Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




एफिसी 1:22 - ह्योल्‍मो

22 ओहले किन्‍ज्‍योगी थाम्‍ज्‍यीराङ से़हया़ मास्‍यीकाकी स्‍याहप चो़ला ज़्‍या़ नाङसीन, ओहले मिहरोला ना थाम्‍ज्‍यीराङ से़हया़ला छेन्‍छोकती गो-छ्येस्‍यो ज़ो नाङसीन।

အခန်းကိုကြည့်ပါ။ ကော်ပီ




एफिसी 1:22
18 ပူးပေါင်းရင်းမြစ်များ  

ता़ह ङाह ख्‍येला माएँ, ख्‍ये पत्रुस यिहम्‍बा। ङाह राहङगी छेन्‍छोक दि तोह-पा़रा थो़ला ज़ोएँ ओहले ङ्याल्‍वागी कोहया़गी ओ़ह थो़ला क्‍याहल ख़ूज्‍ये म़ेह।


ता़हनी ख्‍याराङॱआङ जेम्‍बु पेहतोङ, ओहले नाम्‍पार-ताहक्‍पा थुगी ख्‍याला च्‍योल नाङग्‍योकी छो़बाया़लाॱआङ या़हबु पेहती त़ेदोङ। किन्‍ज्‍योगी छेन्‍छोकला या़हबु पेहती कोहरोवा जे नाङदोङ च्‍यिबेमाना चो़वो छ्येवा येशूगी ओ़ह मिहया़ला राहङदीराङ ठा़ स्‍याहल च्‍य़ू नाङदी ङ्योह नाङग्‍यो यिहन।


यिहॱनाङ मास्‍यीकाॱराङ मिह थाम्‍ज्‍यीगी गो़ यिहम्‍बा म़ेदी ख्‍या थाम्‍ज्‍यीगी ह्‍अ के़हदोङ। पी़हमीगी गो़ मोहगी ख्‍योवा यिहम्‍बा, ओहले मास्‍यीकागी उ किन्‍ज्‍यो यिहम्‍बा।


किन्‍ज्‍योलाॱराङ काल्‍बा-काल्‍बा थु छेन्‍छोक दाङ मास्‍यीका येशूला नाहम्‍स्‍यी किन्‍दुॱराङ ज़िज्‍यिद ओहङज्‍यु। आमेन।


च्‍यिबेमाना छेन्‍छोक मास्‍यीकाकी कुसो ओहले मास्‍यीकाती छेन्‍छोकला थार्पा नाङगेन्‍गी उ यिहन्‍गे ल़ेहमुराङ पी़हमीगी गो़दी ख्‍योवा यिहम्‍बा।


मास्‍यीकाला यिह-छ्य़े पेहकेंन छेन्‍छोकया़दी ज़ुबु यिहम्‍बा, ओहले ओ़ह ज़ुबुगी गो़दी मास्‍यीकाॱराङ यिहम्‍बा। ओ़ह छो़बाया़ला मिहली साम्‍बा नाङगेन्‍दीॱआङ मिह-रो़हराङ यिहम्‍बा। मिहरो थाम्‍ज्‍यीराङ से़हया़ला गो-छ्येस्‍यो थेन ख़ूज्‍यु म़ेदी स्‍यिक्‍योया़ नाहङले सोम्‍बो ज़्‍याङ नाङगेन्‍दी तोहङस्‍यो मिह-रो़हराङ यिहम्‍बा।


ख्‍याया़ला नाम्‍पार-ताहक्‍पा थुगी नाङग्‍यो चेवाकी तेहन्‍दाला खोगीराङ ङ्यिहला स्‍य़ेक्‍यो यिहम्‍बा।


मास्‍यीकाॱराङ थाम्‍ज्‍यी क्‍याहल्‍सी दाङ ओङकी गो़ छ्येस्‍यो यिहम्‍बा। मिह-रो़हलाॱराङ ख्‍याया़ती मिहली छाङबु काहल्‍दी येह।


यिहॱनाङ खुङ मास्‍यीका ङ्याम्‍बु तेहच्‍ये क्‍युर्ती येह। मास्‍यीकाती ज़ुबुकी गो़ यिहम्‍बा। ओहले ज़ुबुला स्‍युक मास्‍यीकागी नाङगे। छी़ दाङ स्‍यागी ज़ुबुला ग्‍या़ च्‍यी़ला ताहम्‍दी ज़्‍या़गे। किन्‍ज्‍योगी ओङगी ओ़ह ज़ुबुला छार च्‍य़ू नाङगे।


का़हलेॱआङ ङाह ओहङज्‍येला यिहन थो़सीमाना किन्‍ज्‍योगी क्‍याहल्‍सीला ओहराङगी डोलु-तेहलु काह-ठि ओहङ कोहकें माएँ ताम दि यिहगी लाहमले ङोह स्‍ये़दोङ। किन्‍ज्‍योगी क्‍याहल्‍सीदी सोम्‍बो ज़्‍य़ू नाङगेन किन्‍ज्‍योकी छेन्‍छोक यिहम्‍बा। दि किन्‍ज्‍योकी क्‍याहल-खाङ, तेहन्‍दामकी काप्‍स्‍यी दाङ ब्राम यिहम्‍बा।


ओहले रेबेॱराङ से़हया़ खोगी ओङ चो़ला ज़्‍या़ नाङसीन।” देला दि ल़ेहमु सुङदी येहबा, “किन्‍ज्‍योगी रेबेॱराङ से़हया़ मिहगी ओङ चो़ला ज़्‍या़ नाङसीन। दिगी तेहन्‍दा दि ल़ेहमु यिहम्‍बा खोगी ओङ चो़ला म़ेहबा से़हया़ च्‍यि स़ेह च्‍यिॱआङ म़ेह।” यिहन्‍ज्‍येनी ताहन्‍दा ना थाम्‍ज्‍यी मिहगी ओङ चो़ला छ्यिक्‍यो ओहराङगी मेहथोङगे।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ