एफिसी 1:13 - ह्योल्मो13 ओ़ह ल़ेहमुराङ ख्याया़गीॱआङ तेहन्दामगी लेहङगु, पे यिहॱना़: राहङला थार्पा तेर्केन्गी या़हबु लेहङगु ङ्यिहन्दी मास्यीकाला सेमले खाल्सीन ओ़ह ती़हजीलाराङ मिहरोगी राहङगी ताहम्ज्या ज़्या़ नाङग्योकी नाम्पार-ताहक्पा थुगी पार क्याहप नाङसीन। အခန်းကိုကြည့်ပါ။ |
एफिसी 1:13
38 ပူးပေါင်းရင်းမြစ်များ
ओ़ह सुङगोराङ किन्ज्यो याहपगी येशूला राहङ ङ्याम्बुराङ राहङगी योबा ङो़ले ज़्या़ नाङदी येह ओहले राहङगी ताहम्ज्या ज़्या़ नाङग्यो ल़ेहमु जेती येशूला नाम्पार-ताहक्पा थु नाङसीन। ओ़ह नाम्पार-ताहक्पा थुराङ चो़वो छ्येवा येशूगी ताहन्दा ओहराङ थो़ला ज़्या़ नाङदी येह, ओ़ह ताम ख्या फे़बेया़गी ताहन्दा थोङदी, थे़दी ओ़हङदीॱराङ येहबा।
स्या-ताककी ताक्छेन, पे यिहॱना़ तेहपा लाहमले ज़्योरक्यो टाहङदेनकी पार खोगी ओ़ह ती़हजीलाराङ ज्योर सिहन्ग्यो येहकें, ओहजेला खोती स्या-ताक माहकाहल्बा येहकें। स्या-ताक माहबेबा पेहतीॱआङ किन्ज्योला तेहपा पेहती खो मिह टाहङबु सी़ह ख़ूसीन ओहले खो मिह थाम्ज्यीदी यिहक्तेन आबा काहल्सीन। दि तेहन्दा डुप्च्यु म़ेदीराङ दि रोहवा काहल्ग्यो यिहम्बा।
ओ़ह सोङबे दिगी तेहन्दाला ङ्यिहगीॱआङ किन्ज्योला नाहम माॱनाङ थुज्यी-छ्ये़ फुल्गे, च्यिबेमाना ङ्यिहगी ख्या फ़ेबे-म़ेहमेया़ला किन्ज्योगी लुहङ स्येकेमु ख्या फ़ेबे-म़ेहमेया़गी दि लुहङ ङ्यिहती मिहम्बा यिहॱनाङ दि लुहङ किन्ज्योदीॱराङ यिहम्बा म़ेदी ची़सीन। यिहन्ज्येॱआङ दि तेहम्बाराङ किन्ज्योदीॱराङ लुहङ यिहन्गे। ता़ह यिह छ्य़ेगे ख्या फ़ेबे-म़ेहमेया़गी पाहरक्यीला दि लुहङगी छ्या़ले जे नाङगेराङ येहबा।
ကြော်ငြာတွေ