एफिसी 6:14 - ह्योल्‍मो

¹⁴ ओ़ह सोङबे ता़ह ठाबे पेहती लाहङदी तेहतोङ। तेहन्‍दामला कारा ल़ेहमुराङ पेहती क्‍येपाला च्‍यिङदोङ, प्राहङगोला टाहङदेनकी ठाब केहन्‍दोङ।

एफिसी 6:14 ပူးပေါင်းရင်းမြစ်များ

लूका 12:35

ओ़ह तिङले येशूगी सुङ नाङसीन, “ख्‍या कारा च्‍यिङदी स्‍याहप्‍तो स्‍य़ूहज्‍येला ठाबे पेहते तेहतोङ ओहले ख्‍याया़गी लो पार्ते ज़्‍या़दोङ।

रोमी 13:12

नुहप टाहल सिहन्‍सीन, ओहले ङ्यिहमा पोहलाराङ लेप सिहन्‍दी येह। ओ़ह सोङबे ना़-जुबेकी ल़ेहया़ क्‍युर्ती ता़ह ओहराङ येहसेरकी छेन्‍ज्‍याया़ थो़ कोहएँ।

२ कोरिन्‍थी 6:7

ओहले तेहन्‍दामकी लेहङगु दाङ किन्‍ज्‍योगी ओङला, योबा दाङ योमा ङो़ले टाहङदेनकी छेन्‍ज्‍याया़ थो़गे,

एफिसी 5:9

च्‍यिबेमाना क्‍या-साङेकी लाहमला डोएँ मिहया़गी नामे-नाजो ल़ेह या़हबुया़ पेहकें, खो टाहङदेन दाङ तेहन्‍दाम ओहङगे।

एफिसी 6:13

ओ़ह सोङबे ख्‍याया़गी किन्‍ज्‍योकी नाङग्‍यो थाम्‍ज्‍यी छेन्‍ज्‍याया़ केहन्‍दोङ, ओहले दि ल़ेहमु पेहती ख्‍याया़गी ङ्यिहमा चोक्‍पाला ओहराङगी टाह ती़ह गो-छ्येवा च्‍योम ओहङगेमु खोला का ख़ूज्‍ये येह ओहले ख्‍ये तिङ थुराङ मा़ क्‍याहप्‍ती लाहङदी तेह ख़ूज्‍ये येह।

१ थेसलोनिकी 5:8

यिहॱनाङ ओहराङदी ङ्यिहमागी छार्क्‍यीन यिहन्‍गे सोङबे ओहराङ जेम्‍बु पेह कोहकें। ओहराङगी तेहपा दाङ चेवाकी कू़हगे स़ेह प्राहङगोला केहन कोहकें ओहले स्‍याहमु ल़ेहमु पेहती थार्पाकी रेहवाला केहन कोहकें।

१ पत्रुस 1:13

ओ़ह सोङबे ल़ेह पेहच्‍येकी तेहन्‍दाला ख्‍यागी सेम ठाबे ओहङ कोहएँ ओहले राहङगी सेम थिक-चिला ज़्‍या़ कोहएँ। येशू मास्‍यीका फेप नाङगेमु ज्‍योर्केन्‍गी काटीनलाॱराङ ख्‍या सेम तिहङ यिहन्‍ज्‍यु म़ेहबा पेहती तेहतोङ।

ज्‍याल्‍गा 9:17

ङाहगी ज्‍याल्‍गाला थोङग्‍योकी ताबु दाङ ताबु थो़ला स्‍येहन्‍गेन्‍गी मिहया़ दि ल़ेहमु येहकें: खुङ प्राहङगोला येहकेन्‍गी ठाबया़ मेह ल़ेहमु माहर्मु, ओहले नीलम ल़ेहमु थीङ्गा ओहले मेहलो ल़ेहमु सेर्पु येहकें। ताबुया़की गो़ सिङग्‍यीकी गो़ ल़ेहमु येहकें ओहले खुङया़की खाले मेह, तिहपा दाङ मेहलो थेन्‍गो येहकें।

ज्‍याल्‍गा 9:9

खुङया़की प्राहङगो च्‍या़गी ठाबया़ ल़ेहमु थोङगेन से़हया़गी उप्‍ते येहकें ओहले खुङया़की स्‍योक्‍पागी क़ेदी मा़ क्‍याहप्‍के ग्‍या़ला छ्योङगेन्‍गी माहङबुराङ कोरखाङया़ दाङ ताबुया़गी स्‍यिङता-खोर्लोया़की क़े ल़ेहमुराङ येहकें।