एफिसी 4:2 - ह्योल्‍मो

² नाहम-माना ङ्येम्‍ज्‍युङ, स्‍यिहवा ओहले ना़स्‍यीङ छ्यिम्‍बु पेहती च्‍यी़गी च्‍यी़ला चेवा पेहतोङ।

एफिसी 4:2 ပူးပေါင်းရင်းမြစ်များ

मत्ती 11:29

ङाहगी ङ्यास्‍यीङ खुर्तोङ ओहले ङाह ङ्याम्‍बु लोप्‍तोङ च्‍यिबेमाना ङाह च्‍याहम्‍बु दाङ ङ्येम्‍ज्‍युङ येह, ओहले ख्‍याया़गी राहङगी सेमगी थाङ सो ङ्युहङज्‍ये येह।

मर्कूस 9:19

येशूगी खुङया़ला सुङ नाङसीन, “काहन्‍डुमु यिह-छ्य़े म़ेहबागी मिहया़ दुबा! ख्‍या ङ्याम्‍बु ङाह काहजे ङ्यिहमा थु तेहच्‍ये? ङाहगी ख्‍या ङ्याम्‍बु काहजे थु ना़ज्‍ये? के खोला ङाहसाला ख्‍येर-स्‍यो ले।”

ल़ेह-पेन 20:19

यहूदीया़गी ङाहला लेहमा माहङबुराङ सेच्‍ये म़ेदी लाहम छोल्‍सीन यिहॱनाङ ङाह स्‍यिहवा पेहती मिज्‍यु ताङदी चो़वो छ्येवादीॱराङ स्‍याहप्‍तो स्‍युहसीन।

रोमी 15:1

ओहराङ यिह-छ्य़ेला सान्‍दी येहकेनया़गी राहङला च्‍यी़राङ क़ेहनाङ लाहङ च्‍य़ूगेन्‍की सेम्‍बाया़ मा़हथोबा पेहती यिह-छ्य़ेला मा-फाम्‍बु येहकेनया़दी मा फाम्‍बुला ना़ कोहएँ।

१ कोरिन्‍थी 13:7

चेवागी ताम थाम्‍ज्‍यीराङ ना़गे, ताम थाम्‍ज्‍यीला यिह छ्य़ेगे, ताम थाम्‍ज्‍यीला रेहवा पेहकें, ताम थाम्‍ज्‍यीला सेम थिक-चि पेहती तेहकें।

गलाती 6:2

तुहक्‍पु-तुहङालकी खुरुया़ खुर्च्‍येला च्‍यी़गी च्‍यी़ला रो़हराम पेहतोङ। दि ल़ेहमुराङ पेहती ख्‍यागी मास्‍यीकाकी छ्य़े-ठिम छाङबु पेहच्‍ये येह।

एफिसी 1:4

किन्‍ज्‍योगी जाम्‍बुलीङ छ्या़ च्‍य़ू नाङगे म़ेदी तोहङलेराङ मास्‍यीका लाहमले ओहराङला मिहरोगी दिनला नाम्‍पार-ताहक्‍पा दाङ च्‍यिॱआङ क्‍येन म़ेहबा ओहङ ख़ूज्‍यु म़ेदी दाम नाङदी येहकें।

कलस्‍सी 1:11

किन्‍ज्‍योकी ज़िज्‍यिदगी ओङ लाहमले ओहङग्‍यो स्‍युक ज्‍योर्ती ख्‍या सान्‍दी डो ख़ूज्‍यु माएँ ङ्यिहती सोल्‍वाङ येहबा। ओ़हठी यिहन्‍सीमाना ख्‍यागी ना थाम्‍ज्‍यी क़ेहनाङ पेहती थिर पेहती ना़ ख़ूज्‍ये येह।

१ तिमोथी 6:11

यिहॱनाङ ख्‍ये किन्‍ज्‍योकी मिह यिहन्‍गे सोङबे दि थाम्‍ज्‍यी चोक्‍पा तामया़ ङो़ले था़-रिहङबुराङ तेह, ओहले ख्‍येगी राहङगी टाहङदेनला किन्‍ज्‍योला क्‍याप्‍च्‍येला, यिह-छ्य़ेला, चेवाला, थिक-चि पेहती तेहच्‍येला ओहले राहङला ङ्येम्‍बु ज़ोएँगी से़हया़ थो़ला राहङगी सेम ताङदोङ।

२ तिमोथी 2:25

ओहले टाह पेहकेनया़ला खोगी स्‍यिहवा पेहती या़हबु लाहमला ॱठि ख़ूएँदी ओहङ कोहकें। ओ़हठी यिहन्‍सीमाना च्‍यी़राङ किन्‍ज्‍योगी खुङया़ला स्‍या़बा पेहकेन दाङ तेहन्‍दामकी स्‍याहल ङोह स्‍य़े ख़ूएँगी सेम नाङज्‍ये येह,

याकूब 1:21

ओ़ह सोङबे ख्‍यागी दि रोहवा चोक्‍पा दाङ नाम्‍दो लाहङज्‍ये ल़ेहमु पेहताङया़ थाम्‍ज्‍यीराङ क्‍युर्तोङ। किन्‍ज्‍योगी राहङगी सुङ ख्‍यागी सेमला ज़्‍या़ नाङदी येहबा ओ़हदीला ख्‍यागी स्‍यिहवा पेहती लेहन्‍दोङ च्‍यिबेमाना दिगीॱराङ ख्‍याला थार च्‍य़ूएँ।

१ पत्रुस 3:15

यिहॱनाङ मास्‍यीकाला चो़वो ने़दी ख्‍ये सेमगी मास्‍यीकाला ची़नाङ पेहतोङ। ख्‍या नाहङला येहकेन्‍गी रेहवागी तेहन्‍दाला सुज्‍यीगी टी़हसीन माना ओ़हगी ल़ेहन क्‍याहप्‍च्‍येला नाहम्‍माॱनाङ ठाबे पेहती तेहतोङ, यिहॱनाङ ओ़ह ल़ेह ङ्येम्‍बु दाङ ची़नाङ पेहती पेहतोङ।

१ पत्रुस 3:8

ज्‍युक्‍स्‍योलला ख्‍या थाम्‍ज्‍यी सेम च्‍यी़ टी़हदी, च्‍यी़गी च्‍यी़ला सेम ज़ुङ च्‍य़ूगेन्‍गी छ्याप्‍स्‍यीया़ पेहतोङ, राहङ आदा-नो़ह दाङ आज्‍यी-नुहमुया़ॱराङ यिहम्‍बा ने़दी च्‍यी़गी च्‍यी़ला चेवा पेहतोङ, निङज्‍यी पेहतोङ ओहले ङ्येम्‍ज्‍युङ पेहतोङ।