एफिसी 6:18 - ह्योल्‍मो

¹⁸ किन्‍ज्‍योगी रो़हराम जे नाङज्‍यु म़ेदी ख्‍याया़गी नाहम्‍माॱनाङ सोल्‍वाङ ताप्‍तोङ। ती़हजी थाम्‍ज्‍यीला नाम्‍पार-ताहक्‍पा थुगी ओङ लाहमले सोल्‍वाङ ताप्‍तोङ। दि केच्‍या सेमला ज़्‍या़दी नाहम्‍माॱनाङ जेम्‍बु पेहती सोल्‍वाङ ताप्‍तेॱराङ तेहतोङ ओहले मास्‍यीकाकी थाम्‍ज्‍यीराङ नाम्‍पार-ताहक्‍पा मिहया़की तेहन्‍दालाॱआङ सोल्‍वाङ ताप्‍तोङ।

एफिसी 6:18 ပူးပေါင်းရင်းမြစ်များ

मत्ती 17:21

[“यिहॱनाङ ओ़ह ल़ेहमु ल्‍हेन्‍डीदी सोल्‍वाङ दाङ ङ्युङने तेहती च्‍यी़राङ तेन ख़ूएँ।”]

मत्ती 26:41

“ङ्यि मा़हलोहबा पेहती तेह, सोल्‍वाङ ताप्‍तोङ, ओहले ङ्याहम्‍छेला माहछ्यीज्‍यु। तेहम्‍बाराङ ख्‍याया़गी सेमनी तुहक्‍पु पेहच्‍येॱलाङ ठाबे येह, यिहॱनाङ ज़ुबुगी ला़ मेहखा दु!” म़ेदी सुङ नाङसीन।

मर्कूस 13:33

ओ़ह सोङबे ख्‍या जेम्‍बु पेहती ङ्यी़ छेती तेहतोङ च्‍यिबेमाना ओ़ह ती़हजी नाहम लेप्‍कें म़ेदी ख्‍यागी ह्‍अ मेहकोहएँ।

मर्कूस 14:38

ङ्याहम्‍छेला माहछ्यीज्‍यु म़ेदी ख्‍या ङ्यि मा़हलोहबा पेहती सोल्‍वाङ ताप्‍तोङ। सेम नि तेहम्‍बाराङ ठाबे दु, यिहॱनाङ ज़ुबुदी मा-फाम्‍बु दु” म़ेदी येशूगी सुङ नाङसीन।

लूका 21:36

ओ़ह सोङबे जेम्‍बु पेहती तेहतोङ, दि ज्‍यिक्‍पा थाम्‍ज्‍यी ङो़ले थार्ते ख्‍या मिहगी स़ेबुगी दिनला मा़हन्‍ज्‍यीबा पेहती लाहङ ख़ूज्‍यु म़ेदी नाहम-माना किन्‍ज्‍योला सोल्‍वाङ ताप्‍ती तेहतोङ!” म़ेदी येशूगी सुङ ख्‍येप्‍टा नाङसीन।

लूका 22:46

ओहले येशूगी, “ख्‍या च्‍यिबे ङ्यि लो़हदी तेहक्‍यो? ङ्याहम्‍छेला माहछ्यी च्‍यू़ज्‍यु म़ेदी लाहङदी सोल्‍वाङ ताप्‍तोङ!” म़ेदी सुङ नाङसीन।

लूका 3:26

नग्‍गैगी आबा माथ, माथगी आबा मत्ताथियास, मत्ताथियासगी आबा सेमैन, सेमैनगी आबा योसेख, योसेखगी आबा योदा,

लूका 3:37

लेमेखगी आबा मतूशेलह, मतूशेलहगी आबा हनोक, हनोकगी आबा येरेद, येरेदगी आबा महलालेल, महलालेलगी आबा केनान,

ल़ेह-पेन 1:14

ओहले खुङ फ़ेबेॱया लेहमेन आज्‍यी-नुहमुया़ ओहले येशूगी आमा मरियम दाङ, येशूगी नो़हया़ ङ्याम्‍बु जोम्‍दी सेम च्‍यी़ डी़दी नाहम्‍माॱनाङ किन्‍ज्‍योला सोल्‍वाङ ताप्‍ती तेहको येहकें।

ल़ेह-पेन 10:2

खो दाङ खोगी म़ेहमे थाम्‍ज्‍यीगीराङ किन्‍ज्‍योला म़ेहबा पेहती किन्‍ज्‍योगी ज्‍यिक्‍पाला तेहको येहकें। कर्नेलियसगी प्राङबु मिहया़ला सेम काहसो पेहती रो़हराम पेहको येहकें ओहले खो नाहम-माना किन्‍ज्‍योला सोल्‍वाङ ताप्‍को येहकें।

ल़ेह-पेन 12:5

दि ल़ेहमु पेहती पत्रुसला चोन-खाङ नाहङला ज़्‍या़सीन, यिहॱनाङ पत्रुसगी तेहन्‍दाला छेन्‍छोकगी किन्‍ज्‍यो ङ्याम्‍बु स्‍युक छ्यिम्‍बु पेहती सोल्‍वाङ ताप्‍ते तेहती येहकें।

ल़ेह-पेन 6:4

ओहले ङ्यिहया़दी सोल्‍वाङ दाङ लुहङ स्‍येकेन्‍गी ल़ेहला स्‍य़ूहगे।”

रोमी 12:12

राहङ रेहवाला काहसो पेह, तुहक्‍पु-तुहङालला ना़स्‍यीङ छ्यिम्‍बु पेहतोङ, सोल्‍वाङ ताप्‍तेॱराङ तेहतोङ।

रोमी 8:15

च्‍यिबेमाना ख्‍येला योक्‍पु ज़ोएँकी ओ़ह नाम्‍स्‍यी नाङदी म़ेह, का़हन्‍दीगी ख्‍येला येहपाराङ ज्‍यी़सु ङो़ले ख्‍येर्के, यिहॱनाङ ख्‍येला राहङदीराङ पुह-पोहमो ज़ोएँकी नाम्‍पार-ताहक्‍पा थु नाङदी येह। दि लाहमलेॱराङ ओहराङगी किन्‍ज्‍योला “अब्‍बा, आबा” म़ेदी क़े क्‍याहप्‍केन।

गलाती 4:6

ओहराङ किन्‍ज्‍योदीॱराङ छार्क्‍यीन यिहम्‍बा म़ेदी तेन्‍ज्‍येला किन्‍ज्‍योगी राहङ स़ेबुकी थु ओहराङगी लोला ताङ नाङसीन। ओहले ओ़ह थुगीॱराङ ओहराङ लो लाहमले “ओ़ अब्‍बा, ओ़ याहप,” म़ेदी क़े क्‍याहप नाङगे यिहम्‍बा।

एफिसी 1:16

ओ़ह सोङबे ङाह सोल्‍वाङ ताप्‍कें टाहङमाराङ ख्‍याया़ला टेहम्‍बा साल्‍दी किन्‍ज्‍योला नाहम्‍माॱनाङ थुज्‍यी-छ्ये़ फुल्‍गे।

एफिसी 2:22

ख्‍या मास्‍यीका ङ्याम्‍बु च्‍यी़राङ डी़दी ज़्‍याङगेनॱराङ पेहक्‍योकी ज़िम्‍गाङला नाम्‍पार-ताहक्‍पा थु लाहमले किन्‍ज्‍यो ओ़ह ज़िम्‍गाङला ज़्‍य़ू नाङज्‍ये येह।

एफिसी 3:18

मास्‍यीकाकी नाम्‍पार-ताहक्‍पा मिहया़ ङ्याम्‍बु स्‍याहङ, रिहङबु, थुम्‍बु ओहले तिहङ रिहङबु च्‍यि दुबा ओ़ह ङोह स्‍य़े ख़ूएँगी ओङ ज्‍योर ख़ूज्‍यु,

एफिसी 3:8

मास्‍यीकाकी नाम्‍पार-ताहक्‍पा मिहया़ नाहङला ङाह थाम्‍ज्‍यी म़ेदी फेनराङ मे़हथोएँ येहॱनाङ मिहकी नावागी ङोहॱराङ स्‍य़े मी़हखुएँ मिहरोकी क्‍युहकी या़हबु लेहङगु लेहमेन क्‍यिहपाकी मिहया़ला स्‍येकेन्‍गी काटीन किन्‍ज्‍योगी ङाहला नाङसीन।

एफिसी 6:19

ङाहगी तेहन्‍दालाॱआङ सोल्‍वाङ ताप तेर। ङाहगी ताम माज्‍ये पेहकेमु किन्‍ज्‍योगी ङाहला मिहरोगी सुङ नाङज्‍यु, ओहले ङाहगी तिहङ-रिहङबुगी लेहङगु या़हबुया़ मा़हन्‍ज्‍यीबा पेहती स्‍य़े ख़ूज्‍यु।

फिलिप्‍पी 1:4

नाहम-माना ख्‍या थाम्‍ज्‍यीगी तेहन्‍दाला सोल्‍वाङ ताप्‍केमु ङाह क़ेहनाङ पेहती सोल्‍वाङ ताप्‍कें,

फिलिप्‍पी 4:6

च्‍यि से़हगी तेहन्‍दालाॱआङ तुहङाल माहबे, यिहॱनाङ ख्‍याला च्‍यि कोहपु काहल्‍दी येहबा ओ़हगी तेहन्‍दाला किन्‍ज्‍यो ङ्याम्‍बु सोल्‍वाङ ताप्‍तोङ ओहले थुज्‍यी-छ्ये़ फुल्‍दी ओहर-छ्य़े स्‍यी़हदोङ।

कलस्‍सी 1:3

ख्‍याया़गी तेहन्‍दाला सोल्‍वाङ ताप्‍केमु ङ्यिह राहङगी चो़वो येशू मास्‍यीकाकी याहप किन्‍ज्‍योला नाहम-माना थुज्‍यी-छ्ये़ फुल्‍गो येह।

कलस्‍सी 1:4

च्‍यिबेमाना मास्‍यीका येशूला येहकेन्‍गी ख्‍याया़गी तेहपा दाङ किन्‍ज्‍योकी नाम्‍पार-ताहक्‍पा मिहया़ थाम्‍ज्‍यीलाराङ ख्‍याया़गी पेहक्‍यो चेवागी तेहन्‍दाला ङ्यिहगी थे़दी येह।

कलस्‍सी 4:2

ख्‍या जेम्‍बु पेहती थुज्‍यी-छ्ये़ फुल्‍दी सोल्‍वाङ ताप्‍तेॱराङ तेहतोङ।

१ थेसलोनिकी 5:17

नाहम पेहॱनाङ सोल्‍वाङ ताप्‍तोङ।

१ तिमोथी 2:1

ता़ह थाम्‍ज्‍यी म़ेदी तोहङले ङाह माएँ, मिह थाम्‍ज्‍यीगी तेहन्‍दाला किन्‍ज्‍योला ङ्येम्‍बु पेहती पी़मु च़ूदी स्‍यी़हदोङ, सोल्‍वाङ ताप्‍तोङ, निङ थाक्‍पा यिहन्‍ज्‍युराङ ओहर-छ्य़े स्‍यी़हदोङ ओहले दि थाम्‍ज्‍यीगी तेहन्‍दाला थुज्‍यी-छ्ये़ फुल्‍दोङ।

२ तिमोथी 1:3

दार-च्‍यी़राङ ङाह राहङगी सोल्‍वाङया़ला ख्‍येला टेहम्‍बा साल्‍दी किन्‍ज्‍योला थुज्‍यी-छ्ये़ फुल्‍गो येह। ओहले ओ़ह किन्‍ज्‍योलाॱराङ ङाहगी आख्‍ये मे़हमेया़गी काह-ठि पेहती स्‍याहप्‍तो स्‍युह नाङबा ओ़हठीॱराङ पेहती ङाहॱआङ नावा चाङमा थो़दी स्‍याहप्‍तो स्‍युहउ येह।

फिलेमोन 1:5

च्‍यिबे मासीमाना चो़वो येशू थो़ला ख्‍येगी पेहक्‍योगी तेहपागी तेहन्‍दाला ओहले थाम्‍ज्‍यी किन्‍ज्‍योकी मिहला ख्‍येगी चेवा पेहकु दु माएँ ताम ङाहगी थे़दी येह।

हिब्रू 5:7

येशू राहङगी मिहगी मिहली नोम नाङगेमु राहङला स्‍यिएँगी ओङलेगी थार च्‍य़ू थुप्‍केन किन्‍ज्‍यो ङ्याम्‍बु स्‍योम्‍दी मिज्‍यु ताङगेराङ सोल्‍वाङ ताप नाङसीन। मास्‍यीकाकी दि रोहवा स्‍यिहवा दाङ किन्‍ज्‍योला क्‍याप्‍क्‍यो ज़ी़दी किन्‍ज्‍योगी मिहरोगी सोल्‍वाङ सेन नाङसीन।

१ पत्रुस 4:7

ता़ह ना थाम्‍ज्‍यी तोङदी डोएँगी ती़हजी पोहलाराङ लेप सिहन्‍दी येह। ओ़ह सोङबे राहङगी सोल्‍वाङकी तेहन्‍दाला राहङ सेम थिक-चिला ज़्‍या़दी जेम्‍बु पेहती तेहतोङ।

यहूदा 1:20

यिहॱनाङ ए ङाहगी च्‍याहम्‍बु रो़हया़या़, ख्‍या फ़ेबे-म़ेहमेॱयाती नाम्‍पार-ताहक्‍पा यिह-छ्य़ेला जेन-जेन याहरक्‍यी पेहती सोङ ओहले नाम्‍पार-ताहक्‍पा थुगी ओङ लाहमले सोल्‍वाङ ताप्‍तोङ।