14 ओ़ह सोङबे छ्य़ेला दि ल़ेहमु सुङ नाङदी येह, “ए ङ्यि लो़हदी तेहक्योया़ ङ्यि स़ेतोङ ओहले स्यिक्योया़लेगी लोहङ, ओहले मास्यीकागी ख्याया़ला येहसेर नाङज्ये येह।”
च्यिबेमाना, ओहराङगी किन्ज्यो थुज्यी ज़ी़गे दाङ निङज्यी जेकेन्दी यिहम्बा, ओ़ह सोङगोराङ किन्ज्योगी थार्पागी येहसेर स्यिहङगामले ओहराङ साला ताङ नाङज्ये येह।
च्यिबे मासीमाना दि ङाहगी पुह स्यिक्यो येहकें, यिहॱनाङ नाहरे थार्ती येह, तोरक्यो येहकें, यिहॱनाङ नाहरे च्य़ेह सिहन्दी येह।’ म़ेदी खुङया़ क़ेहनाङ पेहती डेन साहज्ये छ़ूसीन।”
येहपाराङ येशूगी खुङया़ला सुङ नाङसीन, “ङाह जाम्बुलीङगी येहसेर यिहम्बा। ङाहला तिङ ङ्या़गेया़ नाहमॱआङ ना़-जुबेला डो कोहज्ये म़ेह, यिहॱनाङ खोगी मिहली तेर्केन्गी क्या-साङे ज्योर्च्ये येह।”
ङाह जाम्बुलीङला तेहकें थु ङाहराङ जाम्बुलीङगी क्या-साङे यिहन।”
चो़वो छ्येवागीराङ ङ्यिहला दि ल़ेहमु पेहतोङ सुङदी का नाङदी येह– ‘जाम्बुलीङगी फार्केन सुहर थु मिहया़गी थार्पा ज्योर्च्यु म़ेदी ङाहगी ख्याया़ला लेहमेन क्यिहपागी मिहया़गी पाहरक्यीला क्या-साङे डो च्य़ूज्येला ताङग्यो यिहन’।”
राहङ ज़ुबुकी ओङबुया़ला तिहक्पागी ल़ेहया़ पेहच्येला चि माहक्याहप। यिहॱनाङ स्यिवाले मिहलीला ख्योङग्यो मिहया़ ल़ेहमु पेहती राहङला किन्ज्योला च्योल्दोङ, ओहले राहङ ज़ुबुकी ओङबुया़ला या़हबु ल़ेहया़ पेहच्येला किन्ज्योला चि क्याहप्तोङ।
जेम्बु पेह, ता़ह यिहन्ज्यु तिहक्पा माहबे। च्यिबेमाना काहजे मिहया़लानी किन्ज्योगी तेहन्दाला क्यी़हराङ म़ेह। ख्याया़ला ङोह छाज्यु म़ेदी ङाहगी दि माक्यो यिहम्बा।
“ना़-जुबेला क्या-साङेगी येहपा छ्याज्यु” म़ेदी सुङ नाङगेन्गी किन्ज्योॱराङ, ताहन्दा ओहराङगी सेम नाहङला येहपा छ्या़दे येहबा, ओ़ह लाहमले पेहती किन्ज्योगी ज़िज्यिदकी येहन्देनगी क्या-साङे मास्यीकागी स्याहल्दोङला येहपा छ्या़ ख़ूज्यु।
तोहङले ख्याया़गी किन्ज्योकी काया़ माहङ्यीहम्बा सोङबे ओहले तिहक्पा च्यी़राङ तिहक्पा पेहक्यो सोङबे ख्याया़ किन्ज्योकी ज़ी़दाङला स्यि सिहन्ग्यो येहकें।
ओ़ह सोङबे ओहराङ तिहक्पाला स्यि सिहन्ग्यो यिहॱनाङ मिहरोगी ओहराङला मास्यीका ङ्याम्बुराङ सोम्बो ज़ो नाङसीन– काटीन लाहमलेॱराङ ख्याया़गी थार्पा ज़्योरक्यो यिहम्बा।
का़हलेॱआङ ख्याया़ मास्यीका ङ्याम्बु सोम्बो लो़हक्यो यिहन्सीमाना ता़ह स्यिहङगामकी से़हया़ छोल्दोङ, ओ़हला मास्यीका किन्ज्योगी योबा छ्या़ ङो़ले ज़्य़ू नाङदी येह।
ओ़ह सोङबे ओहराङ लेहमेन मिहया़ ल़ेहमु पेहती ङ्याहल्दी तेहच्ये मेहयोहङगे, यिहॱनाङ जेम्बु पेहती ङ्यि छेती तेह कोहकें।
ओ़ह काटीन ता़ह ओहराङला थार्पा नाङगेन मास्यीका येशू फेप्तीलेॱआङ तेन नाङ सिहन्दी येह। मिहरोगी स्यिएँगी ओङला तोङ च्य़ू नाङदी मिहली दाङ नाहमॱआङ मे़ह-तोङगेन्दीला या़हबु लेहङगु लाहमले तेन नाङसीन।
ओहले खुङगी नावा खा फे़ फान्ज्यो दियाबलसकी मिताले स्योर्च्ये येह, च्यिबेमाना खुङया़ला ती़ह गो-छ्येवागी राहङगी सेमला ने़जेबा पेहच्येला ज़ुङदी ज़्या़क्यो येहबा।