गलाती 1:8 - ह्योल्‍मो

⁸ का़हलेॱआङ ङ्यिहगी स्‍ये़क्‍योकी या़हबु लेहङगु म़ेदी फिर्च्‍या लेहमेनॱराङ स्‍ये़कु दु मासीमाना खुङला मे़मु सू़हज्‍यु ओ़ह स्‍यिहङगामकी स्‍याहप्‍च्‍यी यिहॱना़ यिहन ओ़ह ङ्यिह नाहङदीॱराङ यिहॱना़ यिहन।

गलाती 1:8 ပူးပေါင်းရင်းမြစ်များ

मत्ती 25:41

“ओ़ह तिङले खोगी राहङगी योमा ङो़ले तेहक्‍यो मिहया़ला दि ल़ेहमु सुङ नाङज्‍ये येह, ‘ए किन्‍ज्‍योगी मे़मु सू़हक्‍यो मिहया़, देलेगी ग्‍यो़बाराङ थेन्‍दी सोङ! ती़ह गो-छ्येवा दाङ खोगी स्‍याहप्‍च्‍यीया़गी तेहन्‍दाला ठाबे पेह ज़्‍या़क्‍यो नाहमॱआङ मिहस्‍यीएँगी मेहला सोङ!

मर्कूस 14:71

येहपाराङॱआङ पत्रुसगी क्‍याहल्‍दी मासीन, “ङाहगी स्‍योप क्‍याहप्‍क्‍यो यिहन्‍सीमाना किन्‍ज्‍योगी ङाहला ङ्य़ेहबा काल नाङज्‍यु, राहङगी सुङ नाङग्‍यो मिहला नि ङाह ङोह मे़हस्‍येएँ।”

ल़ेह-पेन 23:14

ओहले खुङगी पूजाहारी छ्यिम्‍बु दाङ छ्य़े-ठिम ताङगे लोबेनया़ साला काहल्‍दी मासीन, “ङ्यिहगी पावलला माहसे थु च्‍यिॱआङ मेहसाहएँ, च्‍यिॱआङ मिहथुङगे म़ेदी ना क्‍याल सिहन्‍दी येह।

रोमी 16:17

ए ङाहगी आदा-नो़ह दाङ आज्‍यी-नुहमुया़, ङाह ख्‍याला ओहर-छ्य़े स्‍युहउ येह, ख्‍याया़गी पाहरक्‍यीला ठू़ च्‍य़ूदी खा फ़ेदी डो च्‍य़ूएँगी मिहया़ दाङ यिह छ्य़ेलुला गो़ कोर्केन मिहया़ यिहन्‍ज्‍यु जेम्‍बु पेहतोङ। ख्‍याया़गी ज़्‍योरक्‍यो लोप्‍च्‍युङला खुङगी टाह पेहकें। ओ़ह ल़ेहमु मिहया़ ङ्याम्‍बु च्‍यामॱराङ माहच्‍याम।

रोमी 9:3

ङाहला मास्‍यीकालेगी खा फ़ेगेनकी मे़मु सू़हदी ङाहती क्‍यिहपा दाङ ङाहती यहूदी आदा-नो़ह दाङ आज्‍यी नुहमुया़ती थार्के यिहनानी ङाह ज्‍यिबुराङ क़ेहनाङ लाहङज्‍ये येहकें। खुङया़ थार्च्‍यु माएँज्‍यीराङ ङाहती ज्‍यिबुराङ छ्यिम्‍बु सेम्‍बा येहबा।

१ कोरिन्‍थी 12:3

ओ़ह सोङबे ख्‍याया़गी दि ताम ङोह स्‍ये़ज्‍यु माएँ ङाहगी सेम्‍बा येहबा, किन्‍ज्‍योगी थु लाहमले स्‍याहल सुङगे सुज्‍यीगीॱआङ येशूला मे़मु मेहक्‍याहप्‍कें, ओहले नाम्‍पार-ताहक्‍पा थु लाहमले च्‍यी़राङ “येशूॱराङ चो़वो यिहन” म़ेदी मा ख़ूएँ।

१ कोरिन्‍थी 16:22

का़हन्‍दीगी चो़वोला चेवा मेहबेकें खोला मे़मु सू़हज्‍यु। ए ओहराङगी चो़वो, फेप नाङदोङ!

गलाती 1:9

ङाहगी दि केच्‍याया़ तोहङलेॱआङ माक्‍यो येहकें ओहले ताहन्‍दाॱआङ माएँराङ येह, ख्‍याया़गी का़हन्‍दी या़हबु लेहङगु ची़क्‍यो येहबा, ओ़हगी फिर्च्‍या लेहमेन सुज्‍यीगी ख्‍याया़ला ख्‍येप्‍टा क्‍याहप्‍सीमाना, खोला मे़मु सू़हज्‍यु।

गलाती 3:10

छ्य़े-ठिमकी ल़ेहया़ थो़ला यिह छ्य़ेगे मिह थाम्‍ज्‍यीला मे़मु सू़हदे येहबा, च्‍यिबेमाना छ्य़ेला दि ल़ेहमु प्री़हदे येहबा, “छ्य़े-ठिमला प्रुहक्‍योकी थाम्‍ज्‍यीराङ काया़ मी़हचीगे दाङ मिहङ्यीहन्‍गे मिह थाम्‍ज्‍यीला मे़मु सू़हज्‍ये येह।”

गलाती 3:13

ओहराङगी छ्य़े-ठिम ची़ मा़हखुबा सोङबेॱराङ ओहराङ थो़ला फो़क्‍योकी थाम्‍ज्‍यीराङ मे़मुया़ मास्‍यीका राहङगीराङ खुर नाङदी छ्य़े-ठिमकी मे़मु लाहमले ओहराङला खा फे़ नाङसीन, च्‍यिबेमाना “क्‍याहङस्‍यीङला च्‍याङदी स्‍यिएँ थाम्‍ज्‍यीला मे़मु सू़हक्‍यो ओहङगे” म़ेदी प्री़हदे येहबा।

तीतस 3:10

ओहले ठू़ च्‍य़ूगे मिहया़ला लेहमा च्‍यी़ ङ्यी़ लोप्‍ताम क्‍याहप्‍तोङ, ओहले ओहजे पेहतीॱआङ मिहङ्यीहन्‍सीमाना खो ङ्याम्‍बु च्‍यामॱराङ माहच्‍याम।

२ पत्रुस 2:14

खुङया़गी मी़ छ्येउ-छ्येंमुकी काहङग्‍यो ओहङगे, ओहले काहजे लाहयो-तिहक्‍पाया़ पेहॱनाङ खुङया़ला मेहन्‍दाङगे। सेम थिला म़ेहबाकी मिहया़ला खुङया़गी छ्यि च्‍य़ूगें। खुङया़की सेमगी ह्‍अम्‍बा पेहच्‍येलाॱराङ बा़नी काहल्‍सीहन्‍ग्‍यो ओहङगे। खुङया़ॱराङ किन्‍ज्‍योकी मे़मु सू़हक्‍यो मिहया़ यिहम्‍बा।