एफिसी 6:6 - ह्योल्‍मो

⁶ मिहया़ला क़ेहनाङ लाहङ च्‍य़ूगेया़ ल़ेहमु मिहगी मी़गी थोङदाङला च्‍यी़राङ ल़ेह या़हबु पेहकें मिहम्‍बा, यिहॱनाङ मास्‍यीकाकी योक्‍पुया़गी ल़ेहमु निङ थाक्‍पालेगीॱराङ किन्‍ज्‍योकी थु-सेम छाङबु पेहतोङ।

एफिसी 6:6 ပူးပေါင်းရင်းမြစ်များ

मत्ती 12:50

च्‍यिबेमाना स्‍यिहङगामला ज़्‍य़ू नाङगेन्‍गी ङाहगी याहपगी का ङ्यिहन्‍गेया़ॱराङ ङाहगी नो़ह, नुहमु दाङ आमा यिहम्‍बा।”

मत्ती 7:21

“ओहले ङाहला, ‘ओ़ चो़वो, ओ़ चो़वो’ माएँगी मिहया़ थाम्‍ज्‍यीराङ किन्‍ज्‍योगी क्‍याहल्‍सीला स्‍य़ूह ङ्युहङज्‍ये म़ेह, स्‍यिहङगामला ज़्‍य़ू नाङगेन्‍गी याहपकी थु ङ्ये़हएँगी ल़ेह पेहकेनया़ च्‍यी़राङ स्‍य़ूह ङ्युहङज्‍ये येह।

मर्कूस 3:35

च्‍यिबेमाना किन्‍ज्‍योगी थु ङ्ये़बागी ल़ेह पेहकेनया़ॱराङ ङाहगी नो़ह, नुहमु दाङ आमा यिहन” म़ेदी सुङ नाङसीन।

रोमी 6:17

ख्‍या तोहङले तिहक्‍पाकी योक्‍पु काहल्‍दी येहकें यिहॱनाङ ताहन्‍दा ख्‍यागी यिह यिहन्‍ज्‍युराङ किन्‍ज्‍योगी लोप नाङग्‍यो लोप्‍च्‍युङया़ ची़गे काहल्‍सीन। दिगी तेहन्‍दाला किन्‍ज्‍योला थुज्‍यी-छ्ये़ फुल्‍गे।

१ कोरिन्‍थी 7:22

च्‍यिबेमाना किन्‍ज्‍योगी क़े क्‍याहप नाङगेमु का़हन्‍दी मिह लाबु येहकें, ता़ह खो चो़वोला राहङवाङ काहल्‍दी येह। ओ़हठीॱराङ पेहती किन्‍ज्‍योगी क़े क्‍याहप नाङग्‍यो ती़हजीला का़हन्‍दी मिह राहङवाङ येहकें, ता़ह खो मास्‍यीकाकी लाबु काहल्‍दी येह।

गलाती 1:10

ङाहगी मिहया़ला क़ेहनाङ लाहङ च्‍य़ूज्‍ये छोल्‍ग्‍यो यिहनॱराङ मिहन ङाहगीनी किन्‍ज्‍योकी थु गा काहसो डो च्‍य़ूज्‍ये छोल्‍ग्‍यो यिहम्‍बा। का़हलेॱआङ ङाहगी तोहरोङॱआङ मिहया़ला क़ेहनाङ लाहङ च्‍य़ूज्‍ये छोल्‍ग्‍यो यिहन्‍सीन मानानी ङाह मास्‍यीकाकी लाबु डोज्‍ये म़ेहबा येहकें।

एफिसी 5:17

ओ़ह सोङबे ख्‍ये उल्‍दुम्‍बा पेहती माहतेह, यिहॱनाङ चो़वोकी थु-सेम च्‍यि यिहम्‍बा, ओ़हदी छोल्‍दोङ।

फिलिप्‍पी 2:12

ए ङाहगी च्‍याहम्‍बु रो़हया़, ङाह ख्‍या ङ्याम्‍बु येहकेंमु ख्‍याया़गी नाहम-माना ङाहती तामया़ ङ्यिहन्‍सीन, यिहॱनाङ ता़ह ङाह ख्‍यालेगी था़-रिहङबु येह ङाह ख्‍या ङ्याम्‍बु मे़हॱनाङ ङाहती तामया़ जेन माहङबु पेहती ची़दोङ ओहले किन्‍ज्‍योकी ज्‍यिक्‍पा खुर्तोङ, दार्ती राहङगी ज़्‍योरक्‍यो थार्पाकी ल़ेह छाङबु पेहच्‍येला तुहक्‍पु पेहतोङ।

कलस्‍सी 1:9

दि केच्‍या थ़े यिहन्‍ज्‍यु ङ्यिह ख्‍यागी तेहन्‍दाला किन्‍ज्‍यो ङ्याम्‍बु नाहम-माना सोल्‍वाङ ताप्‍ती ओहर-छ्य़े स्‍युहएँराङ येहबा। नाम्‍पार-ताहक्‍पा थुगी नाङगे थाम्‍ज्‍यीराङ येहन्‍देन दाङ ह्‍अ कोह ख़ूएँगी ओङ लाहमले ख्‍यागी किन्‍ज्‍योकी थु-सेम ङोह स्‍य़े ख़ूज्‍यु म़ेदी ङ्यिहगी सोल्‍वाङ ताप्‍को येहबा।

कलस्‍सी 4:12

ख्‍या नाहङदीॱराङ नो़ह मास्‍यीका येशूगी योक्‍पु इपाफ्रासगीॱआङ ख्‍याया़ला टास्‍यी-देले ताङदे येह। खोगी नाहम्‍माॱनाङ ख्‍याला सोल्‍वाङला टेहम्‍बा साल्‍दी ख्‍या किन्‍ज्‍योला सान्‍दी डो ख़ूज्‍यु, यिह-छ्य़ेला च्‍यिप्‍क्‍यो ओहङ ख़ूज्‍यु ओहले काया़ ची़ ख़ूज्‍यु म़ेदी कादुप च्‍येती सोल्‍वाङ ताप्‍को येह।

१ थेसलोनिकी 2:4

यिहॱनाङ लेहङगु या़हबु चि क्‍याहप्‍च्‍येला किन्‍ज्‍योगी ओहराङला यिह-छ्य़ेबु ज़ी़ नाङसीन। ओ़ह सोङबे मिहया़ला क़ेहनाङ लाहङ च्‍य़ूज्‍येला मिहम्‍बा, यिहॱनाङ ओहराङगी सेम ज़ी़ नाङगेन किन्‍ज्‍योकी थु काहसो ज़ोज्‍येला ङ्यिह किन्‍ज्‍योला थु-ङ्ये़हएँकी तामया़ माउ येह।

१ थेसलोनिकी 4:3

ख्‍या फ़ेबे-म़ेहमेॱया नाम्‍पार-ताहक्‍पा ओहङ कोहकें म़ेदी किन्‍ज्‍योगी थुसेम जे नाङगे, ओ़ह सोङबे ख्‍या फ़ेबे-म़ेहमेॱया छ्येउ-छ्येंमु ङो़ले था़-रिहङबुराङ ज़्‍य़ू नाङदोङ।

हिब्रू 10:36

किन्‍ज्‍योकी थु-सेम छाङबु पेहच्‍येला ओहले मिहरोगी ताहम्‍ज्‍या ज़्‍या़ नाङग्‍योकी केच्‍याया़ ज्‍योर्च्‍येला ख्‍या थिक-चि पेहती कू़हदी तेहतोङ।

हिब्रू 13:21

ख्‍याया़ला नामे-नाजो या़हबु गीनया़गी छाङबु ज़ो नाङज्‍यु, ओहले ख्‍याया़गी मिहरोगी थु-सेम तेहन्‍दा डुप च्‍य़ू ख़ूज्‍यु। ख्‍याया़गी मिहरोला थु ङ्ये़एँगी ल़ेह पेह ख़ूज्‍यु म़ेदी येशू मास्‍यीका लाहमले मिहरोगी ख्‍याया़गी सेमला छ्या़ले जे नाङज्‍यु। नाहम्‍स्‍यी किन्‍दु येशू मास्‍यीकाकी ज़िज्‍यिद ओहङज्‍यु।

१ पत्रुस 2:15

च्‍यिबेमाना उल्‍दुम्‍बा मिहया़गी ङोह मा़हस्‍येबा पेहती माक्‍यो तामया़ ख्‍यागी पेहक्‍योगी या़हबु ल़ेहया़ लाहमलेॱराङ खुङया़ला खाजुम तेहच्‍यु ख़ू कोहएँ म़ेदी किन्‍ज्‍योकी थु-सेम जे नाङगे यिहम्‍बा।

१ पत्रुस 4:2

दि ल़ेहमु पेहती खोगी राहङगी मिहलीकी ओहङगेन ती़हजीया़ला येहपाराङ मिहगी सेमला ने़जेबाकी चोक्‍पा लाहमया़ला खो स्‍य़ूहदी डोज्‍ये म़ेह, यिहॱनाङ खोगी किन्‍ज्‍योगी थु ङ्ये़बाकी मिहजी ताङज्‍ये येह।

१ यूहन्‍ना 2:17

जाम्‍बुलीङ दाङ जाम्‍बुलीङगी चोक्‍पा सेम्‍बाया़ थाम्‍ज्‍यीराङ तोङदी डोज्‍ये येह, यिहॱनाङ किन्‍ज्‍योगी थु ङ्ये़बाकी ल़ेह पेहकें मिहया़ नाहम्‍स्‍यी किन्‍दुॱराङ लिहच्‍ये येह।