यिहॱनाङ ङाह ख्याया़ला माएँ, का़हन्दीगी राहङगी नो़ह ङ्याम्बु स्यिहताङ पेहकें खो ङ्य़ेहबा खुर्च्ये सी़हएँ, ओहले का़हन्दीगी राहङगी नो़हला ङ्याप्च्यु पेहकें, खोगी छो़बा छ्यिम्बुगी दिनला ल़ेहन क्याहप कोहच्ये येह। यिहॱनाङ का़हन्दीगी राहङगी नो़हला ‘ख्ये उल्दुम्बा’ म़ेदी माएँ, खो ङ्याल्वागी मेहला छ्यिकेन्गी ज्यिक्पा ओहङज्ये येह।”
कलस्सी 3:8 - ह्योल्मो8 यिहॱनाङ ता़ह ख्याया़गी स्यिहताङ दाङ टाहसेम पेहकें, ठादो पेहकें, ख्येर क्याहप्केन दाङ छारा ताम माएँया़ क्युर कोहएँ। အခန်းကိုကြည့်ပါ။ |
कलस्सी 3:8
35 ပူးပေါင်းရင်းမြစ်များ
तोहरोङॱआङ ख्या जाम्बुलीङकी सेम्बाया़ लाहमले राहङगी मिहजी ताङगो दु। ओहले ख्या राहङ नाहङदुङ ठादो पेहकेन दाङ ठ़ूस्यी सिहङदा पेहकेन्की केच्याया़नी येहॱराङ येहबा। च्यि ओ़हठी यिहन्सीमानानी ख्या राहङगी ज़ुबुकी च्यि पेहच्ये सेम क्येएँ ओ़हठीॱराङ डोलु-तेहलु पेहकेन जाम्बुलीङकी लेहमेन मिहया़ ल़ेहमुराङ माहकाहल ले?
च्यिबेमाना ङाह ख्याला थु ओहङगेमु ङाहगी ने़क्यो ल़ेहमु ख्या मेहयोहङडो ओहले ख्यागी ने़क्यो ल़ेहमु ङाह मेहयोहङडो म़ेदी ङाहला ज्यी़सु येहकें। ख्याया़गी पाहरक्यीला ठ़ूस्यी, ठादो, स्यिहताङ, राहङदी च्यी़राङ ख्येप्साङ ताएँ, ख्येर क्याहप्कें, मिहदाम च्येहके, छ्य़ेन्दो तेन्गे दाङ मिहला गो़ थोम च्य़ूगेन्गी तामया़ॱआङ ओहङडो।
खुङ छो-क्याहम्जोकी ज्यी़ज्ये ल़ेहमु छ्यु-पाहलापया़ ल़ेहमुराङ यिहम्बा ओहले राहङगी नाम्दो लाहङज्ये ल़ेहमु से़हया़ छो-क्याहम्जोगी पोहवाल ल़ेहमुराङ पेहती तेन्गे। खुङ राहङगी लाहमला मा़हस्युहबा पेहती काहने थेतेराङ कोरा क्याहप्ती डोएँगी नामगी कार्माया़ ल़ेहमु यिहम्बा। खुङगी तेहन्दाला नाहम्स्यी किन्दु ज़ी़ज्ये ल़ेहमु ना़-जुबे ग्या़ सी़दे ज़्या़क्यो येहबा।
ကြော်ငြာတွေ