एफिसी 6:9 - ह्योल्‍मो

⁹ ए ताहक्‍पुया़, ओ़हठीॱराङ पेहती ख्‍याया़गीॱआङ राहङगी योक्‍पुया़ला या़हबु पेहतोङ, ओहले खुङया़ला ज्‍यी़-ङोर माहतेन च्‍यिबेमाना ख्‍या ङ्यिकाराङगी ताहक्‍पु स्‍यिहङगामला ज़्‍य़ू नाङदी येह, ओहले मिहरोगी सुॱलाङ ङ्येम्‍बा-ङ्य़ेहरी जे मेहनाङ।

एफिसी 6:9 ပူးပေါင်းရင်းမြစ်များ

मत्ती 22:10

ओहले योक्‍पुया़ लाहमला काहल्‍दी काह च्‍य़ेह सिहन्‍गे, मिह या़हबु चोक्‍पा थाम्‍ज्‍यीलाराङ रूदी ख्‍योङसीन। दि ल़ेहमु पेहती पा़हमाकी खाङबा डोम्‍बोया़गी काहङसीन।”

मत्ती 22:8

“ओ़ह तिङले खोगी येहपाराङ राहङगी योक्‍पुया़ला मासीन, ‘पा़हमागी डेननी ठाबे येह, यिहॱनाङ ङाहगी क़े क्‍याहप्‍क्‍योगी डोम्‍बोया़दी दि डेन साहज्‍येला सी़हज्‍ये मिहन्‍दु।

मत्ती 24:48

का़हलेॱआङ ओ़ह योक्‍पुगी सेम ङ्येहम्‍बा च्‍याङदी, ‘ङाहगी ताहक्‍पु ग्‍यो़बाराङ लो़ह मेहयोहङगे’ म़ेदी

मत्ती 24:51

ओहले खोला ज्‍यिबुराङ ङ्य़ेहबा छ्यिम्‍बु काल्‍ज्‍ये येह ओहले खोला यिहन्‍दो तेन्‍गेनया़गी पाहरक्‍यीला क्‍युर चाहङज्‍ये येह। ओ़हला खो सो मुहर्ती ङी़हदी तेहच्‍ये येह!” म़ेदी येशूगी सुङ नाङसीन।

मत्ती 7:12

“मिहया़गी ख्‍याया़ला दि ल़ेहमु पेह तेर्ना ओहङज्‍ये येहकें म़ेदी सेमला ने़गेन ल़ेहमुराङ ख्‍याया़गीॱआङ खुङया़ला ओ़ह ल़ेहमुराङ पेह तेर, च्‍यिबेमाना दिराङ मोशागी छ्य़े-ठिम दाङ लुहङतेम्‍बाया़गी सुङ नाङग्‍योकी स्‍याहल यिहम्‍बा।”

लूका 6:31

मिहया़गी ङाहला दि ल़ेहमु छ्याप्‍स्‍यी पेह तेर्ना ओहङज्‍ये येहकें म़ेदी राहङगी सेमला ने़गे ल़ेहमु ख्‍येगीॱआङ मिहया़ला पेहतोङ।”

यूहन्‍ना 13:13

ख्‍याया़गी ङाहला लोबेन दाङ चो़वो म़ेदी माएँ, ओ़ह ख्‍यागी ठाबेराङ माक्‍यो यिहम्‍बा च्‍यिबेमाना ङाह ओ़हदीॱराङ यिहन।

ल़ेह-पेन 10:34

ओहले पत्रुसगी ताम माज्‍ये छ़ूसीन, “दि ताम तेहम्‍बाराङ यिहम्‍बा दु किन्‍ज्‍योगी सुॱलाङ ङ्येम्‍बा-ङ्य़ेहरी जे मेहनाङगे।

रोमी 2:11

च्‍यिबेमाना किन्‍ज्‍योगी सुलाॱआङ ङ्येम्‍बा-ङ्य़ेहरी जे मेहनाङगे।

१ कोरिन्‍थी 1:2

कोरिन्‍थी लुहङबाला येहकेन्‍की किन्‍ज्‍योकी छेन्‍छोकला ङ्यिह दि यिहगी प्रुहएँॱराङ येह। मास्‍यीका येशूला नाम्‍पार-ताहक्‍पा काहल्‍ग्‍यो दाङ खुङया़ ङ्याम्‍बु-ङ्याम्‍बुराङ ग्‍या़ थाम्‍ज्‍यीला मास्‍यीकाकी नाम्‍पार-ताहक्‍पा मिह डोज्‍येकी तेहन्‍दाला क़े क्‍याहप नाङग्‍योया़ थाम्‍ज्‍यी, का़हन्‍दी का़हन्‍दीगी चो़वो येशू मास्‍यीकाकी छेनला क्‍याप्‍केन, ओ़ह चो़वो येशू मास्‍यीकाॱराङ ओहराङ दाङ खुङया़की चो़वो यिहम्‍बा:

१ कोरिन्‍थी 7:22

च्‍यिबेमाना किन्‍ज्‍योगी क़े क्‍याहप नाङगेमु का़हन्‍दी मिह लाबु येहकें, ता़ह खो चो़वोला राहङवाङ काहल्‍दी येह। ओ़हठीॱराङ पेहती किन्‍ज्‍योगी क़े क्‍याहप नाङग्‍यो ती़हजीला का़हन्‍दी मिह राहङवाङ येहकें, ता़ह खो मास्‍यीकाकी लाबु काहल्‍दी येह।

कलस्‍सी 3:25

सुगी ल़ेह चोक्‍पा पेहकें खोला ङ्य़ेहबा फो़ज्‍ये येह च्‍यिबेमाना किन्‍ज्‍योगी सुलाॱआङ ङ्येम्‍बा-ङ्य़ेहरी जे मेहनाङगे।

कलस्‍सी 4:1

ए ताहक्‍पुया़, राहङ योक्‍पु-यो़मुया़ला ङ्येम्‍बा-ङ्य़ेहरी माहबेबा पेहती ठिमला ते़बे छ्याप्‍स्‍यी या़हबु पेहतोङ। ख्‍यागीॱआङ स्‍यिहङगामला राहङगी ताहक्‍पु ज़्‍य़ू नाङदी येह माएँ टेहम्‍बा माहच्‍येह।

याकूब 2:13

निङज्‍यी मेहबेकें मिहला किन्‍ज्‍योगी थुज्‍यी ज़ी़ माहनाङबा जेती ठिम ताङ नाङज्‍ये म़ेह। चेवागी ठिमला क्‍याहल ख़ूएँ।

याकूब 2:8

तेहम्‍बाराङ ख्‍याया़गी, “राहङ टोहङरोला राहङला ल़ेहमुराङ चेवा पेहतोङ” म़ेदी नाम्‍पार-ताहक्‍पा सुङरापला प्रुहक्‍योगी किन्‍ज्‍योगी क्‍याहल्‍सीकी ठिमला ची़सीमाना ख्‍याया़गी या़हबुॱराङ ल़ेह पेहक्‍यो यिहम्‍बा।

याकूब 5:4

ख्‍यागी स्‍यिहङला ल़ेह पेहकेन ल़ेहमीया़ला तेर कोहएँगी ले़गा तेर्ती म़ेह। खुङगी ङ्याहङेन पेहक्‍योदी ङ्यिहन्‍दोङ। ख्‍याती तेन्‍दो टू़हगे ल़ेहमीया़ ङुहक्‍योदी वाङज्‍या छ्यिम्‍बु नोम नाङगेन चो़वो छ्येवा किन्‍ज्‍योगी ङ्येन थु लेप सिहन्‍दी येह।