एफिसी 4:28 - ह्योल्‍मो

²⁸ कुमेन क्‍याहप्‍केन्‍गी ता़ह यिहन्‍ज्‍यु कुमेन माह-क्‍याहप्‍च्‍यु खोगी टाहङबु पेहती राहङ लाहक्‍पागीॱराङ कादुप च्‍येती ल़ेह तुहक्‍पु पेहच्‍यु, ओहले खोगी कोम्‍बु काहल्‍ग्‍योया़ला तेर ख़ूज्‍ये येह।

एफिसी 4:28 ပူးပေါင်းရင်းမြစ်များ

लूका 19:8

यिहॱनाङ जखायसगी ह्‍ओप लाहङदी मासीन, “सेन नाङदोङ चो़वो ला़ह, ता़ह ङाह राहङगी क्‍युहगी बो फे़ प्राङबुया़ला के़हदी तेर्कें, ओहले लो़हलो मिहती टाङगा साहक्‍यो येहना खुङला बो ज़्‍यि ल्‍हा़मा पेहती लो़ तेर्कें।”

लूका 3:8

ख्‍याया़गी तेहम्‍बाराङ राहङ-राहङगी तिहक्‍पाया़ स्‍या़बा डुप्‍ती राहङगी सेम किन्‍ज्‍यो ङो़ले लो़हक्‍यो यिहन्‍सीमाना ओ़हला ते़बे डोलु-तेहलु या़हबु पेहतोङ। यिहॱनाङ ‘ङ्यिहनी अब्राहामगी छार्क्‍यीन यिहम्‍बा’ म़ेदी ख्‍याया़ थार ख़ूएँ म़ेदी नोम्‍साङ माहताङ। ङाह ख्‍याला माएँ, किन्‍ज्‍योगी अब्राहामकी छार्क्‍यीनला दि तोहया़लेगीॱआङ ठुङ च्‍य़ू थुप्‍कें।

यूहन्‍ना 12:6

खोगी प्राङबुया़ला च्‍याहम्‍बा पेहती माक्‍यो मिहम्‍बा येहकें, यिहॱनाङ खो कुमेन यिहन्‍गे सोङबे दि ल़ेहमु माक्‍यो यिहन्‍गे। च्‍यिबेमाना टाङगाकी खुमा खोलाराङ ज़्‍या़ च्‍य़ूक्‍यो येहकें ओहले खोगी ओ़ह खुमाले टाङगा तेन्‍गो येहकें।

यूहन्‍ना 13:29

टाङगाकी खुमा यहूदा ङ्याम्‍बु येहकें सोङबे लाहलागी येशूगी खोला छ्येपागी तेहन्‍दाला कोहकें से़हया़ च्‍यिरा ङ्योहज्‍येला ताङग्‍यो यिहन्‍डो म़ेदी ऩेसीन ओहले लाहलागीती प्राङबुया़ला च्‍यिरा तेर्च्‍येला ताङग्‍यो यिहन्‍डो म़ेदी ऩेसीन।

रोमी 12:13

किन्‍ज्‍योगी दाम नाङग्‍योकी मिहया़ला कोम्‍बु डोएँमु रो़ह पेहतोङ, ओहले खाङबाला ओहङग्‍यो टोहम्‍बोया़ला ता़हनाङ-ताहम्‍जी पेहतोङ।

१ कोरिन्‍थी 4:12

ओहले साहज्‍ये थुङज्‍येगी तेहन्‍दाला ङ्यिह राहङदीराङ लाहक्‍पागी कादुप च्‍येती ल़ेह पेहको येह। लेहमेन मिहया़गी मे़मु क्‍याहप्‍केमु ङ्यिहगी खुङला मेलाम क्‍याहप्‍को येह। ओहले मिहया़गी तुहक्‍पु तेर्केमु ङ्यिह ना़दी तेहको येह।

२ कोरिन्‍थी 8:12

च्‍यिबेमाना ख्‍याया़गी तेर्केन्‍गी सेम छ्यिम्‍बु येहसीमाना ख्‍याया़ ङ्याम्‍बु च्‍यि येहबा ओ़ह लाहमलेॱराङ किन्‍ज्‍योगी नोम नाङगे, यिहॱनाङ ख्‍याया़ ङ्याम्‍बु म़ेहबा से़हया़ किन्‍ज्‍योगी नोम मेहनाङगे।

२ कोरिन्‍थी 8:2

ज्‍यिबुराङ तुहक्‍पुगी ती़हजीॱलाङ खुङया़गी सेम काहसो पेहसीन ओहले प्राङबु येहॱनाङ खुङया़गी सेम ज़ाङबु पेहती डेल्‍बा फुल्‍सीन।

गलाती 6:10

ओ़ह सोङबे लोहङ येहताङलाॱराङ ओहराङगी मिहया़ला या़हबु पेह कोहएँ ओहले खास पेहतीती मास्‍यीकाला यिह-छ्य़े पेहक्‍योकी खाङबा मे़हमेया़ला या़हबु पेह कोहएँ।

१ तिमोथी 6:18

खुङया़गी या़हबु ल़ेहया़ पेहच्‍यु, ल़ेह या़हबुया़ला छ्युक्‍पु डो ख़ूज्‍यु, ओहले सेम ज़ाङबु ओहङ ख़ूज्‍यु ओहले लेहमेन मिहया़ला तेर ख़ूज्‍यु।

तीतस 3:14

ओहराङगी मिहया़ या़हबु ल़ेहया़ला सेम ताङ ख़ूज्‍यु, दि लाहमले पेहती खुङगी लेहमेन मिहया़ला ज्‍यिबुराङ कोहपु डोएँमु रो़हराम पेह ख़ूज्‍यु, दि ल़ेहमु पेहसीमाना ख्‍या फेन मे़हथोएँगी मिहया़ डोज्‍ये म़ेह।

तीतस 3:8

दि तेहन्‍दामकी स्‍याहल यिहम्‍बा। किन्‍ज्‍योला यिह छ्य़ेक्‍यो मिहगी राहङला या़हबु ल़ेहया़ला सेम ताङज्‍येला जेम्‍बु पेहच्‍यु म़ेदी ख्‍येगी स्‍युक तेर्ती लोप्‍क्‍यो ङाहला या़हबु ने़गे। च्‍यिबेमाना दि ल़ेहमु तामया़ मिहया़गी तेहन्‍दाला या़हबु दाङ फेन थो़एँगी तामया़ यिहम्‍बा।