एफिसी 2:1 - ह्योल्‍मो

¹ तोहङले ख्‍याया़गी किन्‍ज्‍योकी काया़ माहङ्यीहम्‍बा सोङबे ओहले तिहक्‍पा च्‍यी़राङ तिहक्‍पा पेहक्‍यो सोङबे ख्‍याया़ किन्‍ज्‍योकी ज़ी़दाङला स्‍यि सिहन्‍ग्‍यो येहकें।

एफिसी 2:1 ပူးပေါင်းရင်းမြစ်များ

मत्ती 8:22

यिहॱनाङ येशूगी खोला सुङ नाङसीन, “रोहगीॱराङ खो राहङगी रोह तो़हज्‍यु, ख्‍येदी ङाहला ताहदा क्‍याहप्‍ती स्‍यो!” म़ेदी सुङ नाङसीन।

लूका 15:24

च्‍यिबे मासीमाना दि ङाहगी पुह स्‍यिक्‍यो येहकें, यिहॱनाङ नाहरे थार्ती येह, तोरक्‍यो येहकें, यिहॱनाङ नाहरे च्‍य़ेह सिहन्‍दी येह।’ म़ेदी खुङया़ क़ेहनाङ पेहती डेन साहज्‍ये छ़ूसीन।”

लूका 15:32

ओ़ह सोङबे तिहरीङ ओहराङगी डेन से़हदी खाम्‍साङबु पेहक्‍यो ठाबेराङ यिहम्‍बा च्‍यिबे मासीमाना स्‍यिक्‍यो ओ़ह ख्‍येगी नो़ह सोम्‍बो च्‍य़ेह सिहन्‍सीन, खो तोरक्‍यो येहकें ता़हनी ज्‍योर्सीन’!”

यूहन्‍ना 10:10

कुमेननी कुमेन क्‍याहप्‍च्‍ये, सेच्‍ये दाङ तोङ च्‍य़ूज्‍ये म़ेदी ओहङगे। यिहॱनाङ ङाहनी ख्‍याया़गी मिहली ज़ाङबु ज्‍योर ख़ूज्‍यु ओहले ओ़ह म़ेदीॱआङ माहङबु माहङदे फोएँ थु ज्‍योर ख़ूज्‍यु म़ेदी ओहङसीन।

यूहन्‍ना 14:6

ओहले येशूगी खोला सुङ नाङसीन, “लाहम, तेहन्‍दाम दाङ मिहली ङाहराङ यिहन। ङाह लाहमले पेहती मिहम्‍बानी सुज्‍यीॱआङ याहप्‍च्‍येन आबासाला लेप मी़हखुएँ।

यूहन्‍ना 5:21

च्‍यिबेमाना काह-ठि जेती याहपगी स्‍यिक्‍योया़ला सोम्‍बो लो़ह च्‍य़ू नाङगे ओहले खुङया़ला मिहली नाङगे, ओ़हठीॱराङ पेहती स़ेबुगीॱआङ का़हन्‍दीला थु ङ्ये़गे ओ़हदीला मिहली नाङगे।

यूहन्‍ना 5:25

तेहम्‍बाराङ ङाह ख्‍याला माएँ, ओ़ह ती़हजी ओहङगेॱराङ येह, ओहले ओ़ह ती़हजीदी ताहन्‍दाॱराङ यिहन, दि ती़हजीला स्‍यिक्‍यो मिहया़गी किन्‍ज्‍योकी स़ेबुगी सुङ-क़े थे़ज्‍ये येह ओहले ङ्यिहन्‍गेया़ थार्च्‍ये येह।

रोमी 8:2

तिहक्‍पा दाङ स्‍यिवाकी छ्य़े-ठिम लाहमले ङाहला मिहली नाङगेन थुगी, छ्य़े-ठिमगी मास्‍यीका येशूला खा फे़ नाङदी येह।

१ कोरिन्‍थी 15:45

ओ़ह सोङबे छ्य़ेला दि ल़ेहमु प्रुहक्‍यो येहबा, “तोहङस्‍यो मिह आदमदी मिहली ज्‍योर्केन्‍गी मिह येहकें।” यिहॱनाङ तिङस्‍यो आदमदी मिहली नाङगेन्‍गी थु काहल्‍सीन।

२ कोरिन्‍थी 5:14

ङ्यिहनी मास्‍यीकागी चेवागी ओङ चो़ला येहबा। च्‍यिबेमाना मास्‍यीका मिह थाम्‍ज्‍यीगी तेहन्‍दाला टोहङ नाङसीन ओ़ह सोङबे ङ्यिह थाम्‍ज्‍यी स्‍यिसीन दि केच्‍या ङ्यिहला क्‍यी़ह येहबा।

एफिसी 4:18

खुङया़गी नावा ना़-जुबे काहल्‍दी येह। खुङगी किन्‍ज्‍योला ङोह स्‍ये़ज्‍ये माहछोल्‍बा सोङबे खुङ किन्‍ज्‍योलेगी था़-रिहङबु काहल्‍दी येह। ओ़ह सोङबे खुङया़गी सेम सान्‍दी काहल्‍सीन ओहले ङोह मे़हस्‍येगे काहल्‍सीन। ओहले खुङया़गी नावा ना़-जुबेगी काहङदी येह।

एफिसी 5:14

ओ़ह सोङबे छ्य़ेला दि ल़ेहमु सुङ नाङदी येह, “ए ङ्यि लो़हदी तेहक्‍योया़ ङ्यि स़ेतोङ ओहले स्‍यिक्‍योया़लेगी लोहङ, ओहले मास्‍यीकागी ख्‍याया़ला येहसेर नाङज्‍ये येह।”

कलस्‍सी 2:13

ती़हजी च्‍यी़ला ख्‍या स्‍यि सिहन्‍ग्‍यो येहकें च्‍यिबेमाना ख्‍या तिहक्‍च्‍येम्‍बा येहकें ओहले ख्‍या स्‍या-ताक माहबेबाकी लेहमेन क्‍यिहपाकी मिहया़ यिहन्‍गे, यिहॱनाङ किन्‍ज्‍योगी ओहराङदी थाम्‍ज्‍यीराङ तिहक्‍पाया़ कोहङदा नाङदी मिहरो ङ्याम्‍बुराङ सोम्‍बो ज़ो नाङसीन।

१ तिमोथी 5:6

यिहॱनाङ का़हलेॱआङ ह्‍युग्‍मोगी राहङगी मिहजी ङ्याहमसाङ-खाम्‍साङ च्‍यी़राङ पेहती ताङसीमाना मोह सोम्‍बो यिहॱनाङ स्‍यिक्‍यो ल़ेहमुराङ यिहम्‍बा।

१ यूहन्‍ना 3:14

ओहराङगी आदा-नो़ह दाङ आज्‍यी-नुहमुया़ला चेवा पेहक्‍यो सोङबेॱराङ ओहराङ स्‍यिवा च्‍येती मिहलीला पो सिहन्‍दी येहबा माएँ ताम ओहराङला क्‍यी़ह येहबा। का़हन्‍दीगी चेवा मेहबेकें, खो स्‍यिवालाॱराङ लिहकें।

ज्‍याल्‍गा 3:1

“सार्डिस छेन्‍छोकला चारा पेहकेन्‍गी स्‍यिहङगामकी स्‍याहप्‍च्‍यीला दि ताम प्री़हदोङ: ‘कार्मा तिहन दाङ किन्‍ज्‍योकी थु तिहन नोम्‍गेन्‍दीगी दि ल़ेहमु सुङ नाङगु दु। ख्‍याती ल़ेहया़ ङाहला क्‍यी़ह येह, ख्‍याया़ सोम्‍बो येह म़ेदी लोहङटी काहल्‍दी येहबा, यिहन्‍ज्‍येनी माज्‍येराङ माना ख्‍याया़ स्‍यि सिहन्‍दी येह।