एफिसी 4:15 - ह्योल्‍मो

¹⁵ तोहरोङ चेवा लाहमले तेहन्‍दामकी ताम माएँराङ ना थाम्‍ज्‍यीला ओहराङ मिहरो थुराङ पे यिहॱनाङ मास्‍यीका थुराङ याहरक्‍यी पेहती डो कोहएँ, मिह-रो़हराङ गो़ छ्येस्‍यो यिहन।

एफिसी 4:15 ပူးပေါင်းရင်းမြစ်များ

यूहन्‍ना 1:47

येशूगी नथानेलला राहङ ङो़ले ओहङगेॱराङ पेहक्‍यो ज़ी़दी खोगी तेहन्‍दाला सुङ नाङसीन, “त़ेदोङ, खो तेहम्‍बा-तेहन्‍सुमॱराङ इस्राएली यिहन, खोला च्‍यिॱआङ क्‍येन म़ेह।”

रोमी 12:9

ख्‍याया़गी निङज्‍यी पेहक्‍योदी मिहया़ला तेन्‍ज्‍येगी तेहन्‍दाला मिहम्‍बा यिहॱनाङ ओ़ह निङज्‍यी तेहन्‍दाम ओहङ कोहएँ। ल़ेह चोक्‍पाया़ क्‍युर्ती या़हबु ल़ेहला स्‍य़ूहदोङ।

१ कोरिन्‍थी 11:3

यिहॱनाङ मास्‍यीकाॱराङ मिह थाम्‍ज्‍यीगी गो़ यिहम्‍बा म़ेदी ख्‍या थाम्‍ज्‍यीगी ह्‍अ के़हदोङ। पी़हमीगी गो़ मोहगी ख्‍योवा यिहम्‍बा, ओहले मास्‍यीकागी उ किन्‍ज्‍यो यिहम्‍बा।

२ कोरिन्‍थी 4:2

ङ्यिहगी ङोह छाएँगी ल़ेहया़ दाङ यिहप्‍ती-यिहप्‍ती पेहकेन्‍गी ल़ेह चोक्‍पाया़ पाङदी येहबा। ङ्यिह गो़ कोर च्‍य़ूदी ल़ेह मेहबेकें ओहले किन्‍ज्‍योगी सुङला याहर-माहर मेहबेकें। यिहॱनाङ तेहन्‍दामला ङ्यिह छ्यिसाल-नाहङसाल पेहती प्रा साल्‍गे ओहले किन्‍ज्‍योगी ज़ी़लुला ङ्यिह तेहन्‍दाम दाङ टाहङबु पेहती मिह थाम्‍ज्‍यीगी थोङगे पेहती मिहजी ताङगेराङ येह।

२ कोरिन्‍थी 8:8

ङाहगी दि ख्‍याया़ला पेहॱराङ कोहएँ म़ेदी का तेरक्‍यो मिहम्‍बा, यिहॱनाङ लेहमेन छेन्‍छोकया़की स्‍युक ङ्याम्‍बु तुहर्ते ख्‍याया़गी चेवाॱआङ तेहम्‍बा-तेहन्‍सुम यिहम्‍बा म़ेदी दास्‍यी तेर्च्‍येला ङाहगी दि माक्‍यो यिहम्‍बा।

एफिसी 1:22

ओहले किन्‍ज्‍योगी थाम्‍ज्‍यीराङ से़हया़ मास्‍यीकाकी स्‍याहप चो़ला ज़्‍या़ नाङसीन, ओहले मिहरोला ना थाम्‍ज्‍यीराङ से़हया़ला छेन्‍छोकती गो-छ्येस्‍यो ज़ो नाङसीन।

एफिसी 1:4

किन्‍ज्‍योगी जाम्‍बुलीङ छ्या़ च्‍य़ू नाङगे म़ेदी तोहङलेराङ मास्‍यीका लाहमले ओहराङला मिहरोगी दिनला नाम्‍पार-ताहक्‍पा दाङ च्‍यिॱआङ क्‍येन म़ेहबा ओहङ ख़ूज्‍यु म़ेदी दाम नाङदी येहकें।

एफिसी 2:21

खाङबा दोगेलाराङ मिहरोगीॱराङ ज़ुङदे ज़्‍या़ नाङदी येहबा ओहले मिहरोगी दि खाङबाला चो़वोकी छेनला फुल्‍ग्‍योकी नाम्‍पार-ताहक्‍पा छ्योखाङ च्‍यी़ ज़ो नाङज्‍ये येह।

एफिसी 4:25

ओ़ह सोङबे ता़ह स्‍योप क्‍याहप्‍केन्‍गी पेहताङया़ पाङदोङ। च्‍यी़गी च्‍यी़ला ताम थेका म़ेदोङ च्‍यिबेमाना ओहराङ थाम्‍ज्‍यी मास्‍यीकाकी च्‍यिमे च्‍यी़राङ कुसोकी ओङबुया़ यिहन।

एफिसी 5:23

च्‍यिबेमाना छेन्‍छोक मास्‍यीकाकी कुसो ओहले मास्‍यीकाती छेन्‍छोकला थार्पा नाङगेन्‍गी उ यिहन्‍गे ल़ेहमुराङ पी़हमीगी गो़दी ख्‍योवा यिहम्‍बा।

१ पत्रुस 1:22

ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।

१ पत्रुस 2:2

थेरेरे क्‍येक्‍योगी पेहजा ओहमा थुङज्‍ये म़ेदी ङुहक्‍यो ल़ेहमुराङ ख्‍याया़ॱआङ किन्‍ज्‍योकी तेहन्‍दामगी सुङया़ ङोह स्‍येच्‍येला सेम ताङदोङ दि लाहमलेॱराङ ख्‍यागी ज्‍योरक्‍योकी थार्पाला ख्‍या जेन-जेन याहरक्‍यी पेहती डो ख़ूज्‍ये येह।

२ पत्रुस 3:18

यिहॱनाङ ओहराङ चो़वो दाङ थार्पा नाङगेन येशू मास्‍यीकाकी काटीन दाङ येहन्‍देनला याहरक्‍यी पेहती सोङ। मिह-रो़हलाॱराङ ताहन्‍दा दाङ नाहम-माना ज़िज्‍यिद ओहङज्‍यु। आमेन।

१ यूहन्‍ना 3:18

ए ङाहगी पेहजाया़! ओहराङ खा दाङ तामगी ज्‍यीॱराङ चेवा पेहच्‍ये मेहयोहङगे, ओहराङगी चेवादी तेहन्‍दामदी ओहङ कोहएँ। दि ल़ेहमु चेवाती ल़ेह लाहमले च्‍यी़राङ थोङगे यिहम्‍बा।