गलाती 2:12 - ह्योल्मो12 याकूबगी ताङग्यो मिहया़ ओहङगे म़ेदी तोहङले खोगी लेहमेन क्यिहपाकी मिहया़ ङ्याम्बु तेहती साहउ येहकें। यिहॱनाङ खुङया़ ओहङ सिहन फान्ज्योनी खो लेहमेन क्यिहपाकी मिहया़ ङ्याम्बु खा फ़ेदी तेहसीन, च्यिबेमाना खो स्या-ताक पेह कोहएँ म़ेदी माएँ मिह बा़लया़ ङ्याम्बु ज्यी़दी येहकें। အခန်းကိုကြည့်ပါ။ |
गलाती 2:12
16 ပူးပေါင်းရင်းမြစ်များ
ओहले पत्रुसगी खुङया़ला मासीन, “लेहमेन क्यिहपागी मिहया़ ङ्याम्बु च्याम्दे खुङया़ ङ्याम्बु छो़दी तेहच्येला ङ्यिह यहूदीया़ला ङ्यिहगी छ्य़े-ठिमगी मेहतेर्कें माएँ ताम राहङ फे़बेया़ला थुयी़राङ येहबा, यिहॱनाङ किन्ज्योगी ङाहला सु मिहॱलाङ ख्ये मेहचाङा म़ेदी माज्ये मेहयोहङगे माएँ स्याहल सुङ नाङदी येह।
खुङ या़हबु लेहङगुगी तेन्ग्योकी तेहन्दामकी लाहम क्यो़दी काहल्ग्यो थोङ फान्ज्यो ङाहगी मिह थाम्ज्यीगी दिनलाराङ केफासला मासीन, “राहङ यहूदी यिहन्दीॱआङ यहूदी ल़ेहमु जे माहनाङबा लेहमेन क्यिहपाकी मिहया़गी ल़ेहमु डोलु-तेहलु जे नाङगे मासीमाना, लेहमेन क्यिहपाकी मिहया़ला यहूदीगी ल़ेहमुराङ मिहजी ताङज्येला राहङगी च्यिबे उर्चु जे नाङगे ले?”
याकूब, केफास दाङ यूहन्ना छेन्छोककी गो-छ्येवा गोबाया़ यिहन्गे ओहले खुङ फे़बेया़गी किन्ज्योगीॱराङ ङाहला काटीन नाङग्यो दु माएँ ताम ङोह स्य़े फान्ज्यो खुङ फे़बेया़गी बारनाबास दाङ ङाहला रो़ह म़ेदी ची़नाङ पेहसीन। ओहले ङ्यिह फे़बेया़दी लेहमेन क्यिहपाकी मिहया़की पाहरक्यीला ल़ेह पेहकें काहल्सीन ओहले खुङ फ़ेबेया़ती यहूदीया़की पाहरक्यीला ल़ेह पेहकें काहल्सीन।
ओ़ह तिहङ-रिहङबुकी केच्या च्यि यिहम्बा मासीमाना, लेहमेन क्यिहपाकी मिहया़गीॱआङ या़हबु लेहङगु लाहमले इस्राएलीया़गी ल़ेहमुराङ किन्ज्योकी मेलामया़ ज्योर ख़ूएँ काहल्सीन। लेहमेन क्यिहपाकी मिहया़ॱआङ ज़ुबु च्यी़गी ओङबुया़ यिहन ओहले मास्यीका येशू लाहमले किन्ज्योगी ज़्या़ नाङग्योकी ताहम्ज्या पी़मागी हकदार काहल्दी येह।
ကြော်ငြာတွေ