एफिसी 4:29 - ह्योल्‍मो

²⁹ ख्‍यागी खालेगी चोक्‍पा तामया़ माहथेन्‍ज्‍यु, यिहॱनाङ ती़हजीला ते़बे ठाबे दाङ मिहली याहरक्‍यी डो च्‍युएँगी या़हबु तामया़ च्‍यी़राङ माएँ पेहतोङ, दि लाहमले ङ्यिहन्‍गे मिह थाम्‍ज्‍यीला काटीन ज्‍योर्च्‍यु।

एफिसी 4:29 ပူးပေါင်းရင်းမြစ်များ

मत्ती 5:16

ओ़ह ल़ेहमु पेहतीराङ ख्‍याया़गी येहसेर मिहया़गी पाहरक्‍यीला स्‍यारच्‍यु, मिहया़गी ख्‍याया़गी ल़ेह या़हबुया़ थोङदी स्‍यिहङगामला ज़्‍यू़गेन ख्‍याया़गी याहप्‍च्‍येन आबाला थुज्‍यी-छ्ये़ फुल्‍ज्‍यु” म़ेदी येशूगी सुङ नाङसीन।

लूका 4:22

ओहले मिह थाम्‍ज्‍यीगीराङ येशूला तेपा फुल्‍सीन। येशूगी काटीनगी काहङग्‍योगी स्‍याहल थे़दी खुङ ह्‍अ ल़ेहसीन। ओहले च्‍यी़गी च्‍यी़ला मामा चे़दी, “दिनी योसेफकी पुह मिहम्‍बा ले?”

यूहन्‍ना 1:37

यूहन्‍नागी माक्‍यो दि ताम थे़सीम्‍बाराङ ओ़ह स्‍याहप्‍च्‍यी ङ्यी़ येशूगी तिङदा तिङ काहल्‍सीन।

रोमी 14:19

ओ़ह सोङबे ओहराङ स्‍य़िहदे तेर्के दाङ किन्‍ज्‍योला यिह-छ्य़ेला च्‍यी़गी च्‍यी़ला स्‍युक तेर्केन ल़ेहया़ला च्‍यी़राङ सेम च्‍याङ कोहएँ।

रोमी 15:2

ओहराङ थाम्‍ज्‍यीगी राहङ टोहङरो यिह छ्य़ेलुला याहरक्‍यी पेहती डो ख़ूज्‍यु ओहले खोला या़हबु ओहङज्‍यु म़ेदीमाॱराङ खोला क़ेहनाङ लाहङ च्‍य़ू कोहएँ।

१ कोरिन्‍थी 14:19

यिहॱनाङ ङाह छेन्‍छोकला ताम साम्‍बा ङो़ले छिका तोङरा च्‍यु माएँ म़ेदीनी ङाह राहङदीराङ नावालेगी छिका ङाज्‍यीराङ म़ेदी थाम्‍ज्‍यीगी ङोह स्‍ये़एँगी लुहङ तेर्के।

एफिसी 4:12

मास्‍यीकाकी नाम्‍पार-ताहक्‍पा मिह थाम्‍ज्‍यीला मिहरोकी छ्या़लेया़ पेह ख़ूएँ ज़ोज्‍येला ओहले मिहरोकी कुसो छेन्‍छोकला याहरक्‍यी ताङज्‍येला दाम नाङसीन।

एफिसी 4:16

मिहरोगी ओङ चो़ला थाम्‍ज्‍यी लेहमेन लेहमेन ओङबुया़ डी़दी तेहक्‍यो ओहङगे ओहले ज़ुबु थाम्‍ज्‍यीराङ ठाबे-ठाबे ग्‍या़या़ला थिती तेहक्‍यो येहबा। थाम्‍ज्‍यी ओङबुया़गी राहङ-राहङगी पेह कोहएँगी ल़ेहया़ पेहसीनमाना ज़ुबु रेबेॱराङ चेवाला याहरक्‍यी पेहती डोएँ।

कलस्‍सी 4:6

छागी प्रे़ह तेरक्‍यो ल़ेहमुराङ ख्‍यागी ताम मालु नाहम्‍माॱनाङ या़हबु दाङ ङ्येम्‍बु ओहङज्‍यु। ख्‍यागी मिह थाम्‍ज्‍यीला काह-ठि पेहती ल़ेहन क्‍याहप कोहएँ यिहम्‍बा, ओ़ह ख्‍याला क्‍यी़ह ओहङज्‍यु।

१ थेसलोनिकी 5:11

ओ़ह सोङबे नाहरे ख्‍या फ़ेबे-म़ेहमेया़गी जे नाङग्‍यो ल़ेहमुराङ च्‍यी़गी च्‍यी़ला स्‍युक क्‍ये च्‍य़ूदोङ ओहले च्‍यी़गी च्‍यी़ला सान्‍दी ज़ोएँगी ल़ेहया़ जे नाङदोङ।

१ पत्रुस 2:12

किन्‍ज्‍योला यिह-छ्य़े माहबेबाकी मिहया़गी पाहरक्‍यीला ख्‍याया़गी डोलु-तेहलु या़हबु ओहङज्‍यु। सुज्‍यीगीॱआङ ख्‍याया़ला मिह चोक्‍पा म़ेदी ख्‍याला टाह पेहसीनमाॱनाङ खुङया़गी ख्‍यागी पेहक्‍योगी ल़ेह या़हबुया़ थोङज्‍यु, ओहले किन्‍ज्‍योगी ठिम ताङ नाङगेन ङ्यिहमाला खुङया़गी किन्‍ज्‍योला त़ेरा तेच्‍या फुल्‍ज्‍यु।

१ पत्रुस 3:1

ओ़ह ल़ेहमुराङ पेहती पी़हमी-पेहजाया़, ख्‍याया़ॱआङ राहङ ख्‍योवागी ओङ चो़ला तेहतोङ, ओहले दि ल़ेहमु पेहती खुङया़गी किन्‍ज्‍योगी सुङला मी़हचीॱनाङ राहङगी पी़हमीकी डोलु-तेहलु पेहती ताम छिका च्‍यी़ॱआङ मा़हमेबा पेहती खुङया़गी सेम ग्‍युर ख़ूज्‍ये येह।

२ पत्रुस 2:18

खुङ छ्य़ेन्‍दो छ्यिम्‍बु तेन्‍दी फेन मे़हथोएँगी तामया़ माएँ, ओहले थेरेरे चोक्‍पा लाहमले स्‍योर्ती ओहङग्‍यो मिहया़ला ज़ुबुकी खाम्‍साङबुकी तेहन्‍दाला पे मी़हसीहएँगी ल़ेहया़ तेन्‍दी छ्यि च्‍य़ूगे।