एफिसी 6:12 - ह्योल्‍मो

¹² च्‍यिबेमाना ओहराङगी मिह ङ्याम्‍बु मा़ क्‍याहप्‍के मिहम्‍बा यिहॱनाङ स्‍यिहङगाम दाङ जाम्‍बुलीङकी पाहरक्‍यीला ल़ेह ङ्येहम्‍बा पेहकेन्‍गी नाम्‍स्‍यीया़, ठिम ताङगेन्‍की पोम्‍बोया़, ओङज्‍या छ्यिम्‍बु ज्‍योरक्‍योया़, ओहले दि ना़-जुबे जाम्‍बुलीङकी वाङज्‍या छ्यिम्‍बुया़ ङ्याम्‍बु यिहम्‍बा।

एफिसी 6:12 ပူးပေါင်းရင်းမြစ်များ

मत्ती 16:17

येशूगी सुङ नाङसीन, “ए योनाकी पुह सिमोन, ख्‍ये काहजे सोनाम-साक्‍पु! दि केच्‍या ख्‍येगी स्‍या दाङ ठा़ लाहमले पेहती माक्‍यो मिहम्‍बा, दिनी स्‍यिहङगामला ज़्‍य़ू नाङगेन्‍गी ङाहगी किन्‍ज्‍यो याहपगीॱराङ ख्‍येला क्‍यी़ह ज्‍योर च्‍य़ू नाङग्‍यो यिहम्‍बा।

मर्कूस 4:19

यिहॱनाङ दि जाम्‍बुलीङगी तुहङाल, क्‍युह-नोहरगी चेवा ओहले ओ़ह ल़ेहमुराङ से़हया़ला सेम ग्‍युर्ती ओ़ह सुङदेन तोर्ती डोएँ ओहले बुदी च्‍यिॱआङ मे़हयाहएँ।

लूका 13:24

ओहले येशूगी सुङ नाङसीन, “स्‍याहङ फेमागी कोह लाहमले नाहङला स्‍य़ूहज्‍येला निङरु पेहतोङ। ङाहगी ख्‍याला माएँ, मिह माहङबुराङ ओ़ह स्‍याहङ फेमागी कोह लाहमले नाहङला स्‍य़ूहज्‍ये छोल्‍ज्‍ये येह, यिहॱनाङ स्‍य़ूह ख़ूज्‍ये म़ेह।

लूका 22:53

ङ्यिहमा-टाहङमाराङ ङाह ख्‍या ङ्याम्‍बुराङ छ्योखाङगी यिल्‍दोला तेहकेमुनी ख्‍यागी ङाहला माहजु़ङ ले! यिहॱनाङ ता़ह ख्‍याया़गी ल़ेह पेहकेन्‍गी ती़हजी लेप्‍सीन ओहले ता़ह ना़-जुबेगी ओङ पेहकें।”

यूहन्‍ना 12:31

ता़ह दि जाम्‍बुलीङला ठिम ताङगेन्‍गी ती़हजी लेप सिहन्‍सीन। ता़ह दि जाम्‍बुलीङला ओङ छ्य़ेगे ती़ह गो-छ्येवाला फिला तेन्‍ज्‍ये येह।

यूहन्‍ना 14:30

ता़ह ङाह ख्‍या ङ्याम्‍बु ताम माहङबु मेहमाएँ, च्‍यिबेमाना दि जाम्‍बुलीङला ओङ छ्य़ेएँगी क्‍याहल्‍बु ओहङगेॱराङ येह। यिहॱनाङ खोगी ङाहला च्‍यिॱआङ पेह मी़हखुएँ।

यूहन्‍ना 16:11

ओहले ठिमगी तेहन्‍दाला, च्‍यिबेमाना दि जाम्‍बुलीङला ओङ छ्ये़गेन्‍दीला ङ्य़ेहबा फो़ सिहन्‍दी येह।”

ल़ेह-पेन 26:18

‘ख्‍येगी खुङया़गी मी़ खा फ़ेदी खुङया़ला ना़-जुबेलेगी क्‍या-साङेला ओहले ती़ह गो-छ्येवागी ओङलेगी किन्‍ज्‍यो ङो़ले लोह च्‍य़ू कोहएँ ओहले खुङया़गी ङाहला तेहपा पेहच्‍ये येह ओहले खुङया़गी तिहक्‍पा ता़हज्‍ये येह ओहले खुङया़गी किन्‍ज्‍योगी दाम नाङग्‍योगी मिहया़गी छोक्‍पाला तेह ङ्युहङज्‍ये येह।’

रोमी 8:38

च्‍यिबेमाना ङाहला दि या़हबु पेहती क्‍यी़ह येह, च्‍यि से़हगीॱआङ मास्‍यीकाकी चेवालेगी ओहराङला खा फे़ मी़हखुएँ। ओ़ह स्‍यिवागी यिहॱना़ यिहन, मिहलीगी यिहॱना़ यिहन, स्‍यिहङगामगी स्‍याहप्‍च्‍यीया़गी यिहॱना़ यिहन, ती़ह गो-छ्येवागी यिहॱना़ यिहन, ताहन्‍दागी तामया़गी यिहॱना़ यिहन, तिङला ओहङगेन्‍गी तामया़गी यिहॱना़ यिहन, ओङज्‍याया़गी यिहॱना़ यिहन,

१ कोरिन्‍थी 15:50

आदा नो़ह दाङ आज्‍यी-नुहमुया़, ङाहगी माज्‍ये छोल्‍ग्‍यो ताम दिराङ यिहम्‍बा, स्‍या दाङ ठा़गी किन्‍ज्‍योगी क्‍याहल्‍सीला स्‍य़ूहज्‍येला ओङ ज्‍योर मी़हखुएँ। ओहले तोहङदी डोएँ ज़ुबुगी नाहमॱआङ मेहतोङगेन ज़ुबुगी ओङ ज्‍योर मी़हखुएँ।

२ कोरिन्‍थी 11:14

यिहॱनाङ, दि याहम्‍जेम्‍बागी ताम मिहम्‍बा, च्‍यिबेमाना ती़ह गो-छ्येवागीॱआङ स्‍यिहङगामकी स्‍याहप्‍च्‍यीकी चुहम्‍रुल ची़हदे येहसेर क्‍याहप्‍ती येहपा छ्या़गे।

२ कोरिन्‍थी 4:4

खुङया़गी तेहन्‍दाला माज्‍ये माना, दि जाम्‍बुलीङकी ल्‍हागी खुङगी ङोह स्‍य़े ख़ूएँगी ओङला स्‍याहर्ना जे तेर्ती येह। किन्‍ज्‍योगी ङ्य़ेहरीला मास्‍यीका ज़्‍य़ू नाङदी येह, मिहरोगी ज़िज्‍यिदगी या़हबु लेहङगु खुङया़गी माहथोङज्‍यु म़ेदी दि जाम्‍बुलीङगी ती़ह गो-छ्येवागी खुङया़गी मी़ का तेरक्‍यो येहबा।

गलाती 1:16

लेहमेन क्‍यिहपाया़गी पाहरक्‍यीला मिहरोकी तेहन्‍दाला स्‍येच्‍येला राहङगी स़ेबु ङाह थो़ला तेन नाङज्‍येला मिहरोला या़हबु ऩेसीन ओहजेला ङाहगी सु ङ्याम्‍बुॱआङ टी़हदाप माहबे।

एफिसी 1:21

थाम्‍ज्‍यी ठिम ताङगेया़, ओङ छ्य़ेगेया़, वाङज्‍या दाङ क्‍याहल्‍सी, ओहले दि छेला च्‍यी़राङ मिहम्‍बा, यिहॱनाङ ओहङगेन्‍गी काल्‍बालाॱआङ काहजे मिहन थो़क्‍योया़ येहबा, ओ़ह थाम्‍ज्‍यी थो़ला मास्‍यीकागी ओङ छ्य़े नाङज्‍ये येह।

एफिसी 1:3

ओहराङगी चो़वो येशू मास्‍यीकाकी किन्‍ज्‍यो दाङ याहपला थुज्‍यी-छ्ये़! मिहरोगी येशू मास्‍यीका लाहमले ओहराङला स्‍यिहङगामकी ग्‍या़या़ला ना थाम्‍ज्‍यीगी यिहक्‍तेन मेलामया़ नाङदी येह।

एफिसी 2:2

ओ़ह ती़हजीला ख्‍याया़ दि जाम्‍बुलीङकी छ्यालुला त़ेदी राहङगी डोलु-तेहलु पेहको येहकें ओहले नामला ओङ छ्य़ेगे ताहक्‍पुला ची़उ येहकें। किन्‍ज्‍योला मी़हचीगे मिहया़ला खोगीराङ ताहन्‍दा राहङगी ओङ चो़ला ज़्‍या़दी येहबा।

एफिसी 3:10

दि ल़ेहमु पेहती छेन्‍छोक लाहमले किन्‍ज्‍योकी नामे-नाजो येहन्‍देनया़ स्‍यिहङगामकी ग्‍या़या़ला ठिम तेन्‍गेया़ दाङ ओङ ज्‍योरक्‍योया़की पाहरक्‍यीला तेन ख़ूज्‍यु।

कलस्‍सी 1:13

मिहरोगी ओहराङला ना़-जुबेकी क्‍याहल्‍सीलेगी खा फे़ नाङसीन, ओहले राहङगी चेवा जे नाङग्‍योकी स़ेबुकी क्‍याहल्‍सी नाहङला ओहराङला पो नाङसीन।

कलस्‍सी 2:15

ओहले ओ़ह क्‍याहङस्‍यीङला मास्‍यीकागी, नाम्‍स्‍यीला ओङ छ्य़ेएँगी स्‍युक छ्यिम्‍बु दाङ वाङज्‍या छ्यिम्‍बु थो़क्‍योया़ला फाम च्‍य़ू नाङदी ओ़ह थाम्‍ज्‍यी थो़ला क्‍याहल नाङसीन। ओहले मिहरोगी खुङया़ला मिह थाम्‍ज्‍यीगी थोङदाङला आब्रु तेन नाङसीन।

२ तिमोथी 2:5

चेमु चेएँ ग्‍या़ला ठिमला ते़बेकी चेमु मे़हचेसीमाना का़हन्‍दीॱआङ चेमु चेएँ मिहगी च्‍याहगा ज्‍योर मी़हखुएँ।

हिब्रू 12:1

ओहराङ देजे माहङा मिह पाङबुया़गी पाहरक्‍यीला येहकें सोङबे ओहराङ डोएँगी लाहमला का़ज्‍ये छोल्‍गेन्‍गी से़हया़ ओहले ओहराङला कोहल च्‍य़ूगेन्‍गी तिहक्‍पाया़ला ओहराङगी क्‍युर कोहएँ ओहले ओहराङ थाक-ताङदी किन्‍ज्‍योगी ते़ च्‍यू़ नाङग्‍योगी ग्‍या़ ङो़ले छ्योङ कोहएँ।

हिब्रू 12:4

तिहक्‍पा थो़ला क्‍याहल्‍ज्‍ये छोल्‍गेमु ख्‍यागी राहङगी ज़ुबुराङ तोर कोहएँगी छ्यालानी माहलेप येह ले।

१ पत्रुस 3:22

मिहरो स्‍यिहङगामला फेप नाङसीन ओहले स्‍यिहङगामकी स्‍याहप्‍च्‍यीया़, ओङ छ्य़ेगेया़ दाङ ओङज्‍याया़ला राहङगी ओङ चो़ला ज़्‍या़दी किन्‍ज्‍योकी योबा ङो़ले ज़्‍य़ू नाङदी येह।