एफिसी 1:4 - ह्योल्मो4 किन्ज्योगी जाम्बुलीङ छ्या़ च्य़ू नाङगे म़ेदी तोहङलेराङ मास्यीका लाहमले ओहराङला मिहरोगी दिनला नाम्पार-ताहक्पा दाङ च्यिॱआङ क्येन म़ेहबा ओहङ ख़ूज्यु म़ेदी दाम नाङदी येहकें। အခန်းကိုကြည့်ပါ။ |
एफिसी 1:4
55 ပူးပေါင်းရင်းမြစ်များ
च्यिबेमाना दि लाहमले ख्या यिह-छ्य़ेला सान्दी डो ख़ूज्यु ओहले च्यी़गी च्यी़ला चेवा पेहती ख्या च्यी़राङ डो ख़ूज्यु। दि ल़ेहमु पेह फान्ज्यो किन्ज्योकी तिहङ-रिहङबुकी येहन्देन ङोह स्य़े ख़ूएँ दु म़ेदी ख्या राहङगी तेहम्बाराङ क्यी़ह ज्योर्च्ये येह। ओहले तिहङ-रिहङबुगी येहन्देनदी मास्यीका यिहम्बा।
तोहङ यिहन्ज्युराङ राहङगी ज़ो नाङग्योगी च्याहम्दा लाहमले जेती किन्ज्यो याहपकी ख्याया़ला राहङदीराङ नाम्पार-ताहक्पा मिहया़ ज़ो नाङज्येला दाम नाङग्यो यिहम्बा। येशू मास्यीकाकी ठा़गी नाम्पार-ताहक्पा काहल्दी मिहरोकी काया़ ख्याया़गी ची़ ख़ूज्यु म़ेदी किन्ज्योगी ख्याया़ला नाम्पार-ताहक्पा थु लाहमले राहङदी ज़ो नाङसीन। किन्ज्योगी ख्याया़ला काटीन दाङ स्य़िहदे माहङबु म़ेदी माहङबु नाङज्यु।
यिहॱनाङ ख्याया़नी दाम्ग्योगी मिहया़, क्याहल्बुला स्याहप्तो स्युहएँगी पूजाहारी, नाम्पार-ताहक्पा क्यिहपाया़, किन्ज्योगी राहङदीराङ मिहया़ यिहम्बा। मिहरोगी ख्याया़ला ना़-जुबेलेगी याहम्जेन छ्येवा जेती क्या-साङेला नोम फेन नाङसीन च्यिबेमाना ख्याया़गी किन्ज्योकी याहम्जेन छ्येवागी छ्या़लेया़ मिहया़ला स्युक छ्यिम्बु पेहती स्ये ख़ूज्यु म़ेदी यिहम्बा।
ओ़ह सेम्ज्येन तोहङले सोम्बो येहकें यिहॱनाङ ताहन्दादी म़ेह। ओ़हदी साप्स्यी तिहङले थेन्ज्ये येह ओहले तोङज्ये येह। ओहले जाम्बुलीङ छ्या़ले यिहन्ज्यु मिहलीगी छ्य़ेला मिहन मा़हप्रीहबा जाम्बुलीङगी मिहया़गी ओ़ह सेम्ज्येनला थोङदी ह्अ ल़ेहज्ये येह च्यिबेमाना खो सोम्बो येहकें, ताहन्दा स्यिदी येह। यिहॱनाङ खो येहपाराङ ओहङज्ये येह।
ကြော်ငြာတွေ