कलस्‍सी 4:17 - ह्योल्‍मो

¹⁷ “ख्‍येगी चो़वो लाहमले ज़्‍योरक्‍योगी स्‍याहप्‍तो स्‍युहएँगी ल़ेह ता़ह छाङबु पेह” म़ेदी अर्खिप्‍पसला म़े तेर।

कलस्‍सी 4:17 ပူးပေါင်းရင်းမြစ်များ

मत्ती 25:17

ओहले सेर-टाङ कोहर्मु ङ्यी़ ज्‍योर्केन्‍दीगीॱआङ लेहमेन सेर-टाङ कोहर्मु ङ्यी़ ख्‍येप्‍साङ तेन्‍सीन।

ल़ेह-पेन 1:17

च्‍यिबेमाना खोगी टाहङजी ओहराङ ङ्याम्‍बुराङ काहल्‍ग्‍यो येहकें ओहले ओहराङ ङ्याम्‍बुराङ चो़वो छ्येवागी छ्या़ले पेहच्‍येला खोॱआङ दाम्‍ग्‍यो येहकें।

ल़ेह-पेन 14:23

ओहले खुङ ङ्यी़गी छेन्‍छोक टाहङमाराङ एल्‍डरया़ला दाम्‍सीन, ओहले खुङ ङ्यी़गी सोल्‍वाङ ताप्‍ती, ङ्युङने तेहती खुङया़ला चो़वो छ्येवागी कुम्‍देनला छेन्‍छोकला चि क्‍याहप्‍सीन।

ल़ेह-पेन 20:28

ता़हनी ख्‍याराङॱआङ जेम्‍बु पेहतोङ, ओहले नाम्‍पार-ताहक्‍पा थुगी ख्‍याला च्‍योल नाङग्‍योकी छो़बाया़लाॱआङ या़हबु पेहती त़ेदोङ। किन्‍ज्‍योगी छेन्‍छोकला या़हबु पेहती कोहरोवा जे नाङदोङ च्‍यिबेमाना चो़वो छ्येवा येशूगी ओ़ह मिहया़ला राहङदीराङ ठा़ स्‍याहल च्‍य़ू नाङदी ङ्योह नाङग्‍यो यिहन।

एफिसी 4:11

ओहले मिहरोगी मिहया़ला– लाहलाला ल़ेह-पेनया़, लाहलाला लुहङतेम्‍बाया़, लाहलाला या़हबु लेहङगु स्‍येकेन्‍गी मिहया़, लाहलाला पास्‍टरया़ ओहले लाहलाला लोबेनया़की काबापया़ नाङसीन।

१ तिमोथी 4:14

ख्‍येगी ज्‍योरक्‍योकी काबापला याहङसे मा़हने। ओ़ह काबाप लुहङतेम्‍बागी स्‍याहल सुङगेमु ओहले छेन्‍छोककी एल्‍डरया़गी ख्‍ये थो़ला लाहक्‍पा ज़्‍या़गेमु ख्‍येला ज्‍योरक्‍योकी काबाप यिहम्‍बा।

१ तिमोथी 4:16

राहङगी तेहन्‍दाला ओहले राहङगी लुहङगी तेहन्‍दाला जेम्‍बु पेहती तेह। दि तामया़ला तिङ ङ्या़दीॱराङ तेह। दि ल़ेहमु पेहसीमाना ख्‍ये दाङ ख्‍येगी ताम ङ्यिहन्‍गे ख्‍या ङ्यिकागीराङ थार्पा ज्‍योर्च्‍ये येह।

१ तिमोथी 4:6

का़हलेॱआङ ख्‍येगी आदा-नो़ह दाङ आज्‍यी-नुहमुया़ला दि लुहङ लोप तेर्सीमाना ख्‍येगी ची़दे ओङग्‍योकी तेहन्‍दामकी लुहङ दाङ तेहपाकी सुङला छार्ती ख्‍ये मास्‍यीका येशूती ज्‍यिबुराङ या़हबु स्‍याहप्‍तो स्‍युहएँगी मिह डोज्‍ये येह।

१ तिमोथी 6:20

तिमोथी, ख्‍येला चि क्‍याहप्‍क्‍योगी तामया़ या़हबु पेहती ज़्‍यो़। उल्‍दुम्‍बा तामया़ दाङ फेन मे़हथोएँगी तामया़ला ताहक्‍स्‍यार पेहकेन्‍गी तामया़ ओ़ह माहताहक्‍पाकी येहन्‍देनया़ यिहम्‍बा ओ़ह ङो़ले ख्‍ये था़-रिहङबुराङ तेह।

२ तिमोथी 1:6

ओ़ह सोङबे ङाह ख्‍येला तोहङमागी तामया़ टेहम्‍बा साल च्‍य़ूगेनॱराङ माउ येह, ङाहगी ख्‍ये थो़ला लाहक्‍पा ज़्‍या़गेमु किन्‍ज्‍योगी नाङग्‍योकी काबापला ख्‍येगी मेह ल़ेहमुराङ पेहती ती़हदी तेह च्‍य़ूदोङ।

२ तिमोथी 2:2

पाङबु तेर्के माहङबुराङ मिहया़की दिनला ङाहगी ख्‍येला लोप्‍क्‍योकी तामया़ लेहमेन लोप ख़ूएँ दाङ यिह-छ्य़ेबु मिहया़ला चि क्‍याहप तेर।

फिलेमोन 1:2

ओहराङगी नुहमु अप्‍फिया, ङ्यिह ङ्याम्‍बुराङ डी़दी ले़ह पेहक्‍योगी माक्‍मी रो़ह अर्खिप्‍पस दाङ ख्‍येगी खाङबाला छो़क्‍यो छेन्‍छोकला: