Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




एफिसी 3:7 - ह्योल्‍मो

7 किन्‍ज्‍योगी ओङगी छ्या़ले लाहमले मिहरोगी ङाहला काटीन जे-नाङदी काबाप नाङसीन ओहले ङाह या़हबु लेहङगु स्‍येकेन्‍गी योक्‍पु काहल्‍सीन।

အခန်းကိုကြည့်ပါ။ ကော်ပီ




एफिसी 3:7
22 ပူးပေါင်းရင်းမြစ်များ  

यिहॱनाङ चो़वो छ्येवागी हननिया़ला सुङ नाङसीन, “ख्‍ये सोङ, च्‍यिबेमाना लेहमेन क्‍यिहपाया़ला, क्‍याहल्‍बुया़ला ओहले इस्राएली छार्क्‍यीनया़गी दिनला ङाहगी मिहन ङोह स्‍य़े च्‍य़ूज्‍येला ङाहगी खोला दाम्‍दी येह।


मास्‍यीका लाहमले किन्‍ज्‍योगी ङ्यिहला काटीन दाङ ल़ेह-पेनगी छ्या़ले नाङसीन। लेहमेन क्‍यिहपागी मिह थाम्‍ज्‍यीगी तेहपा पेहती मिहरोगी सुङ नाङग्‍योकी स्‍याहल ङ्यिहन्‍ज्‍यु म़ेदी मिहरोगी तेहन्‍दाला किन्‍ज्‍योगी छ्या़लेला कुल नाङसीन।


च्‍यिबेमाना किन्‍ज्‍योगी ङाहला नाङग्‍यो काटीन लाहमले ख्‍या थाम्‍ज्‍यीला ङाह ओहर-छ्य़े स्‍युहउ येह, का़हन्‍दीगी राहङला काहन्‍डुमु ऩे कोहएँ यिहम्‍बा ओ़ह म़ेदी ल्‍हाक्‍पु मा़हनेज्‍यु, यिहॱनाङ ख्‍याला किन्‍ज्‍योगी काहजे यिह-छ्य़े नाङग्‍यो येहबा ओ़हला ते़बेकी साम्‍लु ताङदोङ।


लेहमेन क्‍यिहपाया़गी तेहन्‍दाला किन्‍ज्‍योगी ङाहला मास्‍यीका येशूला स्‍याहप्‍तो स्‍युहएँकी मिह ज़ो नाङसीन। लेहमेन क्‍यिहपाकी मिहया़ नाम्‍पार-ताहक्‍पा थु लाहमले चाङमा काहल्‍दी किन्‍ज्‍योकी थु ङ्ये़बाकी डेल्‍बा ओहङ ख़ूज्‍यु म़ेदी मिहरोगी ङाहला राहङदी या़हबु लेहङगु स्‍येच्‍येला पूजाहारीगी ल़ेहया़ चि क्‍याहप नाङसीन।


यिहॱनाङ ताहन्‍दा ङाह काह-ठि येहबा, ओ़ह थाम्‍ज्‍यी किन्‍ज्‍योगी काटीनगीॱराङ यिहम्‍बा ओहले मिहरोगी ङाहगी मिहजीला जे नाङग्‍योकी काटीन स्‍यिती काम्‍बुला थोरो माहकाहल। तोहरोङ खुङया़गी म़ेदीॱआङ माहङबु ङाहगी तुहक्‍पु पेहसीन। यिहॱनाङ ङाहगी मिहम्‍बा, ङाह ङ्याम्‍बु ज़्‍य़ू नाङगे किन्‍ज्‍योगी काटीनगी यिहम्‍बा।


अपोल्‍लोस सु यिहम्‍बा? ओहले पावल सु यिहम्‍बा? ङ्यिह ङ्यी़नी ख्‍याया़ला किन्‍ज्‍योला ख्‍योङगेन्‍गी किन्‍ज्‍योकी स्‍याहप्‍तो स्‍युहएँगी मिहया़ च्‍यी़राङ यिहम्‍बा। चो़वोगीॱराङ कुल नाङग्‍योकी छ्या़ले ङ्यिहगी पेहको येह।


साम्‍बा ताहम्‍ज्‍याला स्‍याहप्‍तो स्‍युहएँगी मिहया़ डोज्‍येला मिहरोगी ङ्यिहला सी़हएँगी मिहया़ ज़ो नाङसीन, प्रुहक्‍योगी यिहगीला मिहम्‍बा, यिहॱनाङ थुला। च्‍यिबेमाना प्रुहक्‍योगी यिहगीगीनी सेकें, यिहॱनाङ थुगीनी मिहली नाङगे।


ओ़ह सोङबे किन्‍ज्‍योगी काटीन लाहमले ङ्यिहगी दि छ्या़ले ज़्‍योरक्‍यो सोङबे ङ्यिह सेम मा-फाम्‍बु मेहबेकें।


पत्रुसला यहूदीया़की पाहरक्‍यीला या़हबु लेहङगु प्रा-साल्‍ज्‍येला ल़ेह-पेन ज़ो नाङगे किन्‍ज्‍योगीॱराङ ङाहॱलाङ लेहमेन क्‍यिहपाकी मिहया़गी पाहरक्‍यीला या़हबु लेहङगु स्‍येकेन्‍गी ल़ेह-पेन ज़ो नाङग्‍यो यिहम्‍बा।


ओहले ओहराङ यिह छ्य़ेगेया़गी तेहन्‍दाला मिहरोकी चा़ छ्यिम्‍बु ओङ च्‍यि यिहम्‍बा, ओ़ह ख्‍याया़गी ङोह स्‍य़े ख़ूज्‍यु म़ेदी ङाह सोल्‍वाङ ताप्‍के।


ख्‍याया़गी तेहन्‍दाला ङाहला चि क्‍याहप नाङग्‍यो किन्‍ज्‍योकी काटीनकी ठालगी तेहन्‍दाला ख्‍याया़गीॱआङ थे़दी येह म़ेदी ङाहला ने़दी येह।


ओहराङ नाहङला छ्या़ले जे नाङगे मिहरोकी ओङ लाहमले ओहराङगी लाङग्‍यो दाङ सेमला ने़क्‍यो म़ेदीॱआङ माहङबु जेती नाङ थुप्‍कें,


मास्‍यीकाकी नाम्‍पार-ताहक्‍पा मिहया़ नाहङला ङाह थाम्‍ज्‍यी म़ेदी फेनराङ मे़हथोएँ येहॱनाङ मिहकी नावागी ङोहॱराङ स्‍य़े मी़हखुएँ मिहरोकी क्‍युहकी या़हबु लेहङगु लेहमेन क्‍यिहपाकी मिहया़ला स्‍येकेन्‍गी काटीन किन्‍ज्‍योगी ङाहला नाङसीन।


मिहरोगी ओङ चो़ला थाम्‍ज्‍यी लेहमेन लेहमेन ओङबुया़ डी़दी तेहक्‍यो ओहङगे ओहले ज़ुबु थाम्‍ज्‍यीराङ ठाबे-ठाबे ग्‍या़या़ला थिती तेहक्‍यो येहबा। थाम्‍ज्‍यी ओङबुया़गी राहङ-राहङगी पेह कोहएँगी ल़ेहया़ पेहसीनमाना ज़ुबु रेबेॱराङ चेवाला याहरक्‍यी पेहती डोएँ।


मास्‍यीकागी नाङग्‍यो ङाह नाहङला छ्या़ले जे नाङगे वाङज्‍या छ्यिम्‍बुगीॱराङ ङाह सेम तिहङ यिहन्‍ज्‍युराङ कादुप च्‍येती दि ल़ेह पेहकें।


ओ़ह सोङबे दिगी तेहन्‍दाला ङ्यिहगीॱआङ किन्‍ज्‍योला नाहम माॱनाङ थुज्‍यी-छ्ये़ फुल्‍गे, च्‍यिबेमाना ङ्यिहगी ख्‍या फ़ेबे-म़ेहमेया़ला किन्‍ज्‍योगी लुहङ स्‍येकेमु ख्‍या फ़ेबे-म़ेहमेया़गी दि लुहङ ङ्यिहती मिहम्‍बा यिहॱनाङ दि लुहङ किन्‍ज्‍योदीॱराङ यिहम्‍बा म़ेदी ची़सीन। यिहन्‍ज्‍येॱआङ दि तेहम्‍बाराङ किन्‍ज्‍योदीॱराङ लुहङ यिहन्‍गे। ता़ह यिह छ्य़ेगे ख्‍या फ़ेबे-म़ेहमेया़गी पाहरक्‍यीला दि लुहङगी छ्या़ले जे नाङगेराङ येहबा।


ख्‍याया़ला नामे-नाजो या़हबु गीनया़गी छाङबु ज़ो नाङज्‍यु, ओहले ख्‍याया़गी मिहरोगी थु-सेम तेहन्‍दा डुप च्‍य़ू ख़ूज्‍यु। ख्‍याया़गी मिहरोला थु ङ्ये़एँगी ल़ेह पेह ख़ूज्‍यु म़ेदी येशू मास्‍यीका लाहमले मिहरोगी ख्‍याया़गी सेमला छ्या़ले जे नाङज्‍यु। नाहम्‍स्‍यी किन्‍दु येशू मास्‍यीकाकी ज़िज्‍यिद ओहङज्‍यु।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ