एफिसी 4:11 - ह्योल्‍मो

¹¹ ओहले मिहरोगी मिहया़ला– लाहलाला ल़ेह-पेनया़, लाहलाला लुहङतेम्‍बाया़, लाहलाला या़हबु लेहङगु स्‍येकेन्‍गी मिहया़, लाहलाला पास्‍टरया़ ओहले लाहलाला लोबेनया़की काबापया़ नाङसीन।

एफिसी 4:11 ပူးပေါင်းရင်းမြစ်များ

मत्ती 28:20

ङाहगी ख्‍याया़ला तेरक्‍योगी काया़ थाम्‍ज्‍यीराङ ची़ज्‍येला खुङया़ला लोप्‍तोङ। ओहले त़ेदोङ, ङाह नाहम माॱनाङ, जाम्‍बुलीङकी ज्‍युक्‍स्‍योलगी ती़हजी थुराङ ख्‍याया़ ङ्याम्‍बु ओहङज्‍ये येह” म़ेदी येशूगी सुङ नाङसीन।

ल़ेह-पेन 13:1

एन्‍टिओखिया क्‍याहसागी छेन्‍छोकला लुहङतेम्‍बाया़ दाङ लोप्‍च्‍युङ तेर्केन मिहया़ माहङबुराङ येहकें। खुङया़ बारनाबास, आफ्रिकागी शिमियोन, कुरेनीगी लुकियस, क्‍याहल्‍बु हेरोद ङ्याम्‍बुराङ छारक्‍योगी मनेन दाङ शाऊल यिहन्‍गे।

ल़ेह-पेन 20:28

ता़हनी ख्‍याराङॱआङ जेम्‍बु पेहतोङ, ओहले नाम्‍पार-ताहक्‍पा थुगी ख्‍याला च्‍योल नाङग्‍योकी छो़बाया़लाॱआङ या़हबु पेहती त़ेदोङ। किन्‍ज्‍योगी छेन्‍छोकला या़हबु पेहती कोहरोवा जे नाङदोङ च्‍यिबेमाना चो़वो छ्येवा येशूगी ओ़ह मिहया़ला राहङदीराङ ठा़ स्‍याहल च्‍य़ू नाङदी ङ्योह नाङग्‍यो यिहन।

ल़ेह-पेन 21:8

ओहले नाहङबार च्‍युङ खुङ ङ्याम्‍बु खा फ़ेदी कैसरिया क्‍याहसाला काहल्‍सीन। कैसरिया क्‍याहसाला लेप्‍सीम्‍बाराङ चो़वो येशूगी या़हबु लेहङगु स्‍येती डोएँगी फिलिपकी खाङबाला काहल्‍दी स्‍याहक्‍पु तोबाज्‍यी खो ङ्याम्‍बुराङ तेहसीन। खोदी यरूशलेमगी छो़बाया़ला रो़ह पेहच्‍येला दाम्‍ग्‍योगी मेहन्‍दा तिहन नाहङले मेहन्‍दा च्‍यी़ यिहन्‍गे।

रोमी 12:7

स्‍याहप्‍तो स्‍युहएँकी काबाप यिहन्‍सीमाना, स्‍याहप्‍तो स्‍युहएँकी छ्या़लेला, लोप्‍च्‍युङ तेर्केन्‍गी काबाप यिहन्‍सीमाना लोप्‍च्‍युङ तेर्केन्‍गी छ्या़लेला,

१ कोरिन्‍थी 12:4

नाम्‍पार-ताहक्‍पा थुगी काबापया़ ना माहङबुराङ ओहङगे यिहॱनाङ काबाप नाङगे नाम्‍पार-ताहक्‍पा थुनी च्‍यी़राङ यिहन।

एफिसी 2:20

ओ़ह ज़िम्‍गाङदी ल़ेह-पेनया़ दाङ लुहङतेम्‍बाया़की ब्राम थो़ला छ्या़दी येहबा, ओ़ह ब्रामकी चा छ्येवा तोहदी मास्‍यीका येशू राहङराङ यिहम्‍बा।

एफिसी 3:5

दि तिहङ-रिहङबुकी केच्‍या तोहङमागी मिहदोकी मिहया़ला ङोह स्‍य़े च्‍य़ू माहनाङ येहकें यिहॱनाङ ताहन्‍दा दि तिहङ-रिहङबुकी केच्‍या नाम्‍पार-ताहक्‍पा थु लाहमले राहङगी टाहङबु ल़ेह-पेनया़ दाङ लुहङतेम्‍बाया़ला किन्‍ज्‍योगी ङोह स्‍य़े च्‍य़ू नाङदी येह।

एफिसी 4:8

ओ़ह सोङबे छ्य़ेला दि ल़ेहमु सुङ नाङदी येह: “मिहरो याहर स्‍यिहङगामला फेप नाङगेमु मिहरोगी माहङबुराङ कैदीया़लाॱआङ राहङ ङ्याम्‍बुराङ नोम फेप्‍सीन ओहले मिहया़ला काबाप नाङसीन।”

२ तिमोथी 4:5

यिहॱनाङ ख्‍येदी सान्‍दी पेहती तेह। तुहक्‍पु खुर्तोङ, या़हबु लेहङगु स्‍येकेन्‍गी ल़ेहया़ पेहतोङ, ओहले ख्‍येगी किन्‍ज्‍योगी छ्या़लेया़ छाङबु पेहती पेहतोङ।

हिब्रू 5:12

देजे ती़हजी थुलानी ख्‍या लोबेन डो कोहच्‍ये येहकें, यिहॱनाङ जेन तोहरोङ ख्‍याला किन्‍ज्‍योगी तेहन्‍दाला फेमा-फेमा तामया़ क्‍यी़ह म़ेहबा सोङबे लेहमेन सुज्‍यीगी लोप तेर कोहएँगी छ्याप्‍स्‍यी गा काहल्‍सीन। ता़ह ख्‍येलानी मुहर कोहएँगी साहप्‍च्‍याया़ मिहम्‍बा ओहमा कोहएँ।

यहूदा 1:17

ए च्‍याहम्‍बु रो़हया़या़, ओहराङगी चो़वो येशू मास्‍यीकाकी ल़ेह-पेनया़गी तोहङलेराङ सुङ नाङग्‍योकी स्‍याहलया़ ख्‍या फ़ेबे-म़ेहमेया़गी टेहम्‍बा साल्‍दोङ।

ज्‍याल्‍गा 18:20

ए स्‍यिहङगामला ज़्‍य़ू नाङगेया़ थाम्‍ज्‍यी, मोह तोङदी काहल्‍ग्‍यो सोङबे क़ेहनाङ पेहतोङ! ए किन्‍ज्‍योगी मिहया़, ल़ेह-पेनया़ ओहले लुहङतेम्‍बाया़ ख्‍या थाम्‍ज्‍यी क़ेहनाङ पेहतोङ च्‍यिबेमाना मोहगी ख्‍याया़ला च्‍यि पेहपा, ओ़हगी छापला किन्‍ज्‍योगी मोहला ङ्य़ेहबा काल नाङदी येह।

ज्‍याल्‍गा 21:14

ओ़ह क्‍याहसाकी चिक्‍पागी ब्रामया़ च्‍यिङ्यी़ येहकें। ओ़ह थो़ला ल़ूह स्‍ये़बुकी ल़ेह-पेन च्‍यिङ्यी़दीॱराङ मिहनया़ प्री़हदे येहकें।