Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




एफिसी 3:8 - ह्योल्‍मो

8 मास्‍यीकाकी नाम्‍पार-ताहक्‍पा मिहया़ नाहङला ङाह थाम्‍ज्‍यी म़ेदी फेनराङ मे़हथोएँ येहॱनाङ मिहकी नावागी ङोहॱराङ स्‍य़े मी़हखुएँ मिहरोकी क्‍युहकी या़हबु लेहङगु लेहमेन क्‍यिहपाकी मिहया़ला स्‍येकेन्‍गी काटीन किन्‍ज्‍योगी ङाहला नाङसीन।

အခန်းကိုကြည့်ပါ။ ကော်ပီ




एफिसी 3:8
33 ပူးပေါင်းရင်းမြစ်များ  

“ओहले योक्‍पुगी ताहक्‍पुला मासीन, ‘ने़बु लाह, राहङगी सुङ नाङग्‍योया़ला ङाहगी क़े क्‍याहप्‍ती ख्‍योङसीन। यिहॱनाङ तोहरोङॱआङ तेहसा ग्‍या़ नि माहङबुराङ येह’।”


मिहरो ङ्याम्‍बु काटीन बोलो-छ्योलो येहकें सोङबे ओ़ह लाहमलेॱराङ ओहराङगी काटीन थो़ला राहङसा काटीन ज्‍योर्ती येहबा।


ओहले ल़ेह-पेनया़ येशूगी छेनला तुहक्‍पु दाङ स्‍ये़हन्‍डील खुर्च्‍ये सी़हसीन माएँ तामला ज्‍यिबुराङ क़ेहनाङ पेहती छो़बा क्‍याहप्‍क्‍यो ग्‍या़लेगी फिला थेन्‍दी काहल्‍सीन।


यिहॱनाङ चो़वो छ्येवागी हननिया़ला सुङ नाङसीन, “ख्‍ये सोङ, च्‍यिबेमाना लेहमेन क्‍यिहपाया़ला, क्‍याहल्‍बुया़ला ओहले इस्राएली छार्क्‍यीनया़गी दिनला ङाहगी मिहन ङोह स्‍य़े च्‍य़ूज्‍येला ङाहगी खोला दाम्‍दी येह।


ओहो! किन्‍ज्‍योकी क्‍युह, रिहक्‍स्‍यी दाङ येहन्‍देन काहजे तिहङ रिहङबु! मिहरोगी ठिम ताङ नाङगेन्‍गी केच्‍याया़ सुगी ह्‍अ कोह ख़ूज्‍ये? ओहले मिहरोगी फेप-लाहम सुगी ङोह स्‍य़े ख़ूज्‍ये?


यिह छ्य़ेबा काहल्‍ग्‍यो सोङबे च्‍यी़गी च्‍यी़ला राहङ आदा-नो़हया़ला ल़ेहमुराङ चेवा पेहतोङ ओहले राहङला म़ेदी माहङबु च्‍यी़गी च्‍यी़ला ची़नाङ पेहतोङ।


किन्‍ज्‍योगी ख्‍येला माहङबुराङ थुज्‍यी ज़ी़ नाङसीन ओहले मिहरोगी ख्‍येला ना़स्‍यीङ छ्यिम्‍बु जेती माहङबुराङ कू़हदी ज़्‍य़ू नाङसीन ता़ह ख्‍ये च्‍यि किन्‍ज्‍योला क्‍युक्‍टो पेहकें? किन्‍ज्‍योकी थुज्‍यीगी तिहक्‍पा पाङ च्‍य़ूदी स्‍या़बा पेह च्‍य़ूगे माएँ ताम च्‍यि ख्‍येला क्‍यी़ह म़ेहबा?


किन्‍ज्‍योगीॱराङ ख्‍याया़ला मास्‍यीकाला नोम फेप्‍सीन, मास्‍यीकालाॱराङ मिहरोगी ओहराङगी रिहक्‍स्‍यी, टाहङबु दाङ नाम्‍पार-ताहक्‍पा ओहले थार्पा नाङगेन्‍दी ज़ो नाङसीन।


ल़ेह-पेनया़ नाहङला ङाह थाम्‍ज्‍यी म़ेदी फेमा यिहम्‍बा। यिहन्‍ज्‍ये नि ङाह ल़ेह-पेन सी़हएँगी मिहनी मिहम्‍बा यिहन्‍गे च्‍यिबेमाना ङाहगी किन्‍ज्‍योगी छेन्‍छोकला ज्‍यिबुराङ तुहक्‍पु तेर्ती येहकें।


यिहॱनाङ छ्य़ेला दि ल़ेहमु प्री़हदी येहबा, “मी़गी माहथोङबा, नाम्‍ज्‍योगी मा़हथेबा ओहले मिहगी सेमला मा़हनेबाकी तामया़ॱराङ किन्‍ज्‍योगी मिहरोला चेवा जे नाङगेया़गी तेहन्‍दाला ठाबे जे-नाङदी येहबा।”


लेहमेन क्‍यिहपाया़गी पाहरक्‍यीला मिहरोकी तेहन्‍दाला स्‍येच्‍येला राहङगी स़ेबु ङाह थो़ला तेन नाङज्‍येला मिहरोला या़हबु ऩेसीन ओहजेला ङाहगी सु ङ्याम्‍बुॱआङ टी़हदाप माहबे।


पत्रुसला यहूदीया़की पाहरक्‍यीला या़हबु लेहङगु प्रा-साल्‍ज्‍येला ल़ेह-पेन ज़ो नाङगे किन्‍ज्‍योगीॱराङ ङाहॱलाङ लेहमेन क्‍यिहपाकी मिहया़गी पाहरक्‍यीला या़हबु लेहङगु स्‍येकेन्‍गी ल़ेह-पेन ज़ो नाङग्‍यो यिहम्‍बा।


किन्‍ज्‍योगी दि थाम्‍ज्‍यी जे नाङग्‍योकी तेहन्‍दादी ओहराङ मास्‍यीकाला यिह-छ्य़े पेहक्‍यो मिहया़ला थुज्‍यी ज़ी़ नाङदी मिहरोगी था़ म़ेहबा काटीनकी क्‍युह ओहङगेन ङ्यिहमाया़ला नाहम-मानागी तेहन्‍दाला तेन नाङज्‍येला यिहम्‍बा।


ओ़ह सोङबे ख्‍या लेहमेन क्‍यिहपाकी मिहया़गी तेहन्‍दाला मास्‍यीकाकी छ्या़ले पेहकेमु ङाह पावल चोन-खाङला छ्यिती येह।


मिहरोकी चा़ छ्यिम्‍बु क्‍युह दाङ थु लाहमले ख्‍याया़गी ओङ ज्‍योर ख़ूज्‍यु ओहले ओ़ह ओङगी ख्‍याया़ला नाहङ यिहन्‍ज्‍युराङ स्‍युक छ्यिम्‍बु ज़ो ख़ूज्‍यु म़ेदी ङाह किन्‍ज्‍यो ङ्याम्‍बु सोल्‍वाङ ताप्‍को येह।


थाम्‍ज्‍यी रिहक्‍पा दाङ रिहक्‍स्‍यीगी छोल मी़हखुएँ मास्‍यीकाकी चेवा ख्‍याया़गी ङोह स्‍य़े ख़ूज्‍यु ओहले ख्‍याया़दी मिहली किन्‍ज्‍योगीॱराङ काङ नाङज्‍यु।


ख्‍याया़गी तेहन्‍दाला ङाहला चि क्‍याहप नाङग्‍यो किन्‍ज्‍योकी काटीनकी ठालगी तेहन्‍दाला ख्‍याया़गीॱआङ थे़दी येह म़ेदी ङाहला ने़दी येह।


ख्‍या राहङला च्‍यी़राङ ख्‍येप्‍साङ ओहङगे दाङ छ्य़ेन्‍दो तेन्‍ज्‍येला च्‍यिॱआङ ल़ेहया़ माहबे यिहॱनाङ स्‍यिहवा पेहती राहङ म़ेदी लेहमेन छ्यिम्‍बु यिहन म़ेदी सेमला ने़दोङ।


ङाहती किन्‍ज्‍योगीॱराङ ख्‍याया़ती कोहपु काहल्‍ग्‍यो से़हया़ छाङबु ज़ो नाङज्‍ये येह। मास्‍यीका येशू ङ्याम्‍बु येहकेन किन्‍ज्‍योकी नाहमॱआङ मे़ह-चो़हएँकी क्‍युह लाहमले ख्‍याया़ला कोहएँगी से़हया़ नाङज्‍ये येह।


खुङया़ला मिह थाम्‍ज्‍यीगी तेहन्‍दाला छ्यिम्‍बु तिहङ-रिहङबुगी तेहन्‍दा खा फे़ तेर्केन किन्‍ज्‍योकी राहङगी ज़ोक्‍योकी च्‍याहम्‍दा यिहम्‍बा। तिहङ-रिहङबुगी ताम दिराङ यिहम्‍बा, मास्‍यीका ख्‍या ङ्याम्‍बु ज़्‍य़ू नाङदी येहबा। दिगी तेहन्‍दा किन्‍ज्‍योगी ज़िज्‍यिदला ख्‍यागी बो ज्‍योर्च्‍ये येह।


यिहन्‍ज्‍येनी ङाहगी तोहङले चो़वो येशूला ङ्याप्‍च्‍यु पेहसीन, तुहक्‍पु तेर्सीन ओहले स्‍ये़हन्‍डील पेहसीन। ओ़ह ती़हजीला ङाहगी चो़वो येशूला यिह मा़हछ्येबा येहकें ओहले दि थाम्‍ज्‍यी तामया़ ङाहगी ङोह मा़हस्‍येबा पेहती पेहक्‍यो सोङबे किन्‍ज्‍योगी ङाहला थुज्‍यी ज़ी़ नाङसीन।


येशू मास्‍यीका तिहक्‍च्‍येम्‍बाया़लाॱराङ थार च्‍य़ू नाङज्‍येला दि जाम्‍बुलीङला फेप नाङग्‍यो यिहम्‍बा, दि सुङ मिह थाम्‍ज्‍यीगी ची़ कोहकेन्‍गी तेहन्‍दामकी ताम यिहम्‍बा। ओहले तिहक्‍च्‍येम्‍बाया़ नाहङला ङाह थाम्‍ज्‍यी म़ेदी छ्येस्‍यो यिहम्‍बा।


ओ़ह सोङबे ङाहगी लेहमेन क्‍यिहपागी मिहया़ला तेहपा दाङ तेहन्‍दामला लुहङ प्रा-साल्‍ज्‍येला चो़वोगी ङाहला ल़ेह-पेन दाङ लोबेन ज़ो नाङसीन। ङाहगी तेहम्‍बाराङ माक्‍यो यिहम्‍बा, स्‍योप क्‍याहप्‍ती म़ेह।


ओ़ह या़हबु लेहङगु स्‍येच्‍येलाॱराङ किन्‍ज्‍योगी ङाहला या़हबु लेहङगु स्‍येकेन्‍गी मिह, ल़ेह-पेन दाङ लोबेन ज़ो नाङसीन।


ओ़ह सोङबे छ्युक्‍पु डोज्‍येला मेहला सा़क्‍योकी सेर ओहले राहङदी च्‍येहन्‍डामु ज़ुबु उप्‍च्‍येला काप्‍च्‍या कार्पु ओहले ख्‍येगी थोङ ख़ूज्‍यु म़ेदी ख्‍येती मी़ला कुज्‍येला मालाम, दि थाम्‍ज्‍यी ङाह ङ्याम्‍बु ङ्ये़हदोङ म़ेदी ङाह ख्‍येला टे़ह-रिहम तेर्के।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ