एफिसी 6:10 - ह्योल्मो10 ता़ह ज्युक्स्योलला, ख्या चो़वोला ओहले मिहरोगी ओङज्या छ्यिम्बुला स्युक छ्यिम्बु पेहती तेहतोङ। အခန်းကိုကြည့်ပါ။ |
एफिसी 6:10
30 ပူးပေါင်းရင်းမြစ်များ
ज्युक्स्योलला आदा-नो़ह दाङ आज्यी-नुहमुया़, ता़ह ङाहला कोहङबा नाङदोङ। टाहङबु मिहजी ताङदोङ। क़ेहनाङ पेहतोङ! ङाह ख्याला ओहर-छ्य़े स्युहउ येह, च्यी़गी च्यी़ला आ़र क्ये च्य़ूदोङ। च्यी़गी च्यी़ला माक्यो तामया़ ङ्यिहन्दोङ ओहले सेम लो तेहमु पेहती तेहतोङ। ओहले स्य़िहदे दाङ चेवा जे नाङगे किन्ज्यो ख्या ङ्याम्बु ज़्य़ू नाङज्ये येह।
ज्युक्स्योलला आदा-नो़ह दाङ आज्यी-नुहमुया़, का़हन्दी ताम तेहम्बा येहबा ओहले चा़ पेहच्येला सी़हएँदी येहबा ओ़ह से़हला सेम ताङदोङ। का़हन्दी स़ेह ठिमला ते़बे या़हबु येहबा, चाङमा येहबा, चेवा पेहच्येला सी़हज्ये येहबा, चा़ छ्यिम्बु येहबा ओहले क्या़ज्येला सी़हज्ये येहबा ओ़ह से़हया़ला सेम ताङदोङ।
लुहङ तेर्केन्की काबाप ज़्योरक्यो मिहगी किन्ज्यो लाहमलेॱराङ लुहङ तेर्च्यु। स्याहप्तो स्युहएँ मिहगी किन्ज्योगी ओङ लाहमले स्याहप्तो स्युहज्यु। ओ़ह ल़ेहमु पेहती ल़ेह थाम्ज्यीला येशू मास्यीका लाहमले किन्ज्योलाॱराङ ज़िज्यिद ओहङज्यु। मिह-रो़हलाॱराङ ज़िज्यिद दाङ ओङ नाहम्स्यी किन्दु ओहङज्यु! आमेन।
थाम्ज्यी काटीनकी किन्ज्योगी मास्यीकाला यिह-छ्य़े नाङदी राहङदी नाहमॱआङ मिहसीहन्गेन्गी ज़िज्यिद नाङज्येला ख्याया़ला क़े क्याहप नाङदी येह। ख्यागी ङ्यिहमा तोबाज्यी तुहक्पु खुर फान्ज्यो मिहरोगीॱराङ ख्याया़ला येहपाराङ साम्बा ज़ो नाङज्ये येह, ओहले ख्यागी सेम थिक-चिला ज़्या़दी ओङज्या छ्यिम्बु ज़ो नाङज्ये येह ओहले ब्राम सान्दी तिङग्यो ग्या़ला ज़्या़ नाङज्ये येह।
ए पेहजा फेमाया़ ख्यागी किन्ज्यो याहपला ङोह स्य़ेदी येहबा। ओ़ह सोङबेॱराङ ङाहगी ख्याया़ला दि ताम प्रुहक्यो यिहम्बा। ए आबाया़, ख्या फे़बेया़गी छ़ूगे यिहन्ज्युराङ ज़्य़ू नाङगेन मास्यीकाला ङोह स्य़ेदीॱराङ येह। ओ़ह सोङबे ङाहगी ख्या फे़बेया़ला दि ताम प्रुहक्यो यिहम्बा। ए स्यारा स्यार्माया़, ख्या ङ्याम्बु स्युक छ्यिम्बु येह ओहले किन्ज्योगी लुहङ ख्यागी सेम नाहङला येह। ख्याया़गी ती़हला क्याहल्दी येह। ओ़ह सोङबे ङाहगी ख्याया़ला दि ताम प्रुहक्यो यिहम्बा।
ကြော်ငြာတွေ