती ओ़हगी ओङला छ्यिसीमाना, खुङया़गी गादी तोहङमादी म़ेदीॱआङ जेन माहङबु चोक्‍पा ओहङज्‍ये येह।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।