एफिसी 5:18 - ह्योल्‍मो

¹⁸ छ्याङगी ज़िदे राहङगी मिहली खाम्‍साङ-ङ्याहम्‍साङ पेहती माहताङ यिहॱनाङ नाम्‍पार-ताहक्‍पा थुगी काहङदोङ।

एफिसी 5:18 ပူးပေါင်းရင်းမြစ်များ

मत्ती 23:25

“ए छ्य़े-ठिमकी लोबेनया़ दाङ फरिसीया़! ख्‍याया़ काहजे छा़ तुहवा! ख्‍याया़ काहजे यिहन्‍दो तेन्‍गे मिहया़ दुबा। ख्‍याया़गी तेहर्मा दाङ फार्को फि ङो़लेनी ताहर्ती चाङमा ज़ोएँ, यिहॱनाङ नाहङ ङो़लेदी माहराप पेहती फ्रो़दी ख्‍योङग्‍यो से़हया़गी काङगे।

मत्ती 24:49

छ्याङसीवाया़ ङ्याम्‍बु थुङदी ज़ी़दी लेहमेन योक्‍पुया़ला तुहङज्‍ये छू़सीमाना,

लूका 1:15

च्‍यिबेमाना खो चो़वो छ्येवागी ज़ी़लुला चा़ छ्यिम्‍बु मिह ओहङज्‍ये येह। खोगी कुहन्‍डुमकी-निङगु दाङ राहङसा ज़िगे से़हया़ च्‍यिॱआङ थुङज्‍ये म़ेह, ओहले राहङगी आमागी फोवा यिहन्‍ज्‍युराङ खो नाम्‍पार-ताहक्‍पा थुगी काहङज्‍ये येह।

लूका 11:13

ख्‍या मिह ङ्येहम्‍बा यिहॱनाङ राहङगी पुह पोहमोया़ला या़हबु से़हया़ तेर स्‍य़े फान्‍ज्‍यो तोहरोङ स्‍यिहङगामला ज़्‍यू़गेन ख्‍यागी याहपगी मिहरो ङ्याम्‍बु लाङगेया़ला काहजे माहङबु जेती नाम्‍पार-ताहक्‍पा थु नाङडो?”

लूका 12:45

का़हलेॱआङ डु गोबागी, ‘ङाहगी ताहक्‍पु ग्‍यो़बाराङ लो़ह ओहङज्‍ये म़ेह’ म़ेदी लेहमेन योक्‍पु-यो़मुया़ला तुहङदा तेर्ते, ओहले सेमला ने़जेबा से़हदी थुङदी ज़ी़दी तेहसीमानानी,

लूका 21:34

“ओ़ह सोङबे ख्‍या जेम्‍बु पेहते तेहतोङ। माहङबु डेनया़ला माहन्‍डो, ज़ी़दी माहतेह ओहले मिहलीगी तेहन्‍दाला तुहङाल माहबे। मिहन्‍सीमाना ओ़ह ङ्यिहमा ख्‍या थो़ला याहङमे-याहङ मिता सिहन्‍गे ल़ेहमुराङ ओहङज्‍ये येह।

यूहन्‍ना 2:10

“लेहमेन मिहया़गीनी तोहङस्‍यो कुहन्‍डुमकी-निङगु स्‍यिहम्‍बु तेर्के ओहले मिहया़गी माहङबुराङ थुङ सिहन फान्‍ज्‍यो च्‍यी़राङ प्रे़ह याहल्‍ग्‍यो कुहन्‍डुमकी-निङगु तेर्के, यिहॱनाङ राहङगीनी ताहन्‍दा थुॱआङ थाम्‍ज्‍यी म़ेदी स्‍यिहम्‍बु कुहन्‍डुमकी-निङगु सी़दे ज़्‍या़ नाङग्‍यो दुबा!”

ल़ेह-पेन 11:24

बारनाबासदी नाम्‍पार-ताहक्‍पा थु दाङ यिह-छ्य़ेगी काहङग्‍यो ज्‍यिबुराङ मिह या़हबु येहकें, खोगी पेहती मिह माहङबुगी चो़वोला सेमले खाल्‍सीन।

रोमी 13:13

ङ्यिहमाला ल़ेहमुराङ पेहती ओहराङ ल़ेह टाहङबु पेह कोहएँ। कुहङमु ल़ेहमु खाम्‍साङ-ङ्याहम्‍साङ पेहकें, ज़िगे से़हया़ थुङगे, छ्येउ-छ्येंमु पेहकें, छा़रा ल़ेहया़ पेहकें, जिङगे ओहले ठादो पेहकेन्‍गी ल़ेहया़ पाङ कोहएँ।

१ कोरिन्‍थी 11:21

च्‍यिबेमाना ख्‍याया़ साहज्‍येला तेहकेमु राहङ-राहङगी ख्‍योङग्‍यो से़हया़ साहएँ, ओहले लाहलादी तो़बाराङ लिहकें, ओहले लाहला ज़िक्‍यो ओहङगे।

१ कोरिन्‍थी 5:11

ओ़ह सोङबे ङाहगी ख्‍याला ताहन्‍दा माएँ, “ङाह किन्‍ज्‍योला यिह-छ्य़े पेहक्‍यो नो़ह यिहम्‍बा” म़ेदी माज्‍येनी माएँ यिहॱनाङ छ्येउ-छ्येंमु पेहकें, ह्‍अम्‍बा पेहकें, कुला छ्येपा फुल्‍गे, मिह ताम च्‍येहके, छ्याङसीवा ओहले कुमेन क्‍याहप्‍केनया़गी तेहन्‍दाला माक्‍यो यिहम्‍बा। ओ़ह ल़ेहमु मिहया़ ङ्याम्‍बुनी तेहती तोप्‍च्‍याॱआङ माहसाह।

१ कोरिन्‍थी 6:10

कुमेन क्‍याहप्‍केनया़, ह्‍अम्‍बा पेहकेनया़, छ्याङसीवाया़, ङ्याप्‍च्‍यु पेहकेनया़ ओहले च्‍याहक्‍पा पेहकेनया़ किन्‍ज्‍योगी क्‍याहल्‍सी नाहङला स्‍य़ूह ङ्युहङज्‍ये म़ेह।

१ थेसलोनिकी 5:7

च्‍यिबेमाना ङ्याहल्‍गेया़ नुहङमुॱराङ ङ्याहल्‍गे ओहले ज़िगे मिहया़ॱआङ नुहङमुॱराङ ज़िगे।

तीतस 1:6

छेन्‍छोककी एल्‍डरया़ला सुज्‍यीगीॱआङ क्‍येन ता-माहखू़ज्‍यू, ओहले खोगी पी़हमी च्‍यी़ ङ्याम्‍बु च्‍यी़राङ पा़हमा पेहक्‍यो ओहङ कोहकें, ओहले खोती पुह पोहमोया़गी चो़वोला यिह छ्य़ेक्‍यो ओहङ कोहकें, डोलु-तेहलुया़ या़हबु ओहङ कोहकें, ओहले माक्‍योकी तामया़ ङ्यिहन्‍गेन्‍दी ओहङ कोहकें।