एफिसी 1:7 - ह्योल्मो7 किन्ज्योगी काटीन था़ म़ेहबा येहकें सोङबे मास्यीकाकी ठा़ लाहमले ओहराङगी येशूला थार्पा ज्योर सिहन्दी येहबा ओहले ओहराङगी पेहक्यो तिहक्पाया़ थाम्ज्यीराङ ता़ह सिहन्दी येह। အခန်းကိုကြည့်ပါ။ |
एफिसी 1:7
67 ပူးပေါင်းရင်းမြစ်များ
च्यिबेमाना किन्ज्योगी, तिहक्पा कोहङदा तेर्केन्की मार्च्ये फुल्ज्येला मास्यीकाला ताङ नाङसीन। ओ़ह सोङबे येशूगी राहङगी कु-ठा़ ओहराङगी तेहन्दाला स्याहल च्य़ू नाङसीन म़ेदी यिह छ्य़ेगे मिह थाम्ज्यीगी तिहक्पाकी कोहङदा ज्योर्च्ये येह। दि छ्या़ले किन्ज्योगी राहङगी टाहङदेन तेन्ज्येला जे नाङसीन च्यिबेमाना मास्यीका फेप नाङगे म़ेदी तोहङले किन्ज्योगी राहङगी थुयाल ना़दी ज़्य़ू नाङदी येहकें ओहले तोहङले मिहया़गी पेहक्यो तिहक्पाया़ला नाङदा जे माहनाङ।
च्यिबेमाना दि लाहमले ख्या यिह-छ्य़ेला सान्दी डो ख़ूज्यु ओहले च्यी़गी च्यी़ला चेवा पेहती ख्या च्यी़राङ डो ख़ूज्यु। दि ल़ेहमु पेह फान्ज्यो किन्ज्योकी तिहङ-रिहङबुकी येहन्देन ङोह स्य़े ख़ूएँ दु म़ेदी ख्या राहङगी तेहम्बाराङ क्यी़ह ज्योर्च्ये येह। ओहले तिहङ-रिहङबुगी येहन्देनदी मास्यीका यिहम्बा।
खुङगी पी़हमी-पेहजाया़ ङ्याम्बु ल़ेह चोक्पा माहबेबा पेहती राहङला चाङमा ज़्या़दी येहकें। ल़ूह स्ये़बु का़ह-का़हला फेप नाङगे मिहरोकी तिङदा तिङ ताहदा क्याहप्ती डोएँया़ दिया़राङ यिहन्गे। खुङया़ किन्ज्यो दाङ ल़ूह स्ये़बुकी तेहन्दाला मिहया़गी पाहरक्यीले रिहन च्याल्दी खा फ़ेदी ज़्या़क्योगी फी़ ल़ेहमु यिहम्बा।
ကြော်ငြာတွေ