Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




गलाती 2:14 - ह्योल्‍मो

14 खुङ या़हबु लेहङगुगी तेन्‍ग्‍योकी तेहन्‍दामकी लाहम क्‍यो़दी काहल्‍ग्‍यो थोङ फान्‍ज्‍यो ङाहगी मिह थाम्‍ज्‍यीगी दिनलाराङ केफासला मासीन, “राहङ यहूदी यिहन्‍दीॱआङ यहूदी ल़ेहमु जे माहनाङबा लेहमेन क्‍यिहपाकी मिहया़गी ल़ेहमु डोलु-तेहलु जे नाङगे मासीमाना, लेहमेन क्‍यिहपाकी मिहया़ला यहूदीगी ल़ेहमुराङ मिहजी ताङज्‍येला राहङगी च्‍यिबे उर्चु जे नाङगे ले?”

အခန်းကိုကြည့်ပါ။ ကော်ပီ




गलाती 2:14
30 ပူးပေါင်းရင်းမြစ်များ  

ओहले पत्रुसगी खुङया़ला मासीन, “लेहमेन क्‍यिहपागी मिहया़ ङ्याम्‍बु च्‍याम्‍दे खुङया़ ङ्याम्‍बु छो़दी तेहच्‍येला ङ्यिह यहूदीया़ला ङ्यिहगी छ्य़े-ठिमगी मेहतेर्कें माएँ ताम राहङ फे़बेया़ला थुयी़राङ येहबा, यिहॱनाङ किन्‍ज्‍योगी ङाहला सु मिहॱलाङ ख्‍ये मेहचाङा म़ेदी माज्‍ये मेहयोहङगे माएँ स्‍याहल सुङ नाङदी येह।


ओहले लाहला मिहया़ यहूदीया साने़लेगी एन्‍टिओखिया क्‍याहसाकी आदा-नो़हया़साला ओहङदी दि ल़ेहमु लोप्‍च्‍युङ लोप्‍च्‍ये छ़ूसीन, “ख्‍या फ़ेबेॱया मोशागी नाङग्‍यो ठिमला ल़ेहमु स्‍या-ताक माहकाहल्‍बा येहनानी ख्‍या फे़बेया़गी थार्पा ज्‍योर मी़हखुएँ।”


ङ्यिहगी पाहरक्‍यीले रेहरे मिहया़ ओहङदी राहङ फे़बेया़ला फिर्च्‍या लोप्‍च्‍युङया़ तेर्ते ज्‍यिबुराङ तुहक्‍पु तेर्सीन लो माएँ ताम ङ्यिहगी थ़ेसीन। यिहॱनाङ ओ़ह मिहया़ला ङ्यिहगी ताङग्‍यो मिहन।


ओहजेला किन्‍ज्‍योला यिह-छ्य़े पेहक्‍यो फरिसी छो़बागी रेहरे मिहया़गी लाहङदी दि ल़ेहमु मासीन, “लेहमेन क्‍यिहपागी मिहया़गीॱआङ यहूदी ठिमला ल़ेहमु पेहती स्‍या-ताक पेहॱराङ कोहकें ओहले खुङया़गी मोशागी नाङग्‍यो छ्य़े-ठिम थाम्‍ज्‍यीराङ ची़ॱराङ कोहएँ।”


चो़वो येशूला ङाहगी यिह छ्य़ेक्‍यो सोङबे दि केच्‍या ङाहला या़हबु पेहती क्‍यी़ह येह, का़हन्‍दीॱआङ साहएँ से़हया़ मेहचाङा म़ेह। यिहॱनाङ सुगी ओ़हदी मेहचाङा येह म़ेदी ने़गे, खोगी तेहन्‍दाला ओ़ह मेहचाङा डोएँ।


ओहले लोह सुम तिङले च्‍यी़राङ ङाह पत्रुसला थुज्‍येला यरूशलेमला काहल्‍सीन ओहले ङ्याम्‍बुराङ ओ़हला ङ्यिहमा च्‍ये़ङा तेहसीन।


मास्‍यीकाकी काटीन लाहमले ख्‍याला क़े क्‍याहप नाङग्‍यो येहकें यिहॱनाङ ख्‍यागी देजे ग्‍यो़बाराङ किन्‍ज्‍योला क्‍युर्ती लेहमेनॱराङ या़हबु लेहङगु ङो़ले सेम ताङग्‍यो थे़गेमु ङाहनी ह्‍अॱराङ ल़ेहउ दु!


यिहॱनाङ ङाह ङ्याम्‍बुराङ येहकेन्‍की रो़ह तीतस ग्रीक क्‍यिहपाकी मिह यिहन्‍देॱआङ खोला स्‍या-ताक पेह कोहएँ म़ेदी खुङया़गी उर्चु माहबे।


यिहॱनाङ मास्‍यीका येशूकी या़हबु लेहङगुकी तेहन्‍दामया़ ख्‍याया़ ङ्याम्‍बु नाहम्‍स्‍यी किन्‍दु लिहच्‍यु म़ेदी ङ्यिह खुङया़गी दिनला याहम्‍बीज्‍यीॱआङ ज्‍युल्‍दी माहतेह।


ओ़हगी छापला खुङगी तोहरोङ किन्‍ज्‍योगी पत्रुसला यहूदीया़ला या़हबु लेहङगु स्‍येकेन्‍गी छ्या़ले चि क्‍याहप नाङग्‍यो ल़ेहमुराङ ङाहॱलाङ लेहमेन क्‍यिहपाकी मिहया़ला या़हबु लेहङगु स्‍येकेन्‍गी छ्या़ले चि क्‍याहप नाङग्‍यो गा थोङसीन।


याकूब, केफास दाङ यूहन्‍ना छेन्‍छोककी गो-छ्येवा गोबाया़ यिहन्‍गे ओहले खुङ फे़बेया़गी किन्‍ज्‍योगीॱराङ ङाहला काटीन नाङग्‍यो दु माएँ ताम ङोह स्‍य़े फान्‍ज्‍यो खुङ फे़बेया़गी बारनाबास दाङ ङाहला रो़ह म़ेदी ची़नाङ पेहसीन। ओहले ङ्यिह फे़बेया़दी लेहमेन क्‍यिहपाकी मिहया़की पाहरक्‍यीला ल़ेह पेहकें काहल्‍सीन ओहले खुङ फ़ेबेया़ती यहूदीया़की पाहरक्‍यीला ल़ेह पेहकें काहल्‍सीन।


मास्‍यीकाकी क्‍याहङस्‍यीङकी तेहन्‍दागी पेहती तुहक्‍पुला माहछ्यीज्‍यु म़ेदी यिहन्‍दो तेन्‍ज्‍ये सेम्‍बा पेहकेनया़गीॱराङ ख्‍याला स्‍या-ताक पेहॱराङ कोहकें म़ेदी उर्चु पेहकें।


ख्‍याया़गी तेहन्‍दाला स्‍यिहङगामला या़हबु पेहती ज़्‍या़क्‍यो रेहवागी पेहती ख्‍यागी दि ल़ेहमु यिह-छ्य़े दाङ चेवा पेहक्‍यो यिहम्‍बा। दिगी तेहन्‍दाला ख्‍याया़गी तोहङलेराङ तेहन्‍दामकी सुङ पे यिहॱनाङ या़हबु लेहङगु थ़े सिहन्‍दी येह।


तिहक्‍पा पेहतीराङ तेहकेनया़ला मिह थाम्‍ज्‍यीगी दिनला बार्ता लाङदोङ, ओ़ह ल़ेहमु पेहसीमाना च्‍यी़राङ छेन्‍छोककी लेहमेन मिहया़ॱआङ ज्‍यी़ज्‍ये येहबा।


काङबा कुच्‍या काहल्‍ग्‍योया़ काङबा मा़हठोज्‍यु यिहॱनाङ खुङ टा़ह ख़ूज्‍यु म़ेदीमाॱराङ ख्‍या डोएँगी लाहमया़ थेका जे़दोङ।


ओ़हनी माज्‍येराङ माना साहएँ, थुङगे दाङ चाङमा डोज्‍येगी तेहन्‍दाला यिहन्‍ज्‍येॱराङ ठी़ क्‍याहप्‍केन्‍गी ठिमया़ च्‍यी़राङ यिहन। किन्‍ज्‍यो लाहमले ठिम साम्‍बा च्‍यी़ माहयोहङ थु ओ़हदी ज़ुबुगी तेहन्‍दाला ज़ोक्‍योगी पे-ठिम च्‍यी़राङ यिहम्‍बा।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ