एफिसी 2:15 - ह्योल्‍मो

¹⁵ मिहरोगी इस्राएली दाङ लेहमेन क्‍यिहपाकी मिहया़ला थि नाङज्‍येला ओहले मिहरो लाहमले क्‍यिहपा साम्‍बा च्‍यी़ ज़ो नाङज्‍येला मिहरोगी छ्य़े-ठिमकी काया़ ओहले पे-ठिमया़ला राहङ ज़ुबु लाहमले च्‍ये नाङदी येह।

एफिसी 2:15 ပူးပေါင်းရင်းမြစ်များ

२ कोरिन्‍थी 5:17

ओ़ह सोङबे का़हन्‍दीगी मास्‍यीकाला यिह-छ्य़े पेहकेन खो ता़ह मिह साम्‍बा काहल्‍सीन। ता़ह निङबा से़हया़ टाहल्‍दे काहल्‍सीन, त़ेदोङ ता़ह थाम्‍ज्‍यीराङ से़हया़ साम्‍बा काहल्‍दी येहबा।

गलाती 3:10

छ्य़े-ठिमकी ल़ेहया़ थो़ला यिह छ्य़ेगे मिह थाम्‍ज्‍यीला मे़मु सू़हदे येहबा, च्‍यिबेमाना छ्य़ेला दि ल़ेहमु प्री़हदे येहबा, “छ्य़े-ठिमला प्रुहक्‍योकी थाम्‍ज्‍यीराङ काया़ मी़हचीगे दाङ मिहङ्यीहन्‍गे मिह थाम्‍ज्‍यीला मे़मु सू़हज्‍ये येह।”

गलाती 3:28

ओ़ह सोङबे यहूदी मिह यिहॱना़ यिहन, लेहमेन क्‍यिहपागी मिह यिहॱना़ यिहन, योक्‍पु यिहॱना़ यिहन, सुज्‍यीदीॱआङ ओङ चो़ला ज्‍युल्‍दी माहतेहबाकी मिह यिहॱना़ यिहन, क्‍येप-ख्‍योवा यिहॱना़ यिहन, पी़हमी-पेहजा यिहॱना़ यिहन, येशू मास्‍यीकाला ख्‍या थाम्‍ज्‍यी च्‍यी़राङ यिहम्‍बा।

गलाती 6:15

स्‍या-ताक पेहॱनाङ, स्‍या-ताक मेहबेॱनाङ ओ़हला च्‍यिॱआङ ख्‍येपार म़ेह। यिहॱनाङ थाम्‍ज्‍यी म़ेदी छ्यिम्‍बु केच्‍याती दिराङ यिहम्‍बा– मास्‍यीका लाहमले मिहली साम्‍बा ज्‍योर्के दिराङ थाम्‍ज्‍यी म़ेदी चा़ छ्यिम्‍बु यिहम्‍बा।

एफिसी 2:10

च्‍यिबेमाना ओहराङ या़हबु ल़ेहया़की तेहन्‍दाला मास्‍यीका येशूला ज़ो नाङग्‍योकी किन्‍ज्‍योकी छ्या़की छ्या़लेया़ यिहम्‍बा। ओहराङगी ओ़ह या़हबु ल़ेहया़ पेहच्‍यु सुङदीमाराङ किन्‍ज्‍योगी तोहङ यिहन्‍ज्‍युराङ ठाबे जे नाङग्‍यो येहकें।

एफिसी 2:14

च्‍यिबेमाना ओहराङला स्‍य़िहदे नाङगेन्‍दीनी मिह-रो़हराङ यिहन। मिहरोगी यहूदी दाङ लेहमेन क्‍यिहपाकी मिह ङ्यिकालाराङ च्‍यी़राङ ज़ो नाङदी येह, ओहले ओहराङला खा फे़ च्‍य़ूगे टाहकी चिक्‍पाला मिहरोगी रोम नाङदी येह।

एफिसी 2:16

ओहले मिहरोगी क्‍याहङस्‍यीङ लाहमले ओहराङ ङ्यी़ला ज़ुबु च्‍यी़ला किन्‍ज्‍यो ङ्याम्‍बु थु च्‍य़ू नाङसीन ओहले ओ़ह क्‍याहङस्‍यीङ लाहमलेॱराङ मिहरोगी टाहला तोङ च्‍य़ू नाङसीन।

एफिसी 4:16

मिहरोगी ओङ चो़ला थाम्‍ज्‍यी लेहमेन लेहमेन ओङबुया़ डी़दी तेहक्‍यो ओहङगे ओहले ज़ुबु थाम्‍ज्‍यीराङ ठाबे-ठाबे ग्‍या़या़ला थिती तेहक्‍यो येहबा। थाम्‍ज्‍यी ओङबुया़गी राहङ-राहङगी पेह कोहएँगी ल़ेहया़ पेहसीनमाना ज़ुबु रेबेॱराङ चेवाला याहरक्‍यी पेहती डोएँ।

कलस्‍सी 2:14

ओहले मिहरोगी ओहराङला ङ्य़ेहबा काल्‍ज्‍येला प्रुह नाङग्‍योकी थाम्‍ज्‍यी स्‍युगुया़ दाङ ठिमया़ला क्‍याहङस्‍यीङला च्‍याङदी च्‍ये नाङसीन।

कलस्‍सी 2:20

ख्‍याया़नी मास्‍यीका ङ्याम्‍बुराङ स्‍यिक्‍यो सोङबे ता़ह दि जाम्‍बुलीङकी पे-ठिम यिहन्‍ज्‍यु टोहल सिहन्‍दी येह। ता़ह येहपाराङ ख्‍याया़ च्‍यिबे दि जाम्‍बुलीङगी मिहया़ ल़ेहमुराङ पेहती राहङगी मिहजी ताङगे? दिनी ल़ेहला च्‍य़ूज्‍ये मेहयोहङगे, दिनी साहज्‍ये मेहयोहङगे, दि दे़ज्‍ये मेहयोहङगे माएँ पे-ठिमया़ॱराङ ख्‍यागी च्‍यिबे ची़गे?

कलस्‍सी 3:10

ता़ह ख्‍यागी साम्‍बा पेहताङया़ लेहन्‍दी येह। ख्‍या ङ्यिहमा टाहङमा ख्‍याला ज़ो नाङगे किन्‍ज्‍यो ल़ेहमु पेहती डोएँमु ख्‍यागी मिहरोगी तेहन्‍दाला येहन्‍देन छाङबु ज्‍योर्च्‍ये येह।

कलस्‍सी 3:11

ओ़ह सोङबे दि साम्‍बा मिहजीला ग्रीक दाङ यहूदी, स्‍या-ताक पेहक्‍यो दाङ स्‍या-ताक माहबेबा, यिहगी मे़हस्‍येगेन दाङ रिहदोङ क्‍यिलगी मिह, योक्‍पु पेहक्‍यो दाङ माहबेबाला च्‍यिॱआङ ख्‍येपार म़ेह, यिहॱनाङ मास्‍यीकाॱराङ ना थाम्‍ज्‍यी यिहम्‍बा, ओहले मिहरो थाम्‍ज्‍यी ङ्याम्‍बु ज़्‍य़ू नाङदी येह।

कलस्‍सी 3:15

मास्‍यीकागी नाङगेन स्‍य़िहदेगी ख्‍याया़गी सेमला ओङ छ्य़े नाङज्‍यु। तेहम्‍बाराङ, ख्‍या सेम लो तेहमु पेहती राहङगी मिहजी ताङज्‍येगी तेहन्‍दाला ज़ुबु च्‍यी़लाॱराङ क़े क्‍याहप नाङग्‍यो यिहम्‍बा। ख्‍याया़गी थुज्‍यी-छ्ये़ फुल्‍दोङ।

हिब्रू 7:16

किन्‍ज्‍योगी मिहया़ला नाङग्‍यो का दाङ पे-ठिम लाहमले मिहरो पूजाहारी काहल्‍ग्‍यो मिहन, यिहॱनाङ मिहरो नाहमॱआङ मिहस्‍यीएँगी मिहलीकी ओङ लाहमले पूजाहारी काहल्‍ग्‍यो यिहम्‍बा।

हिब्रू 8:13

दि ताहम्‍ज्‍याला “साम्‍बा ताहम्‍ज्‍या” सुङ नाङग्‍यो सोङबे तोहङमागी ताहम्‍ज्‍याला मिहरोगी निङबा ज़ो नाङसीन। ओहले ओ़ह ताहम्‍ज्‍या बिन्‍दु पेहती डोएँ, ओहले तोङदी डोज्‍ये येह।

हिब्रू 9:23

स्‍यिहङगामला येहकेनया़ला पे त़ेदी मिहया़गी ज़ोक्‍यो से़हया़ला दिठीॱराङ पेहती चाङमा ज़ो कोहउ येहकें। यिहॱनाङ स्‍यिहङगामलाराङ येहकें से़हया़लानी जेन या़हस्‍यो मार्च्‍ये फुल कोहसीन।