गलाती 1:16 - ह्योल्‍मो

¹⁶ लेहमेन क्‍यिहपाया़गी पाहरक्‍यीला मिहरोकी तेहन्‍दाला स्‍येच्‍येला राहङगी स़ेबु ङाह थो़ला तेन नाङज्‍येला मिहरोला या़हबु ऩेसीन ओहजेला ङाहगी सु ङ्याम्‍बुॱआङ टी़हदाप माहबे।

गलाती 1:16 ပူးပေါင်းရင်းမြစ်များ

मत्ती 16:17

येशूगी सुङ नाङसीन, “ए योनाकी पुह सिमोन, ख्‍ये काहजे सोनाम-साक्‍पु! दि केच्‍या ख्‍येगी स्‍या दाङ ठा़ लाहमले पेहती माक्‍यो मिहम्‍बा, दिनी स्‍यिहङगामला ज़्‍य़ू नाङगेन्‍गी ङाहगी किन्‍ज्‍यो याहपगीॱराङ ख्‍येला क्‍यी़ह ज्‍योर च्‍य़ू नाङग्‍यो यिहम्‍बा।

मत्ती 26:41

“ङ्यि मा़हलोहबा पेहती तेह, सोल्‍वाङ ताप्‍तोङ, ओहले ङ्याहम्‍छेला माहछ्यीज्‍यु। तेहम्‍बाराङ ख्‍याया़गी सेमनी तुहक्‍पु पेहच्‍येॱलाङ ठाबे येह, यिहॱनाङ ज़ुबुगी ला़ मेहखा दु!” म़ेदी सुङ नाङसीन।

ल़ेह-पेन 22:21

ओहले चो़वोगी सुङ नाङसीन, ‘ख्‍ये सोङ, ङाहगी ख्‍येला लेहमेन क्‍यिहपागी मिहया़साला था़-रिहङबु रिहङबु थु ताङज्‍ये येह’!”

ल़ेह-पेन 5:42

ओहले ङ्यिहमा टाहङमा छ्योखाङ दाङ मिहया़गी खाङबा-खाङबाला काहल्‍दी, “येशूॱराङ थार्पा थोप च्‍य़ू नाङगेन मास्‍यीका यिहन” म़ेदी लेहङगु या़हबु स्‍येच्‍ये माहक्‍युर।

ल़ेह-पेन 9:15

यिहॱनाङ चो़वो छ्येवागी हननिया़ला सुङ नाङसीन, “ख्‍ये सोङ, च्‍यिबेमाना लेहमेन क्‍यिहपाया़ला, क्‍याहल्‍बुया़ला ओहले इस्राएली छार्क्‍यीनया़गी दिनला ङाहगी मिहन ङोह स्‍य़े च्‍य़ूज्‍येला ङाहगी खोला दाम्‍दी येह।

ल़ेह-पेन 9:20

ओहले खो लाहम्‍साङराङ यहूदीया़की छो़खाङया़ला स्‍य़ूहदी, “चो़वो छ्येवा येशूॱराङ किन्‍ज्‍योगी स़ेबु यिहम्‍बा” म़ेदी स्‍येच्‍ये छ़ूसीन।

रोमी 1:5

मास्‍यीका लाहमले किन्‍ज्‍योगी ङ्यिहला काटीन दाङ ल़ेह-पेनगी छ्या़ले नाङसीन। लेहमेन क्‍यिहपागी मिह थाम्‍ज्‍यीगी तेहपा पेहती मिहरोगी सुङ नाङग्‍योकी स्‍याहल ङ्यिहन्‍ज्‍यु म़ेदी मिहरोगी तेहन्‍दाला किन्‍ज्‍योगी छ्या़लेला कुल नाङसीन।

रोमी 11:13

ता़ह ङाह लेहमेन क्‍यिहपाकी मिहया़ला माएँराङ येह। ङाह लेहमेन क्‍यिहपाया़की तेहन्‍दाला दाम्‍ग्‍यो मास्‍यीकाकी ल़ेह-पेन यिहम्‍बा ओ़ह सोङबे ङाह दि स्‍याहप्‍तो स्‍युहएँ ल़ेहला तेहम्‍बाराङ चा़ छ्यिम्‍बु ने़दी ल़ेह पेहकें।

१ कोरिन्‍थी 15:50

आदा नो़ह दाङ आज्‍यी-नुहमुया़, ङाहगी माज्‍ये छोल्‍ग्‍यो ताम दिराङ यिहम्‍बा, स्‍या दाङ ठा़गी किन्‍ज्‍योगी क्‍याहल्‍सीला स्‍य़ूहज्‍येला ओङ ज्‍योर मी़हखुएँ। ओहले तोहङदी डोएँ ज़ुबुगी नाहमॱआङ मेहतोङगेन ज़ुबुगी ओङ ज्‍योर मी़हखुएँ।

२ कोरिन्‍थी 4:6

“ना़-जुबेला क्‍या-साङेगी येहपा छ्याज्‍यु” म़ेदी सुङ नाङगेन्‍गी किन्‍ज्‍योॱराङ, ताहन्‍दा ओहराङगी सेम नाहङला येहपा छ्या़दे येहबा, ओ़ह लाहमले पेहती किन्‍ज्‍योगी ज़िज्‍यिदकी येहन्‍देनगी क्‍या-साङे मास्‍यीकागी स्‍याहल्‍दोङला येहपा छ्या़ ख़ूज्‍यु।

२ कोरिन्‍थी 5:16

ता़ह यिहन्‍ज्‍यु ङ्यिह सुॱलाङ मिहगी फि ङो़ले च्‍यी़राङ मेहताएँ। ती़हजी च्‍यी़ला ङ्यिहगी मास्‍यीकाला मिहला ल़ेहमु पेहती ताक्‍यो येहकें, यिहॱनाङ ता़ह यिहन्‍ज्‍यु मिहरोला ओ़हठी पेहती ताज्‍ये म़ेह।

गलाती 2:1

लो़ह च्‍युप्‍स्‍यी तिङले बारनाबास दाङ तीतसला राहङ ङ्याम्‍बुराङ ख्‍येर्ती ङाह येहपाराङ यरूशलेमला काहल्‍सीन।

एफिसी 3:1

ओ़ह सोङबे ख्‍या लेहमेन क्‍यिहपाकी मिहया़गी तेहन्‍दाला मास्‍यीकाकी छ्या़ले पेहकेमु ङाह पावल चोन-खाङला छ्यिती येह।

एफिसी 6:12

च्‍यिबेमाना ओहराङगी मिह ङ्याम्‍बु मा़ क्‍याहप्‍के मिहम्‍बा यिहॱनाङ स्‍यिहङगाम दाङ जाम्‍बुलीङकी पाहरक्‍यीला ल़ेह ङ्येहम्‍बा पेहकेन्‍गी नाम्‍स्‍यीया़, ठिम ताङगेन्‍की पोम्‍बोया़, ओङज्‍या छ्यिम्‍बु ज्‍योरक्‍योया़, ओहले दि ना़-जुबे जाम्‍बुलीङकी वाङज्‍या छ्यिम्‍बुया़ ङ्याम्‍बु यिहम्‍बा।

१ थेसलोनिकी 2:16

लेहमेन क्‍यिहपाकी मिहया़ला थार्पा तेर्केन्‍की या़हबु लेहङगु ङ्यिहला स्‍ये मा़हच्‍यु। दि ल़ेहमु पेहती किन्‍ज्‍योगी ज़ी़नाङला खुङया़गी गो़ तिहक्‍पागी काहङदी काहल्‍सीन। यिहॱनाङ ता़ह ज्‍युक्‍स्‍योलला किन्‍ज्‍योगी थुयाल खुङ थो़ला बाप्‍ती येह।

१ तिमोथी 2:7

ओ़ह सोङबे ङाहगी लेहमेन क्‍यिहपागी मिहया़ला तेहपा दाङ तेहन्‍दामला लुहङ प्रा-साल्‍ज्‍येला चो़वोगी ङाहला ल़ेह-पेन दाङ लोबेन ज़ो नाङसीन। ङाहगी तेहम्‍बाराङ माक्‍यो यिहम्‍बा, स्‍योप क्‍याहप्‍ती म़ेह।

२ तिमोथी 1:11

ओ़ह या़हबु लेहङगु स्‍येच्‍येलाॱराङ किन्‍ज्‍योगी ङाहला या़हबु लेहङगु स्‍येकेन्‍गी मिह, ल़ेह-पेन दाङ लोबेन ज़ो नाङसीन।

हिब्रू 2:14

च्‍यिबेमाना ओ़ह पुह पोहमोया़ स्‍या दाङ ठा़गी ज़ुबु यिहन्‍गे सोङबे येशूगीॱआङ खुङ ल़ेहमुराङ स्‍या दाङ ठा़गी ज़ुबु नोम नाङसीन। ओहले मिहरो राहङॱआङ टोहङ नाङदी दि स्‍यि च्‍य़ूएँगी ओङ थो़क्‍यो ती़ह गो-छ्येवाला तोङ च्‍य़ू नाङसीन