एफिसी 4:13 - ह्योल्मो13 दि काबापया़ लाहमले ओहराङ यिह छ्य़ेलुला डी़दी तेह ख़ूज्ये येह ओहले किन्ज्योकी स़ेबुकी रिहक्स्यीला ओहराङ याहरक्यी पेहती डो ख़ूएँ ओहले ङ्यिहमा च्यी़ ओहराङ छाङबु मिह डोज्ये येह ओहले मास्यीकाकी छाङबु छ़े क्याहप नाङग्योकी ग्या़ थु लेप ख़ूज्ये येह। အခန်းကိုကြည့်ပါ။ |
एफिसी 4:13
34 ပူးပေါင်းရင်းမြစ်များ
खुङ थाम्ज्यी च्यी़राङ डो ख़ूज्यु म़ेदी ङ्यिह राहङला ओहर-छ्य़े स्युहएँ। ओ़ याहप, ङाह राहङ ङ्याम्बु ओहले राहङ ङाह ङ्याम्बु ज़्य़ूदी ओहराङ च्यी़राङ काहल्ग्यो ल़ेहमु खुङॱआङ ओहराङ ङ्याम्बु डी़दी च्यी़राङ ओहङ ख़ूज्यु ओहले राहङगीराङ ङाहला ताङ नाङग्यो यिहन म़ेदी जाम्बुलीङगी यिह-छ्य़े ख़ूज्यु।
तेहम्बाराङ माज्ये माना मास्यीका येशू ङाहती चो़वोला ङोह स्य़े ङ्युहङगेन मेलाम तादाङलानी ना थाम्ज्यीराङ से़हया़ ङाहगी स्यिती काम्बुलाराङ थोङसीन। मास्यीकाला ज्योर ख़ूज्यु म़ेदी मिहरोगी तेहन्दाला ङाहगी रेबेॱराङ से़हया़दी क्यी़ह खुर्ती येहबा, ओ़ह रेबेॱराङ से़हया़ ङाहगी तेहन्दाला ङ्योहक्तोङ यिहम्बा।
च्यिबेमाना दि लाहमले ख्या यिह-छ्य़ेला सान्दी डो ख़ूज्यु ओहले च्यी़गी च्यी़ला चेवा पेहती ख्या च्यी़राङ डो ख़ूज्यु। दि ल़ेहमु पेह फान्ज्यो किन्ज्योकी तिहङ-रिहङबुकी येहन्देन ङोह स्य़े ख़ूएँ दु म़ेदी ख्या राहङगी तेहम्बाराङ क्यी़ह ज्योर्च्ये येह। ओहले तिहङ-रिहङबुगी येहन्देनदी मास्यीका यिहम्बा।
ကြော်ငြာတွေ