एफिसी 1:20 - ह्योल्मो20 दि ओङ लाहमलेॱराङ मिहरोगी मास्यीकाला टोहङग्योलेगी सोम्बो ज़्याङ च्य़ू नाङसीन ओहले स्यिहङगामला राहङगी योबा ङो़ले ज़्या़ नाङसीन। အခန်းကိုကြည့်ပါ။ |
एफिसी 1:20
33 ပူးပေါင်းရင်းမြစ်များ
सुज्यीगीॱआङ ङाहलेगी ङाहती मिहजी ल़ेहन मी़हखुएँ, यिहॱनाङ ङाहला सेम ने़क्यो सोङबे ङाहती मिहजी चि क्याहप्को येह। ङाहती मिहजी चि क्याहप्केन्गी ओङ ङाह ङ्याम्बु येहबा, ओहले येहपाराङ लो लेहन्गेन्गी ओङॱआङ ङाह ङ्याम्बु येहबा। दि का ङाहती याहप लाहमले ङाहगी ज़्योरक्यो यिहम्बा” म़ेदी येशूगी सुङ नाङसीन।
च्यिबेमाना स्यिहङगाम दाङ जाम्बुलीङला येहकेन रेबेॱराङ से़हया़ किन्ज्योगीॱराङ छ्या़ च्य़ू नाङसीन। मी़गी थोङ ख़ूएँ दाङ थोङ मी़हखुएँगी से़हया़, क्याहल्बु ज़्य़ू नाङगेन्गी ज्यू़-ठिया़, क्याहल्सीया़, ठिम ताङगेया़, ओङ छ्य़ेगेया़, दि थाम्ज्यीराङ से़हया़ किन्ज्योगी मास्यीका लाहमले ओहले मास्यीकाकी तेहन्दालाराङ छ्या़ च्य़ू नाङसीन।
मास्यीकागी किन्ज्योकी ज़िज्यिदकी क्या-साङे तेन नाङगे ओहले मास्यीकाॱराङ किन्ज्योकी तेहम्बा-तेहन्सुम ङ्य़ेहरी यिहम्बा। ओहले मिहरोगी वाङज्या छ्यिम्बु सुङलाॱराङ रेबेॱराङ से़हया़ छ्या़दे येहबा। मिहया़ला तिहक्पालेगी कोहङदा नाङगेन्गी छ्या़ले छार फान्ज्यो मिहरो वाङज्या छ्यिम्बु नोम्गेन किन्ज्योकी योबा ङो़ले ज़्य़ू नाङसीन।
यिहॱनाङ ओहराङगी येशूला थोङ ख़ूएँ। किन्ज्योगी येशूला याहम्बीज्यीगी तेहन्दाला च्यी़राङ स्यिहङगामकी स्याहप्च्यीया़ म़ेदी फेमा ज़ो नाङसीन। किन्ज्योगी काटीन लाहमले मिह थाम्ज्यीगी तेहन्दाला येशू टोहङ नाङसीन। दि तुहक्पु येशूगी खुर नाङग्यो सोङबे किन्ज्योगी मिहरोला ज़िज्यिद दाङ ची़नाङ जेती पेस्यो केन नाङसीन।
ကြော်ငြာတွေ